1998 മുതല്‍ കാലികമായ വിഷയങ്ങളെ കുറിച്ച് വിവിധ ആനുകാലികങ്ങളിലെ വായനക്കാരുടെ കോളത്തില്‍ പ്രസിദ്ധീകരിച്ച കത്തുകളുടെ സമാഹാരം

Wednesday, May 30, 2018

നിപ വൈറസ് ബാധ: സർക്കാർ ധന സഹായം നല്കണം.


സംസ്ഥാനത്തിന്റെ പല ഭാഗത്തായി നിപ വൈറസിന്റെ ബാധയേറ്റ് ജീവൻ നഷ്ടപ്പെട്ടവർക്കും, വിവിധ ആശുപത്രികളിലെ തീവൃപരിചരണ വിഭാഗത്തിൽ പ്രവേശിപ്പിക്കപ്പെട്ടവർക്കും സാമ്പത്തിക സഹായവും  കുടുംബത്തിലെ അർഹതപ്പെട്ടവർക്ക് സർക്കാർ  ജോലിയും നല്കി സഹായിക്കാൻ സർക്കാർ ഉടനടി നടപടി സ്വീകരിക്കേണ്ടതുണ്ട്.


ഉന്നത പോലീസ് ഉദ്യോഗസ്ഥന്മാരുടെ ഒത്താശയോടെ സംസ്ഥാനത്ത് നടന്ന വിവിധ ലോക്കപ്പ് പീഡനത്തിനിരയായവർക്കും, രാഷ്ട്രീയ പകപോക്കലിന്റെയും  ഭാഗമായി ഇന്ജിന്ജായി കൊല്ലപ്പെടുന്നവര്ക്കും ഉന്നതാധികാരസ്ഥാനത്തിരിക്കുന്നവരും വന്കിട മുതലാളിമാരും തങ്ങള്ക്കിഷ്ടമില്ലാത്തവരോട് കാണിക്കുന്ന സമാനതകളില്ലാത്ത പീഡനങ്ങള് മൂലം ജീവന് നഷ്ടപ്പെട്ടവര്ക്കും കുബേര പുത്രന്മാരുടെ റാഗിംഗിനിരയായി ആശുപത്രിയില് പ്രവേശിപ്പിക്കപ്പെട്ടവര്ക്കും കാല്ക്കോടി രൂപവരെയാണ് സര്ക്കാര് നഷ്ടപ്പരിഹാരമായി നല്കിക്കൊണ്ടിരിക്കുന്നു.
എന്നാൽ പ്രകൃതി ദുരന്തങ്ങള്, അത്യാഹിതങ്ങള്, മാരക രോഗം, വിഷബാധ തുടങ്ങിയവ കാരണങ്ങളാല് പ്രയാസമനുഭവിക്കുന്നവർക്ക് സര്ക്കാര് ഫണ്ടില് നിന്നും വല്ലതും കിട്ടണമെങ്കില് മാസങ്ങളോളം സര്ക്കാര് ഓഫീസുകള് കയറിയിറങ്ങിയും ബന്ധപ്പെട്ടവരെ കാണേണ്ടവിധം കാണുകയും ചെയ്താലേ കാര്യങ്ങള് നടക്കാറുളളു .
നിപ വൈറസ് ബാധിതരായി സർവ്വതും നഷ്ടപ്പെട്ടവർക്കും അവസ്ഥ ആവർത്തിക്കാതിരിക്കാൻ ബന്ധപ്പെട്ടവർ ശ്രദ്ധിക്കേണ്ടതുണ്ട്.
(Published in Thejas Daily  29-5-18)
FOR MORE READINGS

Visit and Like:
Face Book Page:
https://www.facebook.com/Janasamakshamblog/
Blog:
http://janasamaksham.blogspot.com/






Saturday, May 12, 2018

കാണട്ടെ സമാധാനപരമായ ഒരര്‍ത്താല്‍!!



കാശ്മീരിലെ രസാന ഗ്രാമത്തിലെ എട്ടുവയസുകാരിയെ ഏഴുദിവസത്തോളം ക്ഷേത്രത്തിൽ പൂട്ടിയിട്ട് ബലാത്സംഗം ചെയ്ത ശേഷം അതിക്രൂരമായി കൊലപ്പെടുത്തിയതുമായി ബന്ധപ്പെട്ട  പ്രതിഷേധങ്ങള്‍ പതിവുപോലെ സോഷ്യല്‍ മീഡിയ വഴിയും സജീവമായി.

രാജ്യം ഭരിക്കുന്ന പാര്‍ട്ടിയുടെ പിന്തുണയോടെ സംഘപരിവാര്‍ കണ്ടെത്തിയ ഹീനമായ കുതന്ത്രത്തെ തിരിച്ചറിഞ്ഞതുകൊണ്ടു കൂടിയാണ് മുമ്പെങ്ങുമില്ലാത്ത വിധം നാട്ടിലും മറുനാടുകളിലും വിവിധങ്ങളായ പ്രതിഷേധ പരിപാടികള്‍ അരങ്ങേറിയത്

കേരളത്തില്‍, പ്രത്യേകിച്ച് മലബാര്‍ മേഖലകളിലെ ഗ്രാമങ്ങളിലടക്കം ഒരു പ്രത്യേക മത, രാഷ്ട്രീയ സംഘടനകളുടെയും പിന്തുണയില്ലാതെ പൊതുജനങ്ങളും ഹര്‍ത്താലുപോലുള്ള പ്രതിഷേധവുമായി സഹകരിച്ചു. 

പതിവുപോലെ ജനങ്ങള്‍ തെരുവുലിറങ്ങി, ഗതാഗത തടസ്സം നേരിട്ടു, നിയമപാലകരുമായി വാക്കേറ്റമുണ്ടായി, ഏതാനും കെ.എസ്.ആര്‍.ട്ടി.സി. ബസുകള്‍ക്കും ചില കടകള്‍ക്കും മറ്റും കേടുപാടുകള്‍ പറ്റി. എന്നാല്‍ പ്രസ്തുത ഹര്‍ത്താലിന്‍റെയും ആക്രമണങ്ങളുടെയും മറവില്‍ നാട്ടില്‍ കലാപം സൃഷ്ടിക്കാനുള്ള  സംഘപരിവാര്‍, സി.പി,എം. സംഘടനകളുടെ പങ്ക് പകല്‍വെളിച്ചം പോലെ തിരിച്ചറിഞ്ഞിട്ടും മുസ്ലിം ചെറുപ്പക്കാരെയും സംഘടനകളെയും വേട്ടയാടുന്നത് തുടരുകയാണ്. 




മേല്‍ പറഞ്ഞതൊന്നും നടക്കാത്ത എത്ര ഹര്‍ത്താലുകളും സെക്രട്ടറിയേറ്റ്, കലക്ട്രേറ്റു മാര്‍ച്ചുകളും ഇപ്പോള്‍ വിമര്‍ശനവുമായി രംഗത്തിറങ്ങിയ രാഷ്ട്രീയ സംഘടനകള്‍ക്ക് കാണിച്ചു തരാന്‍ സാധിക്കും. പാര്‍ട്ടി പ്രക്ഷോപ പരിപാടികള്‍ക്ക് വാര്‍ത്താ പ്രാധ്യാന്യം കിട്ടാന്‍ വേണ്ടി മന:പ്പൂര്‍വ്വം സംഘര്‍ഷങ്ങള്‍ ഉണ്ടാക്കുന്നതും പതിവുപരിപാടിയല്ലേ?

അതിനാല്‍ ഇനിയെങ്കിലും അനാവശ്യ ഹര്‍ത്താലുകള്‍ പ്രഖ്യാപിക്കാതെയും ഹര്‍ത്താല്‍ നടത്താതെ കാര്യങ്ങള്‍ സാധിക്കാത്ത അത്യാവശ്യ ഘട്ടത്തില്‍  യാതൊരുവിധ ഗതാഗത തടസ്സവും സൃഷ്ടിക്കാതെ, പൊതു മുതല്‍ നശിപ്പിക്കാതെ, നിയമപാലകരുമായി സഹകരിച്ചുകൊണ്ടുള്ള ഒരു മാതൃകാ ഹര്‍ത്താല്‍ നടത്താന്‍ വിമര്‍ശകര്‍ക്ക് സാധിക്കുമോ?.  (Published in Thejas Daily 10 May 2018) 







FOR MORE READING
Visit and Like:

Face Book Page

https://www.facebook.com/Janasamakshamblog/

Blog
http://janasamaksham.blogspot.com/

Monday, April 23, 2018

തീവ്രവാദ ആരോപണങ്ങള്‍ക്ക് പിന്നില്‍


കിനാലൂര്‍, ഗൈല്‍ പൈപ്പ് ലൈന്‍, ദേശീയപാത വികസനം തുടങ്ങിയ വിഷയങ്ങളില്‍ നിലനില്പ്പിന്നായി പോരാടുന്നവരെയും അവര്‍ക്ക് പിന്തുണ കൊടുക്കുന്നവരെയും തീവ്രവാദ പട്ടം നല്‍കി ആക്ഷേപിക്കാന്‍ സംഘികളെക്കാള്‍ സഖാക്കളും മത്സരിക്കുകയാണിന്ന്. മലപ്പുറത്തുകാരനും ഇസ്ലാമിക ചരിത്രത്തില്‍ ബിരുദവുമുള്ള സഖാവ് വിജയരാഘവന്‍ ഈ കഴിഞ്ഞ ദിവസം നടത്തിയ ആരോപണവും മനസ്സറിഞ്ഞുകൊണ്ടുതന്നെയാവണം. 

താന്‍ ജീവിക്കുന്ന ചുറ്റുപാടുകളില്‍ നിലനില്പിനു വേണ്ടിയോ മാനുഷിക  വിഷയങ്ങളിലോ ഇടപെടുന്നവരും പിന്തുണക്കുന്നവരുമെല്ലാം തീവ്രവാദികളും ഭീകരവാദികളുമാണെന്ന് ആരോപിക്കുകയും ഒറ്റപ്പെടുത്തുകയും ചെയ്യുന്നത് പുതിയ സംഭവമല്ല. ഫലസ്തീനികളും കാശ്മീരികളുമൊക്കെ വളരെ മുമ്പേ ഈ ചെല്ലപ്പേരില്‍ അറിയപ്പെടുന്നവരാണ്‌.

വികസനത്തിന്‍റെ മറവില്‍ സര്‍ക്കാരും മറ്റു ഏജന്‍സികളും നടപ്പാക്കുന്ന അനീതികള്‍ക്കെതിരെയും മറ്റു സാമൂഹ്യ, മനുഷ്യാവകാശ വിഷയങ്ങളിലും മുഖ്യധാര രാഷ്ട്രീയ പ്രസ്ഥാനങ്ങള്‍ നടത്തിയിരുന്ന മുന്നേറ്റങ്ങള്‍ അടുത്തകാലത്ത്‌ സജീവമായ ചില രാഷ്ട്രീയ നവജാഗരണ പ്രസ്ഥാനങ്ങള്‍ ഏറ്റെടുത്തതിന്‍റെ ജാള്യതമൂലമാണ് ഉത്തരവാദപ്പെട്ട ജനപ്രതിനിധികളും നേതാക്കളും ഇത്തരം ആരോപണങ്ങള്‍ തുടര്‍ച്ചയായി ഉന്നയിച്ചുകൊണ്ടിരിക്കുന്നത്. (Published in Thejas Daily on 19 April 2018)