ലഹരിക്കെതിരെ ബോധവൽക്കരണ പരിപാടി സംഘടിപ്പിച്ചു.

ആറു വർഷത്തിലധികമായി സോഷ്യൽ മീഡിയ രംഗത്ത് സജീവമായ #ജനസമക്ഷം വടക്കാങ്ങര വാട്സ് ആപ്പ് ഗ്രൂപ്പിൻ്റെ ആഭിമുഖ്യത്തിൽ

പുതുവത്സരത്തോടനുബന്ധിച്ച്

ലഹരിക്കെതിരെ ബോധവൽക്കരണ പരിപാടി സംഘടിപ്പിച്ചു.

ശ്രീ. കെ. ഗണേഷ് (വിമുക്തി റിസോഴ്സ് പേഴ്സൺ - എക്സൈസ് ഡിപ്പാർട്ട്മെൻ്റ്- പൊന്നാനി) മുഖ്യ പ്രഭാഷണം നടത്തി.

#വടക്കാങ്ങര പ്രദേശത്തെ നിര്യാതരായവരുടെ വിവര ശേഖരണ രജിസ്റ്റർ പ്രകാശനം

അനസ് കരുവാട്ടിൽ (കോർഡിനേറ്റർ മക്കരപ്പറമ്പ് പഞ്ചായത്ത്മ ഹല്ല് കോർഡിനേഷൻ) നിർവ്വഹിച്ചു.

കരിപ്പൂർ എയർ ഇന്ത്യ വിമാന ദുരന്ത സമയത്ത് വിമാന യാത്രക്കാർക്കിടയിൽ സേവന രംഗത്തിറങ്ങിയ വടക്കാങ്ങര സ്വദേശിനി ഇശൽ സുൽഫിക്കറിനെ പ്രത്യേകം ആദരിച്ചു.

അബു മാസ്റ്റർ ചോലക്കൽ (വൈസ് ചെയർമാൻ മക്കരപ്പറമ്പ് പഞ്ചായത്ത്മഹല്ല് കോർഡിനേഷൻ)

ആശംസകൾ അർപ്പിച്ച് സംസാരിച്ചു.

ഇശൽ സുൽഫിക്കറിനുള്ള #ജനസമക്ഷം മെമെൻ്റോ കെ. ഗണേഷും ചോലക്കൽ അബു മാസ്റ്റർ ഗണേഷിനുള്ള #ജനസമക്ഷം മെമെൻ്റോയും വിതരണം ചെയ്തു.

ഹൻഷില പട്ടാക്കൽ ഗാനമാലപിച്ചു.

ഗ്രൂപ്പ് അഡ്മിൻ #അൻവർ വടക്കാങ്ങര ചടങ്ങ് നിയന്ത്രിച്ചു.

പട്ടാക്കൽ ഇബ്രാഹിം മാസ്റ്റർ നന്ദി പറഞ്ഞു.

VISIT AND LIKE

Face Book Page:

https://www.facebook.com/Janasamakshamblog

W. App Groups

Janasamaksham W.App Groups:

00966507588672

Blog:

http://janasamaksham.blogspot.com/

Siraj 13-1-2022

Mathrubhumi 13-1-2022

Madhyamam 12-1-2022

Abu Master Distributing Janasamaksham Memento to Mr. Ganesh 

Mr. Ganesh Distributing Janasamaksham Memento to Miss. Ishal  

Publishing Record of the deceased

Presentation by Mr. Ganesh .K

ഓര്‍ക്കുക നാം ആകാശത്താണ്!!

ആകാശ യാത്രകള്‍ ക്രമാതീതമായി വര്‍ദ്ധിച്ചതോടെ വിമാന ദുരന്തങ്ങളും അടിക്കടി ഉണ്ടായിക്കൊണ്ടിരിക്കുന്നുവെന്നത് സമീപകാല സംഭവങ്ങള്‍ സാക്ഷിയാണ്.

ആകാശത്തിലൂടെയാണ് നാം സഞ്ചരിച്ചുകൊണ്ടിരിക്കുന്നതെന്നും അത്തരം ഒരു യാത്രയില്‍ ഉണ്ടായിരിക്കേണ്ട മര്യാദകളും നിയമങ്ങളും പാലിക്കണമെന്നുമുള്ള ബോധം എല്ലാവര്ക്കും ഉണ്ടാവേണ്ടതുണ്ട്. 

വളരെ ചെറിയ പിഴവുകള്‍ കാരണം നൂറുകണക്കിന് യാത്രക്കാര്‍ ഞൊടിയിടയില്‍ കത്തിയമര്‍ന്ന് കരിക്കട്ടകളായി മാറുമ്പോള്‍ വലിയ അപകടങ്ങളില്‍നിന്ന് അത്ഭുതകരമായി രക്ഷപ്പെടുന്ന സംഭവങ്ങളും നിരവധി.

അനന്ത വിഹായുസ്സിലേക്ക് നിറയെ യാത്രക്കാരുമായി പറന്നുയരുന്ന വിമാനങ്ങളിലെ ചില യാത്രക്കാര്‍ തങ്ങള്‍ ഭൂമിയില്‍ വെച്ച് ചെയ്യാന്‍ മടിക്കുകയും ഭയക്കുകയും ചെയ്യുന്ന കാര്യങ്ങള്‍ മാനത്ത് വെച്ച് ചെയ്യുന്നു. ആര്‍ത്തിയോടെയുള്ള പരസ്യമദ്യപാനം, വിമാനത്തിലെ പ്രത്യേക യാത്രനിര്‍ദ്ദേശങ്ങള്‍ പാലിക്കാതെ സഹ യാത്രക്കാരോടും വിമാന ജോലിക്കാരോടുമുള്ള മോശമായ പെരുമാറ്റം, വര്ഷങ്ങളോളം നാടുപിടിക്കാൻ കാത്തിരിക്കുന്നവർക്ക്‌ ഏതാനും നിമിഷങ്ങൾ കാത്തിരിക്കാൻ ക്ഷമയില്ലാതെ ലാന്റിംഗിനു മുമ്പേ ചാടി എണീറ്റ് ബാഗേജു എടുത്തു പുറത്തു പോകാനുള്ള ധൃതി, സീറ്റ് ബെൽറ്റ് ഉപയോഗിക്കാതെയുള്ള യാത്ര  തുടങ്ങിയ കാര്യങ്ങളിൽ അശ്രദ്ധരാണ് പലരും. 

സ്വബോധം പോലും നഷ്ടപ്പെടുത്തി അന്തസ്സും അഭിമാനവും കളഞ്ഞുകുളിച്ചു ചെയ്യുന്ന ഇത്തരം അരുതാഴ്മകൾ കാണുമ്പോള്‍ ചില വിമാന ദുരന്തങ്ങളിൽ യാത്രക്കാർക്ക് സംഭവിക്കുന്ന നഷ്ടങ്ങളും പരിക്കുകളും സ്വയം ചോദിച്ചു വാങ്ങുകയാണോ എന്ന് തോന്നിപ്പോകുന്നു. 

Visit and LIKE

Face Book Page

https://www.facebook.com/Janasamakshamblog/

#Janasamaksham W.App Groups: 00966507588672

#കോവിഡ് 19 : മത സംഘടന കൂട്ടായ്മകളും ഇടപെടണം

#കോവിഡ്-19 മഹാമാരി വലിയൊരു ഭീഷണിയായി ലോകമാകെ പടർന്നുകൊണ്ടിരിക്കുമ്പോൾ പ്രവാസലോകത്ത് രോഗികൾ, ഗർഭിണികൾ, തൊഴിൽ നഷ്ടപ്പെട്ടവർ, വിസ കാലാവധി കഴിഞ്ഞവർ തുടങ്ങിയവരൊക്കെ എങ്ങിനെയെങ്കിലും നാടണയാനുളള മാർഗ്ഗങ്ങളും തെരഞ്ഞു നടക്കുകയാണ്.

പ്രതിസന്ധി ഘട്ടങ്ങളിൽ സഹായിക്കുമെന്ന് പ്രതീക്ഷയുണ്ടായിരുന്ന കേന്ദ്ര - സംസ്ഥാന സർക്കാറുകൾ അനുദിനം #പ്രവാസികളെ കഷ്ടത്തിലാക്കുന്ന നിയമങ്ങളാണ് പ്രഖ്യാപിച്ചുകൊണ്ടിരിക്കുന്നത്.

ഗൾഫിന്റെ വിവിധ നാടുകളിൽ വ്യത്യസ്ത രീതിയിലുള്ള സജ്ജീകരണങ്ങളാണ് കോവിഡ് രോഗികൾക്ക് ഒരുക്കിയിട്ടുള്ളത്. നമ്മുടെ രാജ്യത്തോ മറ്റേതെങ്കിലും രാജ്യത്തോ ഉള്ള സജ്ജീകരണങ്ങൾ കണ്ടുഎല്ലാ രാജ്യങ്ങളിലും അതേപോലെയുണ്ടെന്നു അധികാരികൾ മനസിലാക്കിയതാണ് ആദ്യ തെറ്റ്.

#പ്രവാസികളുടെ പ്രശ്‌നം പരിഹരിക്കാൻ പ്രവാസികൾ മാത്രമേ ഉളളൂവെന്ന വികാരവും അവരെ വെറും വോട്ടുകുത്തികളും ഫണ്ട് പിരിവുകാരുമായി മാത്രമേ നേതാക്കളും ഭരണാധിപന്മാരും കാണുന്നുള്ളുവെന്ന യാഥാർഥ്യവും ഭൂരിഭാഗം പ്രവാസികളും മനസ്സിലാക്കി കഴിഞ്ഞിരിക്കുന്നു.

സാമൂഹ്യ ജീവിതത്തിലെ സാഹോദര്യ ബന്ധവും ഒരു സഹോദരന്‍റെ വിഷമം തീര്‍ത്തുകൊടുത്താല്‍ ലഭിക്കുന്ന പുണ്യത്തിന്റെ മികവും പഠിപ്പിച്ചുകൊടുക്കുന്ന മത സംഘടനകളുടെയും സ്ഥാപനങ്ങളുടെയും ഗള്‍ഫ് ചാപ്റ്ററുകള്‍, പ്രാദേശിക - സംയുക്ത മഹല്ല് കമ്മിറ്റികള്‍, റിലീഫ്‌ കൂട്ടായ്മകള്‍ തുടങ്ങിയ നൂറുകണക്കിന് സംഘടനകള്‍ മിക്ക ഗൾഫ് രാജ്യങ്ങളിലും വ്യവസ്ഥാപിതമായി പ്രവര്‍ത്തിച്ചു വരുന്നുണ്ട്. ഒരു വേള രാഷ്ട്രീയ സംഘടനകളേക്കാള്‍ പതിന്മടങ്ങ് വിഭവ ശേഷിയും ഭദ്രതയും ഗൾഫിലെ സര്‍ക്കാർ, സർക്കാറിതര കേന്ദ്രങ്ങളിലും സ്വാധീനമുള്ളവരുമാണ് പല സംഘടനകളും. നാടിന്റെ നട്ടെല്ല് എന്ന് വിശേഷണമുള്ള പ്രവാസികളുടെ വിയർപ്പിന്റെ നല്ലൊരു ഭാഗം നാട്ടിലെ മത സാമൂഹ്യ വിദ്യാഭ്യാസ മേഖലകൾക്കും കിട്ടിയിട്ടുണ്ട് എന്നതും മറക്കാതിരിക്കുക.

കേന്ദ്ര-സംസ്ഥാന സർക്കാരുകളുടെ വികലമായ ചിന്തകളും നയങ്ങളും തിരുത്തിപ്പിക്കാനും പ്രായോഗികമായ കാര്യങ്ങളിലൂടെ ഈ പ്രതിസന്ധിഘട്ടങ്ങളിൽ നിന്നും പ്രവാസി സമൂഹത്തെ രക്ഷിക്കാൻ മേല്പറഞ്ഞ സംഘടനകൾക്കും ബാധ്യതയുണ്ട്.

(Published in Malayalam News 20-06-2020)

Visit and LIKE

#Janasamaksham Face Book Page:
https://www.facebook.com/Janasamakshamblog/

#Janasamaksham Blog:

http://janasamaksham.blogspot.com/
W. + Mob: +966507588672

വിനയപൂർവ്വം
#അൻവർ #വടക്കാങ്ങര
ബെയ്‌സ് - ജിസാൻ
മൊബൈൽ:+96650758867