Janasamaksham

ഹിന്ദുത്വ അജണ്ടകള്‍: ഒരു വെടിക്ക് രണ്ടു പക്ഷി

2012-02-29T12:29:00.000+03:00

മക്ക മസ്ജിദ്‌, അജ്മീര്‍ ദര്‍ഗ, മാലെഗാവ്, ഹൈദരാബാദ്, സംഝോതാഎക്സ്പ്രസ് തുടങ്ങിയ രാജ്യത്തെ നടുക്കിയ നിരവധി സ്ഫോടനങ്ങള്‍ക്ക് പിന്നില്‍ പ്രവര്‍ത്തിച്ചഹിന്ദുത്വ ശക്തികളുടെ പങ്ക് അനുദിനം പുറത്തു വന്നുകൊണ്ടിരിക്കുകയാണ്. സിയോണിസ്റ്റ്, സാമ്രാജ്യത്വശക്തികള്‍ അന്തരാഷ്ട്ര തലത്തില്‍ നടത്തിക്കൊണ്ടിരിക്കുന്ന അതെ തന്ത്രങ്ങളുംപദ്ധതികളുമാണ് അവരുടെ ഇന്ത്യന്‍ ഔട്ട്‌ലെറ്റുകളായ ഹിന്ദുത്വ ശക്തികള്‍ നമ്മുടെനാട്ടിലും പരീക്ഷിച്ചുകൊണ്ടിരിക്കുന്നത്.

മുസ്ലിം യുവാക്കളെ തീവ്രവാദ വിധ്വംസക പ്രവര്‍ത്തനങ്ങളിലൂടെ കെണിയിലകപ്പെടുത്താനുള്ളകുതന്ത്രങ്ങള്‍ ആസൂത്രിതമായി നടത്തുന്നതിന്റെ തെളിവുകളാണ് നാടിന്റെ നടുക്കിയ സ്ഫോടനങ്ങളും,ഇടക്കിടക്ക് നടത്തുന്ന ക്ഷേതങ്ങളിലെ തീവെപ്പും ക്ഷേത്ര പരിസരത്തെ പശുവറവുകളുമൊക്കെ.

അതെ സമയം പ്രസ്തുത സ്ഫോടനങ്ങളുടെ പേരില്‍ കള്ളക്കേസില്‍കുടുക്കി ജയിലിലടക്കപ്പെട്ടവര്‍ക്ക് വേണ്ടി കേസ് വാദിക്കാനോ ബന്ധപ്പെട്ടകേന്ദ്രങ്ങളില്‍ അതിനെതിരെ ശബ്ദമുയര്‍ത്താനോ സാധിക്കാത്ത രൂപത്തിലേക്ക് മുസ്ലിംസംഘടനകളെയും സമുദായ നേതാക്കളെയും ഷണ്ടീകരിക്കുന്നതിലും തല്‍പ്പരകക്ഷികള്‍ വിജയിച്ചിരിക്കുന്നു.

മുസ്ലിം ലീഗിന് ശക്തമായ ഭരണ സ്വാധീനമുള്ള ഈ സമയത്ത്ഭരണകേന്ദ്ര വകുപ്പുകളിലെ സംഘപരിവാര്‍ പ്രേമികള്‍ ചുട്ടെടുക്കുകയായിരുന്ന ഈ മെയില്‍വേട്ടക്കെതിരെ സമുദായ നേതാക്കളും മുസ്ലിം സംഘടനകളും സ്വീകരിച്ച സമീപനം ഇതിന്റെഉത്തമ ഉദാഹരണമാണ്. ജനഹിതമനുസരിച്ചു നമ്മുടെ നാട്ടില്‍ ഇടതും വലതും പക്ഷങ്ങള്‍മാറി മാറി ഭരിക്കുമ്പോഴും സര്‍ക്കാര്‍ വകുപ്പുകളിലെ ഉദ്യോഗസ്ഥര്‍ അവരുടെ “ഹിഡന്‍ അജണ്ടകള്‍” കൃത്യമായി നിര്‍വ്വഹിച്ചുകൊണ്ടെയിരിക്കും.അതിനാല്‍ ഭരണത്തിലായാലും പുറത്തായാലും ഒളിഞ്ഞും തെളിഞ്ഞും മുസ്ലിം വിരുദ്ധകുതന്ത്രങ്ങള്‍ മെനയുന്നവരെ തിരിച്ചറിയാനും പ്രതികരിക്കാനും ശ്രദ്ധിക്കേണ്ടതുണ്ട്.വിഷയത്തിന്റെ ഗൌരവം മനസ്സില്ലാക്കാതെ അസ്തിരമായ ഭരണവും അതിന്റെ സൌകര്യങ്ങളിലുംമതിമറക്കുന്നവര്‍ ഫാഷിസത്തിന്റെ ചതിക്കുഴികളിലേക്കാണ് നീങ്ങുന്നത്. (Thejas Daily 28 Feb2012)

തലമറന്നു എണ്ണ തേക്കുന്നവര്‍

2012-02-14T21:59:00.000+03:00

ഗള്‍ഫിന്‍റെ ഇതര ഭാഗങ്ങളില്‍ സിനിമാതാരങ്ങളെയും മറ്റു കലാകാരന്മാരെയും കൊണ്ടുവന്നു കലാപരിപാടികള്‍ സംഘടിപ്പിച്ചുകാശുണ്ടാക്കുന്ന പരിപാടി ഇപ്പോള്‍ സൌദിയിലും വ്യാപകമായിക്കൊണ്ടിരിക്കുകയാണിപ്പോള്‍.

ഫ്ലാറ്റില്‍ ഒതുങ്ങിക്കൂടി ജീവിക്കുന്നപ്രവാസികള്‍ക്ക്, വിശിഷ്യാ കുടുംബങ്ങളുമായി താമസിക്കുന്നവര്‍ക്ക്ഗൃഹാതുരത്വത്തിനും മാനസിക സംഘര്‍ഷത്തിനും ഒരല്‍പം ശാന്തി ലഭിക്കാനും ഇത്തരംപരിപാടികള്‍ പ്രയോജനപ്പെടാറുണ്ട്..

എന്നാല്‍ പല പരിപാടികളും മുന്‍കൂര്‍ അനുമതിയില്ലാതെയുംകാണികളെ നിയന്ത്രിക്കാന്‍ സാധിക്കാതെയും പരിധിക്ക് പുറത്തു പോകുന്ന സംഭവങ്ങളാണ് സൌദിയുടെപലഭാഗത്ത്‌ നിന്നും കേട്ടുകൊണ്ടിരിക്കുന്നത്. പരിപാടികളില്‍ പങ്കെടുക്കാന്‍എത്തുന്ന മുഖ്യാതിഥികാളോടുള്ള അനാദരവ് കൂടിയാണിത്. ഒരു ജനാധിപത്യ രാജ്യമായ നമ്മുടെനാട്ടില്‍പ്പോലും ഇന്ന് ഒരു പൊതുയോഗം സംഘടിപ്പിക്കാനും ഉച്ചഭാഷിണി ഉപയോഗിക്കാനുംഅനുമതി വാങ്ങേണ്ടതുണ്ടല്ലോ.

തൊഴിലിനു പുറമേ മക്ക, മദീന എന്നീപുണ്യപ്രദേശങ്ങളിലേക്ക് ഹജ്ജ് ഉംറ പോലുള്ള കര്‍മ്മങ്ങള്‍ക്കായി ലോകത്തിന്‍റെ മുക്ക്മൂലയില്‍നിന്നും വരുന്ന തീര്‍ഥാടകരും നയതന്ത്ര പ്രതിനിധികളും താമസിക്കുന്ന സൌദിയില്‍ എഴുപത്തഞ്ചോളംഎംബസ്സികള്‍ തന്നെയുണ്ട്. ഈ രാഷ്ട്രങ്ങളില്‍ നിന്നുള്ളവരൊക്കെ അവരുടെതായ ആഘോഷങ്ങള്‍,സാംസ്കാരിക പരിപാടികള്‍, നേതാക്കള്‍ക്കുള്ള സ്വീകരണം തുടങ്ങിയവ സ്വന്തംനാട്ടിലെപ്പോലെ സംഘടിപ്പിച്ചാല്‍ എന്തായിരിക്കും സ്ഥിതി.

എന്നിട്ടും കേരളക്കാരായ നാം മാത്രം വിവിധമത രാഷ്ട്രീയ സാംസ്കാരിക സംഘടനകളുടെ കീഴില്‍ നടത്തുന്ന കലാസാംസ്‌കാരിക പരിപാടികള്‍ക്ക്പുറമേ പ്രബോധന – ബോധവല്‍ക്കരണ – റിലീഫ്‌ പ്രവര്‍ത്തനങ്ങള്‍നിരവധിയാണ്.

യുവത്വത്തിന്റെ പ്രസരിപ്പില്‍ സൌദിയിലെനിയമങ്ങളെ മറന്ന് പരിപാടികള്‍ സംഘടിപ്പിക്കുന്നവരും അവിടെ കിടന്നു “ആടിപ്പാടി മിനുങ്ങാന്‍” കുപ്പികളുമായി വരുന്നവരും തല മറന്നു എണ്ണ തേക്കുകയാണെന്ന്ഓര്‍ക്കുന്നത് അവര്‍ക്ക് നന്ന്.

തൊഴില്‍ തേടി എത്തിയ നമ്മുടെ നാട്ടുകാര്‍ക്ക്ദോഷകരമായി ബാധിക്കുന്നതോടൊപ്പം ഈ നാട്ടിനെ, അതിരറ്റ ആദരവോടെയും ബഹുമാനത്തോടെയുംനെഞ്ചിലേറ്റി നടക്കുന്ന ജനസമൂഹത്തിന്‍റെ മനസ്സുകളെ വേദനിപ്പിക്കുക കൂടിയാണ് ഇത്തരം“കലാപപരിപാടികളിലൂടെ” ഇക്കൂട്ടര്‍ ചെയ്യുന്നത്.(Gulf Madhyamam 14 Feb 2012 )

ഇ മെയില്‍ വേട്ട – വിമര്‍ശകരുടെ ഇരട്ടത്താപ്പ്‌

2012-01-23T15:17:00.000+03:00

സംസ്ഥാന ആഭ്യന്തര വകുപ്പ് കൈകാര്യംചെയ്യുന്ന മുഖ്യമന്ത്രിയുടെ കീഴിലുള്ള ചില ഉദ്യോഗസ്ഥര്‍ നടത്തിയ മുസ്ലിം വിരുദ്ധനീക്കം പുറത്തായത് ഭരണകക്ഷികളില്‍ ആകെ അങ്കലാപ് സൃഷ്ടിച്ചിരിക്കയാണ് .

പറ്റിയ തെറ്റ് ന്യായീകരിക്കുംതോറുംകാര്യങ്ങള്‍ വഷളായിക്കൊണ്ടിരിക്കുന്നതിന്റെ തെളിവുകളാണ് ചില മുതിര്‍ന്നനേതാക്കളുടെ ആക്രോശങ്ങളും വിവിധ സംഘടന ഭാരവാഹികളുടെ വൈരുദ്ധ്യങ്ങള്‍ നിറഞ്ഞപ്രസ്താവനകളും മറ്റു ചിലരുടെ അര്‍ത്ഥഗര്‍ഭമായ മൌനവും ഇതിന്റെ ബാക്കിയാണ്

എന്നാല്‍ ഇ മെയില്‍ ലീസ്റ്റിലെ വ്യക്തികളുടെ“സിമി” ബന്ധം അന്വേഷിക്കണമെന്ന വകുപ്പ്മേധാവിയുടെ ഉത്തരവ് ഒരു ചെറിയ പിശക് മാത്രമായി അവതരിപ്പിച്ചു കൈകഴുകിയ ആഭ്യന്ത്രരവകുപ്പ് കൈകാര്യം ചെയ്യുന്ന മുഖ്യമന്ത്രിയുടെ നിലപാട് ലീസ്റ്റില്‍ ഉള്‍പ്പെട്ടവരെസംബന്ധിച്ചിടത്തോളം അത്ര നിസ്സാരമായി കാണേണ്ട സംഭവമല്ല.

വര്‍ഷങ്ങളായി നിരോധിക്കപ്പെട്ട ഒരുസംഘടനയില്‍ ഇരുപതും മുപ്പതും വര്‍ഷങ്ങള്‍ക്ക് മുമ്പ് പ്രവര്‍ത്തിച്ചുവെന്നകാരണത്താല്‍, അവരുടെ ഇ-മെയില്‍ അഡ്രസ്‌ വരെ ഇപ്പോഴും അന്വേഷിച്ചു നടക്കുന്നതുംപ്രശ്നത്തിന്റെ ഗൌരവും വര്‍ധിക്കുന്നു.

ഈ സംഭവം പുറത്തു കൊണ്ടുവന്ന വാരികയുടെതെറ്റ് തിരുത്താന്‍ ഉപദേശിക്കുന്നവരും അത് പ്രസിദ്ധീകരിച്ച രീതിയെ വിമര്‍ശിക്കുന്നവരുംഇ മെയില്‍ വേട്ടക്ക് നേതൃത്വം നല്‍കിയ ഉദ്യോഗസ്ഥര്‍ക്കെതിരെ ഒരു വാക്കുപോലും പറയാന്‍ധൈര്യം കാണിക്കുന്നില്ല.

രാജ്യത്ത്‌ നടന്ന നിരവധി സ്ഫോടനക്കേസുകളില്‍പിടിക്കപ്പെട്ടു വര്‍ഷങ്ങളോളം പൊലീസിന്‍റെ സര്‍വ്വവിധ പരാക്രമങ്ങളും കഴിഞ്ഞുനിരപരാധികളായി പുറത്തുവന്നപ്പോള്‍ യഥാര്‍ത്ഥത്തില്‍ ഈ സ്ഫോടനങ്ങള്‍ നടത്തിയത്ആരാണെന്ന് അന്വേഷിക്കാന്‍ പോലും സമാധാനവും മതസൗഹാര്‍ദവും പാടിപ്പറഞ്ഞു നടന്നവര്‍ ഇന്നേവരെതയ്യാറായിട്ടില്ല. തങ്ങള്‍ക്കിഷ്ടപ്പെടാത്തവരെയൊക്കെ തീവ്രവാദികളാക്കിമുദ്രകുത്തിയവരുടെ ഇത്തരം ഇരട്ടത്താപ്പ് നയങ്ങള്‍ വിശദീകരിക്കാന്‍ പോലും കഴിയാത്തസ്ഥിതിയാണിന്നവര്‍ക്ക്.

(Madhyamam 23 Jan 2012)

ഇ - മെയില്‍ വേട്ടയുടെ കാണാപ്പുറങ്ങള്‍

2012-01-21T14:15:00.002+03:00

കേരളത്തിലെ ഒരു പ്രത്യേക സമുദായത്തെ ടാര്‍ജറ്റു ചെയ്തുകൊണ്ട് സാധാരണക്കാരടക്കമുള്ള നൂറുകണക്കിന് പൌരന്മാരുടെ ഈ മെയില്‍ സന്ദേശങ്ങള്‍സംസ്ഥാന ഹൈടെക് ക്രൈം എന്‍ക്വയറി സെല്‍ നിരീക്ഷണത്തിനു വിധേയമാക്കിയ സംഭവംപ്രബുദ്ധ കേരളത്തിന്‌ തന്നെ നാണക്കേട് ഉണ്ടാക്കിയിരിക്കുന്നു.

മുസ്ലിം സമുദായത്തില്‍ നിന്നുമാത്രമായി പത്രപ്രവര്‍ത്തകരുംരാഷ്ട്രീയ നേതാക്കളും പൊതുപ്രവര്‍ത്തകരുംവിദ്യാര്‍ത്ഥികളും പ്രൊഫഷണലുകള്‍ക്കും പുറമേ സാധാരണക്കാരും മത സാംസ്കാരികസംഘടനകളുടെ ഭാരവാഹികളെയുമൊക്കെയാണ് നിരീക്ഷണത്തിനു വിധേയമാക്കിയത്.

സ്വന്തം കുടുംബത്തെയുംസമൂഹത്തെയും ഒരേപോലെ സംരക്ഷിക്കാന്‍ പാടുപെടുന്നതിലുപരി പിറന്നമണ്ണിന്റെ സമ്പദ്‌വ്യവസ്ഥയെതാങ്ങി നിര്‍ത്തുന്നതില്‍ മുഖ്യപങ്കു വഹിക്കുന്ന ഗള്‍ഫിലെ പ്രവാസികളില്‍പ്പെട്ടനല്ലൊരുവിഭാഗവും പ്രസ്തുത ലീസ്റ്റിലുണ്ട്.

കുടുംബത്തിന്‍റെ പട്ടിണിമാറ്റാന്‍ ഗള്‍ഫിലെത്തിയ, തങ്ങളുടെ മതാചാരപ്രകാര പ്രകാരം ജീവിതം നയിക്കുകയും ഒഴിവുസമയങ്ങള്‍ സാമൂഹ്യക്ഷേമ പ്രവര്‍ത്തനങ്ങളില്‍ ഏര്‍പ്പെടുകയും ചെയ്യുന്നവരെതെരഞ്ഞുപിടിച്ച് ബ്രാന്‍ഡ്‌ ചെയ്യാനും സമൂഹത്തിലും കുടുംബത്തിലും അനഭിമതനാക്കാനുംനിശ്ശബ്ദരക്കാനും ചില കേന്ദ്രങ്ങളുടെ ആസൂത്രിതമായ ശ്രമങ്ങള്‍ ഇതിന്റെപിന്നിലുണ്ടെന്ന് ന്യായമായും സംശയമിക്കേണ്ടിയിരിക്കുന്നു. രാജ്യദ്രോഹ – തീവ്രവാദ പ്രവര്‍ത്തനങ്ങളില്‍ ഏര്‍പ്പെടുന്നവരെയും സാമൂഹ്യ ദ്രോഹികളെയുംപിടികൂടാനും ചോദ്യം ചെയ്യാനും നിരവധി അവസരങ്ങളും മാര്‍ഗ്ഗങ്ങളും നാട്ടില്‍നിലവിലുണ്ട്. ഒരു പൌരന്‍റെ സ്വകാര്യ സംഭാഷണങ്ങളും ഇ മെയില്‍ സന്ദേശങ്ങളും ചോര്‍ത്തി പാസ്‌വേഡ് ഉപയോഗിച്ച് കോളുകളും സന്ദേശങ്ങളുംഇഷ്ടപ്പെട്ട രീതിയില്‍ ഉപയോഗപ്പെടുത്തി നടത്തുന്ന ഫാസിസ്റ്റ് കുതന്ത്രങ്ങള്‍ക്ക്ഒരു ജനാധിപത്യ ഭരണകൂടം കൂട്ടുപ്പിടിക്കുകയാണോ?.

മുസ്ലിം സമൂഹത്തെഒറ്റപ്പെടുത്താനുള്ള കുല്‍ശ്രിതശ്രമങ്ങള്‍ ഇതിനുമുമ്പും ഉണ്ടായിട്ടുണ്ട്. കേരളംകാഷ്മീരാകാന്‍ പോകുന്നുവെന്ന സംഘപരിവാരുകാരുടെ കുപ്രചരണങ്ങള്‍ക്ക് കാലങ്ങള്‍ ഏറെപഴക്കമുണ്ട്. 93ല്‍ മലപ്പുറം ജില്ലയിലെ താനൂരില്‍ ശോഭയാത്രയിലേക്ക്ബോംബെറിഞ്ഞു കേരളം കത്തിക്കാനുള്ള ഗൂഡതന്ത്രം ശ്രീകാന്ത് എന്ന ആര്‍ എസ്സ് എസ്സ്കാരന്‍റെ മരണത്തോടെയാണ് പൊളിഞ്ഞത്. തീവ്രവാദ ആരോപണങ്ങള്‍, ലവ് ജിഹാദു, വ്യാജഏറ്റുമുട്ടല്‍ കൊലപാതകങ്ങള്‍, നാട്ടിന്റെ വിവിധ ഭാഗങ്ങളിലെ ആരാധനാലയങ്ങളിലും ആഘോഷദിനങ്ങളിലുമുള്ള സ്ഫോടനങ്ങള്‍ തുടങ്ങി പാക്കിസ്ഥാന്‍റെ പതാക ഉയര്‍ത്തല്‍ സംഭവങ്ങള്‍വരെ തൂറ്റിപ്പോയി. സവര്‍ണ ഫാഷിസ്റ്റ് ഗൂഡാലോചനകള്‍ ഭരണഗൂഡഭീകരതയുമായി കൈകോര്‍ത്തുകൊണ്ട്നടത്തുന്ന ഇത്തരം ഓപ്പറേഷനുകളുടെ ഒടുവിലത്തെ ഉദാഹരണമാണ് ഇ-മെയില്‍ ചോര്‍ത്തല്‍. ലോകത്തെ ഏറ്റവുംവെറുക്കപ്പെട്ട വംശീയ ഭീകര രാഷ്ട്രമായ ഇസ്രായേലുമായുള്ള ബന്ധം ശക്തിപ്പെടുത്താന്‍ നടത്തുന്നകാര്യത്തിലുള്ള ചിലരുടെ ആവേശവും ഇതോടെ ചേര്‍ത്ത് വായിക്കേണ്ടതുണ്ട്.

ഇന്ന് പത്രധര്‍മം മുറുകെ പിടിക്കുന്നമീഡിയകള്‍ ഉള്ളപ്പോള്‍ ലവ് ജിഹാദും, തീവ്രവാദവാദ ആരോപണങ്ങളെപ്പോലുള്ളകള്ളത്തരങ്ങള്‍ വഴി മുസ്ലിം സമുദായത്തെ മുള്‍മുനയില്‍ നിര്‍ത്താന്‍സാധിക്കില്ലെന്ന് ഇനിയെങ്കിലും ബന്ടപ്പെട്ടവര്‍ ഓര്‍ക്കുന്നത് നന്നു.

എന്നാല്‍ മുമ്പ് സൂചിപ്പിച്ച പോലെലക്ഷകണക്കിന് ഇന്ത്യക്കാര്‍ തൊഴിലെടുത്ത് ജീവിക്കുന്ന ഗള്‍ഫ്‌ രാഷ്ട്രങ്ങളുടെ ഒരുനയതന്ത്ര കാര്യാലയം കേരളത്തില്‍ തുറന്നു അവരുടെ തൊഴില്‍ - യാത്ര സംബന്ധമായകാര്യങ്ങള്‍ ലഘൂകരിക്കാനുള്ള ശ്രമങ്ങള്‍ നടത്തുന്നതിന് ആര്‍ക്കും വലിയ താല്പര്യവുംകാണുന്നില്ല.

ഇന്ന് രാജ്യത്ത്‌ തെളിയിക്കപ്പെടാത്തനിരവധി സ്ഫോടന കേസുകള്‍, സിമി നിരോധനം തുടങ്ങിയവയില്‍ ഇഷ്ടപ്പെട്ടവരെ പ്രതിയാക്കിമാറ്റാനുള്ള ഗൂഡാലോചനയുടെ ഭാഗമാണ് ഇതിന്‍റെ പിന്നിലെന്ന് ന്യായമായുംസംശയിക്കേണ്ടിയിരിക്കുന്നു. അബ്ദുല്‍ നാസര്‍ മഅ്ദനിയുടെ ഇപ്പൊഴത്തെ കേസ്‌ അത്സാക്ഷൃപ്പെടുത്തുകയും ചെയ്യുന്നു.

പ്രസ്തുത ഇ മെയില്‍ ലീസ്റ്റിലെവ്യക്തികളുടെ “സിമി” ബന്ധം അന്വേഷിക്കണമെന്ന വകുപ്പ്മേധാവിയുടെ ഉത്തരവ് ഒരു ചെറിയ പിശക് മാത്രമായി അവതരിപ്പിച്ചു കൈകഴുകിയ ആഭ്യന്ത്രരവകുപ്പ് കൈകാര്യം ചെയ്യുന്ന മുഖ്യമന്ത്രിയുടെ നിലപാട് ലീസ്റ്റില്‍ ഉള്‍പ്പെട്ടവരെസംബന്ധിച്ചിടത്തോളം അത്ര നിസ്സാരമായി കാണേണ്ട സംഭവമല്ല.

അതിനാല്‍ ഈ സംഭവത്തിന്‍റെ പിന്നില്‍ പ്രവര്‍ത്തിച്ചഉദ്യോഗസ്ഥരെ നിയമത്തിന്റെ മുമ്പില്‍ കൊണ്ട് വരാനും ബന്ടപ്പെട്ട വരുടെ ഭീതിയകറ്റാനും ജുഡീഷ്യല്‍ അന്വേഷണത്തിനുഉത്തവിടാനാണ് ഉമ്മന്‍ചാണ്ടി സര്‍ക്കാര്‍ തയ്യാറാകേണ്ടത്. (ThejasDaily 19 Jan 2012 & Prabodhanam Weekly 25 Feb 2012)

നാം എന്തു നഷ്ടപരിഹാരമാണ് നല്‍കുക?

2011-12-20T14:11:00.000+03:00

2007ല്‍ നടന്ന മക്കാമസ്ജിദ് സ്ഫോടന കേസുമായി ബന്ധപ്പെട്ട് പൊലീസിന്‍െറയും അന്വേഷണ ഉദ്യോഗസ്ഥരുടെയും നിരന്തരപീഡനത്തിന് ഇരകളായ മുസ്ലിം യുവാക്കള്‍ക്ക് ആന്ധ്രപ്രദേശ്സര്‍ക്കാര്‍ 70 ലക്ഷം രൂപ നഷ്ടപരിഹാരം നല്‍കി മുഖംരക്ഷിച്ചിരിക്കയാണ്. ദേശീയ ന്യൂനപക്ഷ കമ്മീഷന്‍റെ നിരന്തര സമ്മര്‍ദത്തെത്തുടര്‍ന്നാണ്നഷ്ടപരിഹാരം നല്‍കാന്‍ സംസ്ഥാന സര്‍ക്കാര്‍ നിര്‍ബന്ധിതനായത്.

കള്ളക്കേസു ചുമത്തിഅറസ്റ്റു ചെയ്തനിരപരാധികള്‍ക്ക് വേണ്ടി കേസ്സ് വാദിക്കാന്‍ പോലും അനുവദിക്കാതെ പോളിഗ്രാഫ്‌,നാര്‍ക്കോ അനാലിസിസ്ടെസ്റ്റുകളും അതിക്രൂരമായ പീഡനങ്ങളും നടത്തിയിട്ടും കുറ്റം തെളിയിക്കാന്‍സാധിക്കാതെ വന്നപ്പോഴാണ് ദേശീയ ന്യൂനപക്ഷ കമ്മീഷന്‍റെ മുമ്പില്‍സര്‍ക്കാരിനു മുട്ടുമടക്കേണ്ടി വന്നത്.

അതേപോലെ 2008 ഡിസംബര്‍ 30-ന് 21 യുവാക്കളെനിരപരാധികളാണെന്ന് കണ്ട് ഹൈദരാബാദ് കോടതി വിട്ടയച്ചു. 2007 മേയിലുംആഗസ്റിലുമുണ്ടായ സ്ഫോടനങ്ങള്‍ക്ക് ഗൂഢാലോചനയും മറ്റു ഭീകര പ്രവര്‍ത്തനങ്ങളും നടത്തിഎന്നായിരുന്നു ഇവരുടെ പേരില്‍ ആരോപിക്കപ്പെട്ടത്.കുറ്റം സമ്മതിപ്പിക്കാന്‍ പോലീസ് ചെയ്യാത്ത ഭേദ്യങ്ങളില്ല. ജീവഛവങ്ങളായി പുറത്ത് വന്ന ഈ ചെറുപ്പക്കാര്‍ക്ക്അധികൃതര്‍ ഓട്ടോറിക്ഷയാണ്നഷ്ടപരിഹാരമായി നല്‍കിയത്.

2008ലെ ജയ്പൂര്‍സ്ഫോടനപരമ്പരയുടെ മറവില്‍ അറസ്റ്റുചെയ്ത പതിനാലു സിമി പ്രവര്‍ത്തകരെയുംനിരപരാധികളാണെന്ന് കണ്ടു പുറത്തു വിട്ടിരിക്കുകയാണിന്ന്.

കഴിഞ്ഞ കുറെ വര്‍ഷങ്ങളായിഇന്ത്യയിലെ വിവിധ ഭാഗങ്ങളില്‍ നടന്ന സ്ഫോടനങ്ങളുടെ യാഥാര്‍ത്ഥ്യങ്ങള്‍ വനവാസി കല്യാണ്‍ ആശ്രമിന്റെ നേതാവ് നബാകുമാര്‍ സര്‍ക്കാര്‍ എന്ന സ്വാമി അസീമാനന്ദ തുറന്നുപറയാന്‍ തയ്യാറായത് തീവ്രവാദമുദ്രകുത്തി പാര്‍ശ്വവല്ക്കരിക്കപ്പെട്ട ഇന്ത്യയിലെ മുസ്ലിം പീഡിതജനതയ്ക്ക് ഏറെ പ്രത്യാശയും സമാധാനവും നല്‍കുകയുണ്ടായി.

വിവിധ ആഘോഷ ദിനങ്ങളിലും ആരാധനാലയങ്ങളിലുംആസൂത്രിതമായ സ്ഫോടനങ്ങള്‍ നടത്തുകയും അതിന്റെ പേരില്‍ മുസ്ലിം യുവാക്കളെകള്ളക്കേസില്‍ കുടുക്കി വര്‍ഷങ്ങളോളം ജയിലിലും പുറത്തും വേട്ടയാടി പീഢിപ്പിക്കുന്നപ്രവണതയും ഡേവിഡ്‌ കോള്‍മാന്‍ ഹെഡ്‌ലി രാജ്യം വിടുകയും കേണല്‍പുരോഹിത്‌, സാധ്വി പ്രഗ്യാസിംഗ്‌ തുടങ്ങിയഹിന്ദുത്വ ഭീകരര്‍ വലയിലാകുകയും ചെയ്തതോടെ നിലച്ചിരിക്കയാണ്.

സ്‌ഫോടനങ്ങളുടെയും വ്യാജഏറ്റുമുട്ടല്‍ കൊലപാതകങ്ങളുടെയും അന്വേഷണങ്ങള്‍ അതിന്റെ യഥാര്‍ത്ഥ രീതിയില്‍മുന്നോട്ട് പോകുമ്പോള്‍ പ്രധാനമന്ത്രി കുപ്പായം തുന്നിവെച്ച മോഡിമാര്ക്കും അവരെതാങ്ങി നടന്നിരുന്ന പോലീസ്‌ ഓഫീസര്‍മാര്‍ക്കും കുരുക്കുകള്‍ വീണുകൊണ്ടിരിക്കുന്നു.

പരിവാര്‍ പ്രേമികളും അവരുടെ ഇഷ്ട മീഡിയകളും പ്രചരിപ്പിക്കുന്നതൊക്കെയും വേദവാക്യം പോലെ വിശ്വസിക്കുകയുംഅവരെ സുഖിപ്പിക്കാനായി അവരുടെ കള്ളപ്രചാരണങ്ങള്‍ അതേപടി ഏറ്റുപിടിച്ച് ചര്‍ച്ചകളുംഫീച്ചറുകളുമായി ഭീകരാന്തരീക്ഷം സൃഷ്ടിച്ചിരുന്ന മീഡിയകള്‍ ഇപ്പോള്‍ മൌനവ്രതത്തിലാണ്.

മാനഹാനിയും സാമ്പത്തിക നഷ്ടവും, ശാരീരികവും മാനസികവുമായ ക്ഷതങ്ങളും ഏറ്റുവാങ്ങിയാണ്ഓരോ വിചാരണത്തടവുകാരനും നിരപരാധിയാണെന്നകോടതിവിധിയിലൂടെ പുറത്തിറങ്ങുന്നത്. പാഴായിപ്പോയ വര്‍ഷങ്ങളുടെ വില ആര്‍ക്കുംതിരിച്ചു നല്‍കാന്‍ കഴിയില്ല. എങ്കിലും മനുഷ്യാവകാശ സംഘടനകളുടെയും നീതിക്ക് വേണ്ടിപോരാടുന്നവരുടെയും നിശ്ചയദാര്‍ഡൃത്തോടെയുള്ള പോരാട്ടത്തിന്റെ ഫലമായി ബന്ടപ്പെട്ടവര്‍നഷ്ടപരിഹാരം നല്‍കാന്‍ തുടങ്ങിയിരിക്കയാണിപ്പോള്‍.

തങ്ങള്‍ക്കിഷ്ടപ്പെട്ടപ്പെടാത്തവരെയെല്ലാംതീവ്രവാദ കേസുകളില്‍ ഉള്‍പ്പെടുത്തി അന്യായമായി പീഡിപ്പിക്കുന്ന പൊലീസ്ഉദ്യോഗസ്ഥര്‍ക്ക് കടുത്ത ശിക്ഷയും പ്രതി ചേര്‍ക്കപ്പെടുന്നവര്‍ക്ക് നഷ്ടപരിഹാരവും ഉറപ്പാക്കുന്ന സമഗ്ര നിയമം തന്നെ കൊണ്ടുവരാന്‍ കേന്ദ്രഗവര്‍മെന്റ്റ്‌ നടപടികള്‍ ആരംഭിച്ചു കഴിഞ്ഞു.

എന്നാല്‍ മുസ്ലിം യുവാക്കളെയുംസംഘടനകളെയും തീവ്രവാദികളാക്കി ചിത്രീകരിക്കുന്നവരെ പ്രീതിപ്പെടുത്താന്‍ വേണ്ടികാമ്പയിനുകളും പ്രസ്താവനകളും നടത്തി സമാധാനത്തിന്റെ ബ്രാന്‍ഡ്‌ അംബാസിഡര്‍മാരായി ചമഞ്ഞു നടന്നവര്‍സ്വന്തം സമൂഹത്തിലെ യുവാക്കളെയും അവരുടെ കുടുംബങ്ങളെയും യുവജന സംഘടനകളെയും തീവ്രവാദികളായിമുദ്രകുത്തി ഒറ്റപ്പെടുത്തിയതിനും സമൂഹത്തില്‍ അവരെ അപമാനിച്ചതിനും നഷ്ടപരിഹാരമായിഅവരോട്‌ മാപ്പ് ചോദിക്കാനെങ്കിലും തയ്യാറാവുമോ?. (Theajs Daily & G. Madhyamam 16 Dec. 2011)

മിനയുടെ മനമറിഞ്ഞ ഹജ്ജ്‌ വളണ്ടിയര്‍മാര്‍

2011-11-11T18:41:00.001+03:00

കഴിഞ്ഞ ഹജ്ജ് ദിനങ്ങളില്‍ മിന താഴ്വര മലയാളിസന്നദ്ധസേവകരുടെ സംഗമം കൂടിയായിരുന്നു. പെരുന്നാള്‍ ഒഴിവു ദിനങ്ങള്‍ നാട്ടിലേക്കുംസൗദിയുടെ വിവിധ ഭാഗങ്ങളിലേക്കുമുള്ള സന്ദര്‍ശനങ്ങളും വിനോദയാത്രകളും മാറ്റിവെച്ചുകൊണ്ട് ത്യാഗസന്നദ്ധരായി ആയിരക്കണക്കിന്വളണ്ടിയര്‍മാരാണ് മിനയില്‍ എത്തിച്ചേര്‍ന്നത്.

ലോകത്തിന്റെ നാനാഭാഗത്ത്‌ നിന്നും വന്നെത്തിയഅല്ലാഹുവിന്റെ അതിഥികളെ സേവിക്കാനും സഹായിക്കാനും മറ്റുമുള്ള അസുലഭാവസരം ഉപയോഗപ്പെടുത്തുന്നതിലൂടെ ദൈവാനുഗ്രഹംകരസ്ഥമാക്കുകയെന്ന മഹത്തായ ഒരു ലക്‌ഷ്യം കൂടി ഈ സേവന സന്നദ്ധതക്കു പിന്നിലുണ്ട്.

കേരള റിലീഫ്‌ വിംഗ്, ഫ്രറ്റെനിറ്റി ഫോറം,കെഎംസീസീ, ആര്‍, എസ്. സീ തുടങ്ങിയ സംഘടനകളുടെ നേതൃത്വത്തില്‍ ഒറ്റക്കുംപതിറ്റാണ്ട് മുമ്പ് ഹാജി സേവന പ്രവര്‍ത്തനങ്ങള്‍ക്ക് തുടക്കം കുറിച്ച ജിദ്ദ ഹജ്ജ്‌വെല്‍ഫയര്‍ ഫോറവും പതിവുപോലെ സജീവമായി രംഗത്തുണ്ടായിരുന്നു.

നീണ്ട വര്‍ഷത്തെ പരിചയ സമ്പത്ത്കൈമുതലായുള്ള ഫോറം വളണ്ടിയര്‍മാരെ നയിക്കാന്‍ ഇനി മുതല്‍ ഡസന്‍ കണക്കിന് നേതാക്കള്‍ആവശ്യമില്ലായെന്നു തെളിയിക്കാന്‍ ഈ വര്‍ഷത്തെ അവരുടെ പ്രവര്‍ത്തനം സാക്ഷി.
(M.News 12 Nov. 2011)

ഇവര്‍ക്ക് ഏത് ദിനത്തിലാണ് മോചനം കിട്ടുക?.

2011-11-11T18:30:00.001+03:00

ഇടമലയാര്‍ കേസില്‍ ഒരു വര്‍ഷത്തെതടവുശിക്ഷ അനുഭവിക്കുന്ന പിള്ളയെ കേരളപ്പിറവി ദിനത്തോടനുബന്ധിച്ച് വിട്ടയച്ചിരിക്കുന്നു.!2011 ഫെബ്രുവരി 18 നു പൂജപ്പുര സെന്‍ട്രല്‍ജയിലില്‍ അടച്ച കേരളാ കോണ്‍ഗ്രസ് (ബി) നേതാവും മുന്‍മന്ത്രിയുമായ ആര്‍.ബാലകൃഷ്ണപിള്ളയുടെപരോളും പഞ്ചനക്ഷത്ര ആശുപത്രിവാസവും കൂടി കൂട്ടിയാല്‍ ഏറ്റവും കൂടുതല്‍ ദിവസങ്ങള്‍ചിലവഴിച്ചത് ജയിലിനു പുറത്തായിരിക്കും.

സവര്‍ണ ഫാഷിസ്റ്റ് ഗൂഡാലോചനകള്‍ഭരണഗൂഡഭീകരതയുമായി കൈകോര്‍ത്തുകൊണ്ട് രാജ്യത്തിന്റെ വിവിധ ഭാഗങ്ങളില്‍ നടന്നനിരവധി സ്ഫോടങ്ങളുടെ മറവില്‍ നിരപരാധികളും നിഷ്കളങ്കരുമായ ആയിരത്തില്‍പരം മുസ്ലിം യുവാക്കളുംപണ്ഡിതന്മാരും ഇന്ത്യയിലെ വിവിധ ജയിലുകളില്‍ കുറ്റപത്രം പോലും നല്‍കാതെ കടുത്ത പീഡനങ്ങള്‍ ഏറ്റുവാങ്ങി ദിനരാത്രങ്ങള്‍ തള്ളി നീക്കുകയാണിന്നും.

രാജ്യത്തു എവിടെ സ്ഫോടനങ്ങള്‍നടന്നാലും അതിന്റെ പിന്നില്‍ ഏതെങ്കിലും അറബി, ഉറുദു പേരുള്ള മുസ്ലിംസംഘടനകളുടെ പേരില്‍ കുറ്റം ചാര്‍ത്തി മുസ്ലിം യുവാക്കളെ കള്ളക്കേസില്‍ കുടുക്കിവര്‍ഷങ്ങളോളം ജയിലിലും പുറത്തും വേട്ടയാടി പീഢിപ്പിക്കുന്ന പ്രവണതഇന്ത്യാരാജ്യത്തെ വിവിധ സംസ്ഥാനങ്ങളില്‍ അഭംഗുരം തുടര്‍ന്ന് കൊണ്ടിരിക്കുന്നു. ഇതിനിടയിലാണ്ഇന്ത്യയെ ഞെട്ടിച്ച നിരവധി സ്‌ഫോടനങ്ങളുടെ പിന്നില്‍ പ്രവര്‍ത്തിച്ച “രാജ്യസ്നേഹികളുടെ” കപടമുഖം അസീമാനന്ദ സ്വാമിയുടെ വെളിപ്പെടുത്തലിലൂടെ പുറത്തു വന്നത്.

അതോടെ മക്ക മസ്ജിദ്‌, മലോഗോവ്‌,അജ്മീര്‍ തുടങ്ങിയ സ്‌ഫോടനങ്ങള്‍ക്ക് പിന്നില്‍ യു.പിയിലെയുംമറ്റു സംസ്ഥാനങ്ങളിലെയും നിരവധി ആര്‍.എസ്.എസ് നേതാക്കള്‍ക്ക് പങ്കുണ്ടെന്നതിന് ശക്തമായ തെളിവുകള്‍അന്വേഷണ ഉദ്യോഗസ്ഥര്‍ക്ക് തന്നെ വ്യക്തമാക്കേണ്ടി വന്നു. ഇക്കാലയളവില്‍ മുസ്ലിംതീവ്രവാദത്തിന്‍റെ പേരില്‍ അപസര്‍പ്പക കഥകളും സ്കൂപ്പുകളുമായി അവസരം മുതെലെടുത്തപ്രവീണ്‍ സ്വാമിമാരും മറ്റും തയാറാക്കിയതങ്ങളുടെ അന്വേഷണാത്മക റിപ്പോര്‍ട്ടുകള്‍ ഒന്ന് കൂടി വായിക്കുന്നത്നന്നായിരിക്കും.

അഞ്ചു വര്‍ഷമായി ജയിലില്‍ കഴിയുന്ന മാലേഗാവ്സ്ഫോടന കേസില്‍ അറസ്റ്റിലായ ഒമ്പത് മുസ്ലിം യുവാക്കള്‍ പോളിഗ്രാഫ് ടെസ്റ്റിലൂടെയും നാര്‍ക്കോ അനാലിസിസിലൂടെയുമൊക്കെ തങ്ങളുടെനിരപരാധിത്വം തെളിയിച്ചു കഴിഞ്ഞവരാണ്. ഇവര്‍ക്കെങ്കിലും ഒരു മോചനം കിട്ടാന്‍ ഏത്ദിനം വരെയാണ് ഇനി കാത്തിരിക്കേണ്ടിവരിക. (Thejas Daily 04 Nov 11)

ഹജ്ജ്‌ നയം – സുപ്രീം കോടതി നിര്‍ദേശം സ്വാഗതാര്‍ഹം

2011-10-23T12:25:00.000+03:00

ഇസ്ലാമിന്റെ പഞ്ച സ്തംഭങ്ങളില്‍അഞ്ചാമത്തെതും വിശ്വാസികള്‍ക്ക് ഒരിക്കല്‍ മാത്രം നിര്‍ബന്ധവുമായ ഒരു സുപ്രധാനആരാധനാകര്‍മ്മമാണ് ഹജ്ജ്‌. മക്കയില്‍ പോയി തിരിച്ചു വരാന്‍ ശാരീരികവും മാനസികവുംസാമ്പത്തികവുമായ കഴിവും യാത്രാനുമതി, പകര്‍ച്ചവ്യാധി തുടങ്ങിയവയില്‍ നിന്നൊക്കെനിര്‍ഭയത്വത്തോടെ യാത്ര ചെയ്യാനുള്ള അവസരം ഒത്തുവന്നുവര്‍ക്ക് മാത്രമാണ് ഹജ്ജുനിര്‍ബന്ധമായിട്ടുള്ളത്‌.

തികച്ചും നിഷ്കളങ്കനായി അല്ലാഹുവിന്റെപ്രതിഫലം മാത്രം കാംക്ഷിച്ചു ചെറുതും വലുതുമായ പാപങ്ങളില്‍ നിന്നും മുക്തനായിനല്ലതായ മാര്‍ഗത്തിലൂടെ ലഭിച്ച സമ്പാദ്യം ഉപയോഗിച്ച് ഹജ്ജ്‌ ചെയ്‌താല്‍ മാത്രമേഒരാളുടെ ഹജ്ജ്‌ സ്വീകാര്യമാകുകയുള്ളൂവെന്നതിനു പ്രമാണങ്ങള്‍ തന്നെ തെളിവാണ്. വസ്തുതഇതായിരിക്കെ എങ്ങിനെയെങ്കിലും ഒരു ഹജ്ജു സീറ്റ്‌ ഒപ്പിച്ചെടുക്കുന്നവരും നിരവധിതവണ ഹജ്ജു ചെയ്യുന്നവരും ഹജ്ജിനെ കച്ചവടമാക്കുന്നവരുമൊക്കെ ഒരു പുനര്‍വിചിന്തനംനടത്തേണ്ടതുണ്ട്.

ഏതാണ്ട് ഒന്നേമുക്കാല്‍ ലക്ഷത്തോളംഹാജിമാരാണ് വര്‍ഷംതോറും ഇന്ത്യയില്‍ നിന്നും ഹജ്ജിനായി എത്തിച്ചേരുന്നത്. ഇവരുടെ വിമാനയാത്ര,ഹജ്ജുമായി ബന്ധപ്പെട്ട പ്രദേശങ്ങളിലെ താമസം, യാത്രകള്‍, ചികില്‍സ, തുടങ്ങിയഒട്ടേറെ സൌകര്യങ്ങള്‍ സര്‍ക്കാരായാലും സ്വകാര്യ ഗ്രൂപ്പുകാരായാലും ഓരോ ഹാജിക്കും ഒരുക്കികൊടുക്കാന്‍ബാധ്യസ്ഥരാണ്.

എന്നാല്‍ ശവപ്പെട്ടി വാങ്ങിയതില്‍ വരെകുംഭകോണം നടത്തി പരിചയമുള്ള നമ്മുടെ ജനപ്രതിനിധികളും സര്‍ക്കാര്‍ ഉദ്യോഗസ്ഥരും ഹജ്ജുമായിബന്ധപ്പെട്ട വകുപ്പുകളെയും ഒരു കറവപ്പശുവായി കൊണ്ടുനടക്കാന്‍ തുടങ്ങിയിട്ട് കാലമേറെയായി.

ഹാജിമാരില്‍ നിന്നും അഡ്വാന്‍സായിവാങ്ങുന്ന ആയിരങ്ങള്‍, വിമാനടിക്കറ്റ്, മക്ക മദീന എന്നിവിടങ്ങളിലെ താമസം, യാത്ര,ചികില്‍സ തുടങ്ങിയ സൌകര്യങ്ങള്‍ സജ്ജീകരിക്കുന്നതില്‍ നിന്നും കമ്മീഷന്‍ വഴി കോടികളാണ്ബന്ധപ്പെട്ടവര്‍ കൈക്കലാക്കുന്നത്. അത് കൂടാതെ ബിനാമി ഹജ്ജ്‌ ടൂര്‍ സര്‍വീസ്‌ സ്ഥാപനങ്ങള്‍വഴിയും മറ്റുമായി വേറെയും കോടികള്‍ തട്ടിയെടുക്കുന്നതില്‍ സമുദായ നേതാക്കളുംസമുദായമില്ലാത്ത നേതാക്കളുമൊക്കെ മല്‍സരിച്ചുകൊണ്ടിരിക്കുമ്പോഴാണ്സുപ്രീംകോടതിയുടെ ഇടപെടല്‍ ഉണ്ടാകുന്നത്.

സര്‍ക്കാര്‍ ഖജനാവിന്‍ നിന്നും കോടികള്‍ചെലവഴിച്ചുകൊണ്ട് ഹജ്ജ്‌ സൌഹ്രദ സംഘമെന്ന പേരില്‍ സൗദി ടൂറിനായി എത്തുന്ന ജമ്പോ ടീമിന്‍റെഹജ്ജിനെ ഒരു മോശം മതാചാരമായിട്ടാണ് സുപ്രീ കോടതി നിരീക്ഷിച്ചത്!!

ഇന്ത്യയില്‍ നിന്നും സര്‍ക്കാര്‍ഗ്രൂപ്പ് വഴി വരുന്ന നൂറുകണക്കിന് ഹാജിമാര്‍ അവരുടെ താമസം, നമസ്കരികാന്‍ഹറമിലേക്ക് എത്തിപ്പെടാനുള്ള പ്രയാസങ്ങള്‍, പണമുണ്ടായിട്ടു പോലും ഹജ്ജ്‌ദിവസങ്ങളില്‍ മിനയില്‍ ഒരു നേരത്തെ ഭക്ഷണം വാങ്ങിക്കഴിക്കാന്‍ സാധിക്കാതെ പരവശരായിതമ്പുകളില്‍ കഴിയുമ്പോള്‍ നമ്മുടെ ഹജ്ജ്‌ സൌഹ്രദ സംഘവും അവരുടെ ഇവിടത്തെ സില്‍ബന്ധികളുംപഞ്ചനക്ഷത്ര സൌകര്യങ്ങളുപയോഗപ്പെടുത്തി സൌദിയില്‍ വിലസുന്നത്. ഹജജു കോട്ടനിശ്ചയിക്കുന്നതിലുള്ള വലിയ്‌ അതട്ടിപ്പുകള്‍ അതിനു പുറമെയാണ്.

സര്‍ക്കാര്‍ ചെലവില്‍ എത്തുന്ന ഇത്തരംസംഘങ്ങളില്‍ കേന്ദ്രമന്ത്രിമാരും മുന്‍കേന്ദ്രമന്ത്രിമാരും മറ്റു അറിയപ്പെട്ടരാഷ്ട്രീയ നേതാക്കന്മാരും മറ്റുമാണ് ഉണ്ടാകാറുള്ളത്. ഈ ടീമിനെ പരിചരിക്കുന്നതില്‍വീഴ്ചപറ്റിയാലുള്ള ഭവിഷത്തു മുന്‍കൂട്ടി അറിയാവുന്ന, ഹജ്ജുമായി ബന്ധപ്പെട്ടകാര്യങ്ങളില്‍ മുഴുവന്‍ ശ്രദ്ധയും കൊടുക്കേണ്ട ജിദ്ദ, മക്ക, മദീന എന്നിവടങ്ങളിലെ ഹജ്ജ്‌മിഷ്യന്‍ ഉദ്യോഗസ്ഥര്‍ക്കും കോണ്‍സുലേറ്റ് പ്രതിനിധികള്‍ക്കും ഇവരുടെ സുഖസൌകര്യങ്ങള്‍നോക്കാനേ ഒഴിവുണ്ടാകൂ.

ഹജ്ജുമായി ബന്ധപ്പെട്ട വിവിധവകുപ്പുകളിലെ അഴിമതിയും കെടുകാര്യസ്ഥതയും അവസാനിപ്പിക്കുവാനും പരിശുദ്ധമായ ഒരുആരാധനാകര്‍മ്മത്തെ അവഹേളിക്കുന്ന തരത്തില്‍ ഉയര്‍ന്നു വരുന്ന ആരോപണങ്ങളെ ഇല്ലായ്മചെയ്യാനും സുപ്രീം കോടതിയുടെ പുതിയ നിര്‍ദേശം സഹായകമാകുമെന്നു പ്രത്യാശിക്കുന്നു.

(Thejas 21 Oct 2011)

മഅ്ദനിയും പിള്ളയും: നിയമത്തിനു എത്ര മുഖങ്ങള്‍?!

2011-08-08T12:58:00.004+03:00

ഉറ്റ ബന്ധുവിന്റെ മരണാനന്തര ചടങ്ങില്‍ പങ്കെടുക്കാന്‍വേണ്ടി ഒരു ദിവസത്തെ പരോള്‍ പോലും അനുവദിക്കാതെ ജാമ്യമില്ലാ തടവുകാരനായി കോയമ്പത്തൂര്‍ജയിലില്‍ കഴിഞ്ഞ അബ്ദുല്‍ നാസര്‍ മഅ്ദനി തന്‍റെ നിരപരാധിത്വം തെളിയിച്ചു പുറത്തു വന്നപ്പോഴേയ്ക്കുംനീണ്ട ഒമ്പത് വര്ഷം കഴിഞ്ഞിരുന്നു.

മലമൂത്ര വിസര്‍ജ്ജനത്തിലൂടെ ബോംബുപുറത്തെടുക്കുമെന്നു പേടിച്ചിട്ടായിരിക്കാംജയില്‍ സെല്ലിലെ കക്കൂസില്‍ പോലും ക്ലോസ്‌ഡ്‌ സര്‍ക്യുട്ട് കേമറ സജ്ജീകരിച്ച കര്‍ണാടകയിലെജയിലില്‍ ഒരു വര്‍ഷത്തിലധികമായി കഴിയുന്ന മഅ്ദനി വീണ്ടും അവിടെയെത്തിയത് ഒരു വിചാരണ തടവുകാരന്റെ മൊഴിയുടെഅടിസ്ഥാനത്തിലാണ്. ഇന്ത്യന്‍ ശിക്ഷാനിയമ പ്രകാരം കസ്റ്റഡിയിലുള്ള പ്രതിയുടെമൊഴികള്‍ തെളിവായി സ്വീകരിക്കില്ലെന്കിലും ബാംഗ്ലൂര്‍ സ്ഫോടനത്തില്‍ മഅ്ദനിയെ കേസ്സില്‍കുടുക്കാന്‍ Hcp {]XnbpsSIpäk½Xsamgnയില്‍നിന്നാണ് കര്‍ണ്ണാടക സര്‍ക്കാര്‍ തെളിവ് കണ്ടെത്തിയത്

ലോകത്തെ ഏറ്റവും വലിയ ജനാതിപത്യ രാജ്യമായ ഇന്ത്യയില്‍ മഅ്ദനിയെപ്പോലെ നിരവധി നിരപരാധികളായചെറുപ്പക്കാര്‍ വര്‍ഷങ്ങളോളമായി ഇതേ പോലെ നീതി നിഷേധിക്കപ്പെട്ടു രാജ്യത്തിന്‍റെവിവിധ ഭാഗങ്ങളിലെ ജയിലുകളില്‍ പീഡനങ്ങള്‍ സഹിച്ചു കഴിയുന്നുണ്ട്.

അതെ സമയം അഴിമതിക്കേസില്‍ സുപ്രീംകോടതി ഒരു വര്‍ഷത്തെ കഠിനതടവിനു ശിക്ഷിച്ച മുന്‍ മന്ത്രി ആര്‍ ബാലകൃഷ്ണപിള്ള വിദഗ്ധ ചികിത്സയ്ക്കെന്ന പേരില്‍ നക്ഷത്രസൗകര്യമുള്ള സ്വകാര്യാശുപത്രിയില്‍സുഖവാസത്തിലാണിന്ന്. അഴിമതിക്കേസില്‍ സുപ്രീംകോടതി ശിക്ഷിച്ച ഒരാള്‍ക്ക് വന്‍കിടസ്വകാര്യ ആശുപത്രിയില്‍ ചികിത്സ ലഭ്യമാക്കുന്നത് ആദ്യമാണത്രേ!

ഒരു വര്‍ഷത്തെ തടവിനു ശിക്ഷിക്കുന്നവര്‍ക്ക് അനുവദിച്ച 45 ദിവസത്തെ പരോള്‍ കൂടാതെ 30 ദിവസത്തെ അധികപരോളും കൂടി ചിലവഴിച്ചതിനു ശേഷം കഴിഞ്ഞ വ്യാഴാഴ്ചഉച്ചയ്ക്കാണ് പൂജപ്പുര സെന്‍ട്രല്‍ ജയിലില്‍ പിള്ള മടങ്ങിയെത്തിയത്. പിള്ളയ്ക്ക് വിദഗ്ധചികിത്സ ലഭ്യമാക്കണമെന്നമകള്‍ ബിന്ദു ബാലകൃഷ്ണന്റെ അപേക്ഷയുടെ അടിസ്ഥാനത്തില്‍ ഇത്തരമൊരു ഉത്തരവ്മിന്നല്‍വേഗത്തില്‍ നടപ്പിലാക്കാന്‍ ഭരണപക്ഷത്തിന്റെ ശക്തമായ ചരടുവലികള്‍നടന്നതിന്റെ സൂചനകളാണ് മുഖ്യമന്ത്രി ഉമ്മന്‍ചാണ്ടി ജയില്‍ പുള്ളിയായ പിള്ളയെ നേരിട്ടുപോയി സന്ദര്ശിക്കുകയും ശിക്ഷ ഇളവുമായി ബന്ടപ്പെട്ട വിഷയങ്ങള്‍ ചര്‍ച്ച നടത്തുകയുംചെയ്തത്.

അബ്ദുല്‍ നാസര്‍ മഅ്ദനിയുടെ കാര്യത്തില്‍ നിയമം അതിന്റെവഴിക്ക് പോയിട്ടു പോലുമില്ലെന്നും പിള്ളയും മഅ്ദനിയും ഇന്ത്യന്‍ നിയമവ്യവസ്ഥയുടെരണ്ടു മുഖങ്ങളാണ് തുറന്നു കാട്ടുന്നതെന്നും ഇരുവരുടെയും കേസ്സുകള്‍ പരിശോധിച്ചാല്‍മനസ്സിലാകും. മഅ്ദനിക്ക്ജാമ്യം പോയിട്ട് പരോള്‍ തന്നെ കിട്ടണമെന്കില്‍ കഠിനമായ അസുഖം കാരണം ആശുപത്രിയില്‍ പ്രവേശിപ്പിക്കാന്‍ കോടതി നേരിട്ട്ഇടപെടുമ്പോള്‍ മാത്രമാണ്.

ഇന്ത്യയിലെ ഭരണ സംവിധാനത്തിലും പോലീസിലും മറ്റ് ഔദ്യോഗിക ഏജന്‍സികളിലും വര്‍ദ്ധിച്ചുവരുന്ന കാവിവത്കരണത്തിലൂടെ നമ്മുടെ രാജ്യത്തെ നീതിവ്യവസ്ഥയ്ക്കും ജനാധിപത്യ സംവിധാനത്തിനും ലജ്ജാകരവും ഭരണഘടനയെ അപമാനിക്കുന്നതിന് തുല്യവുമമായ നിരവധി സംഭവങ്ങള്‍അരങ്ങേറിക്കൊണ്ടിരിക്കുമ്പോള്‍ ജനാധിപത്യത്തിന്റെയും മതേതരത്വത്തിന്റെയും മഹിമകള്‍പാടിപ്പറഞ്ഞു നടക്കുന്നവര്‍ക്ക് ഇതൊക്കെ എത്രകാലം കണ്ടില്ലെന്നു നടിക്കാന്‍സാധിക്കും. (Gulg Madhyamam & Thejas 08 Aug 11)

പ്രവാസി ദുരിതാശ്വാസം: സ്ഥിരം സംവിധാനം നടപ്പാക്കണം

2011-07-11T11:35:00.002+03:00

ജൂലായ്‌ രണ്ടിന് റിയാദിലുണ്ടായതീപ്പിടുത്തത്തില്‍ അതിദാരുണമായി മരണപ്പെട്ടവര്‍ക്ക് കേരള സര്‍ക്കാരും നോര്‍ക്കയുംഅവസരത്തിനൊത്തുണര്‍ന്നു പ്രഖ്യാപിച്ച സഹായങ്ങള്‍ വളരെയധികം പ്രശംസനീയമാണ്.സാഹചര്യത്തിന്റെ തേട്ടം മനസ്സിലാക്കിയ സാമൂഹ്യ പ്രവര്‍ത്തകരുടെയും സാംസ്കാരികസംഘടനകളുടെയും ഇടപെടലാണ് കേരള സര്‍ക്കാറിന്റെ സത്വര നടപടിക്ക് ഇടയാക്കിയത്.

“ഹുറൂബും” “നിതാഖാത്തും” നാട്ടിലെയും ഗള്‍ഫിലെയുംവിലക്കയറ്റവും, കുടിയിരിപ്പും കെട്ടുതാലിയും പണയപ്പെടുത്തിയും കിട്ടാവുന്നത്ര കടംവാങ്ങിയും കുടുംബം പോറ്റാനായി ഗള്‍ഫിലെത്തിയവരുടെ അനന്തമായ പ്രവാസ ജീവിതം കൂടുതല്‍അസ്വസ്ഥമാക്കിക്കൊണ്ടിരിക്കയാണ്.

അതിനിടയിലാണ് ഇപ്പോള്‍ നാട്ടിലെപ്പോലെഗള്‍ഫിലും ഇളം പ്രായക്കാരുടെ ആകസ്മിക വിയോഗം,, ആത്മഹത്യ, വിവിധ അപകടങ്ങള്‍മൂലമുള്ള മരണം, തീപിടുത്തം പോലുള്ള ദുരന്തങ്ങള്‍ കൊലപാതകങ്ങള്‍, തുടങ്ങിയവനിത്യസംഭവമായി മാറിയിരിക്കുന്നത്.

കള്ളവാറ്റ്, കൊലപാതകങ്ങള്‍, വിവിധആവശ്യങ്ങള്‍ക്കായി നടത്തുന്ന പ്രധിഷേധ സമരങ്ങള്‍, റാലികള്‍ തുടങ്ങിയവആക്രമണസക്തമാകുമ്പോള്‍ സംഭവിക്കാറുള്ള മരണങ്ങള്‍ മുതല്‍ വ്യാജമദ്യം മൂക്കറ്റംകുടിച്ച്‌ മരണപ്പെട്ടാല്‍ വരെ നമ്മുടെ നാട്ടില്‍ മണിക്കൂറുകള്‍ക്കകം ലക്ഷങ്ങളുടെദുരിതാശ്വാസ ഫണ്ടുകള്‍ പ്രഖ്യാപിക്കാന്‍ ബന്ധപ്പെട്ട വകുപ്പുകാര്‍ മല്‍സരിക്കുന്നത്പതിവ് രീതിയാണ്.

എന്നാല്‍ ഒരു കുടുംബത്തിന്റെ നെടുംതൂണ്അന്യദേശത്ത് മരണപ്പെടുമ്പോള്‍ അവരുടെ കണ്ണീരൊപ്പാനും കുടുംബങ്ങളെയുംബന്ടുമിത്രാതികളെയും ആശ്വസിപ്പിക്കാനും അവസരത്തിനൊത്തുണര്‍ന്നു രംഗത്ത് വരാറുള്ളത്പ്രവാസത്തിന്റെ വേദനയറിഞ്ഞ ഗള്‍ഫിലെ ഉദാരമതികളായ ബിസിനസ്കാരും സാമൂഹ്യ പ്രവര്‍ത്തകരുംമത സാംസ്കാരിക കൂട്ടായ്മകളും മാത്രമാണ്.

സ്വന്തം കുടുംബത്തെയും സമൂഹത്തെയുംഒരേപോലെ സംരക്ഷിക്കാന്‍ പാടുപെടുന്നതിലുപരി പിറന്നമണ്ണിന്റെ സമ്പദ്‌വ്യവസ്ഥയെ താങ്ങിനിര്‍ത്തുന്ന പാവം പ്രവാസികള്‍, അപകട, ദുരന്തങ്ങള്‍ മൂലം മരണപ്പെടുകയോ നഷ്ടങ്ങള്‍സംഭവിക്കുകയോ ചെയ്‌താല്‍ അവരുടെ കുടുംബത്തിനും ദുരിതാശ്വാസവും, ആശ്രിതര്‍ക്ക് ജോലി തുടങ്ങിയ ആനുകൂല്യങ്ങളുംമറ്റും ലഭ്യമാക്കാനുള്ള ഒരു സ്ഥിരം പദ്ധതി ആവിഷ്കരിച്ചു നടപ്പാക്കാന്‍ കേന്ദ്രസംസ്ഥാന സര്‍ക്കാറുകളോടും ബന്ടപെട്ട വകുപ്പുകളോടും രംഗത്തിറങ്ങാന്‍ അപേക്ഷ. (M.News 8 July 2011)

പ്രവാസികള്‍ക്കും സര്‍ക്കാര്‍ ദുരിതാശ്വാസ പദ്ധതി നടപ്പാക്കണം

2011-07-06T22:29:00.005+03:00

കുടിയിരിപ്പും കെട്ടുതാലിയും പണയപ്പെടുത്തിയും കിട്ടാവുന്നത്ര കടം വാങ്ങിയും കുടുംബം പോറ്റാനായി ഗള്‍ഫിലെത്തിയവരുടെ അനന്തമായ പ്രവാസ ജീവിതം അനുദിനം ദുരിതപൂര്‍ണമായിക്കൊണ്ടിരിക്കുകയാണ്. “ഹുറൂബും” “നിതാഖാത്തും” നാട്ടിലെയും ഗള്‍ഫിലെയും വിലക്കയറ്റവും പ്രവാസി മനസ്സുകളെ കുറച്ചൊന്നുമല്ല അസ്വസ്ഥമാക്കുന്നത്.

നാട്ടിലെപ്പോലെ ഗള്‍ഫിലും ഇളം പ്രായക്കാരുടെ ആകസ്മിക വിയോഗം,, ആത്മഹത്യ, വിവിധ അപകടങ്ങള്‍ മൂലമുള്ള മരണം, തീപിടുത്തം പോലുള്ള ദുരന്തങ്ങള്‍ കൊലപാതകങ്ങള്‍, തുടങ്ങിയവയുടെ ഗ്രാഫും അടുത്തകാലത്തായി ക്രമാതീതമായി ഉയര്‍ന്നുകൊണ്ടിരിക്കുന്നു.

നമ്മുടെ നാട്ടില്‍ കള്ളവാറ്റ്, കൊലപാതകങ്ങള്‍, വിവിധ ആവശ്യങ്ങള്‍ക്കായി നടത്തുന്ന പ്രധിഷേധ സമരങ്ങള്‍, റാലികള്‍ തുടങ്ങിയവ ആക്രമണസക്തമാകുമ്പോള്‍ സംഭവിക്കാറുള്ള മരണങ്ങള്‍ മുതല്‍ വ്യാജമദ്യം മൂക്കറ്റം കുടിച്ച്‌ മരണപ്പെട്ടാല്‍ വരെ മണിക്കൂറുകള്‍ക്കകം ലക്ഷങ്ങളുടെ ദുരിതാശ്വാസ ഫണ്ടുകള്‍ പ്രഖ്യാപിക്കാന്‍ ബന്ധപ്പെട്ട വകുപ്പുകാര്‍ മല്‍സരിക്കുന്നത് പതിവ് രീതിയാണ്.

എന്നാല്‍ സ്വന്തം കുടുംബത്തെയും സമൂഹത്തെയും ഒരേപോലെ സംരക്ഷിക്കാന്‍ പാടുപെടുന്നതിലുപരി പിറന്നമണ്ണിന്റെ സമ്പദ്‌വ്യവസ്ഥയെ താങ്ങി നിര്‍ത്തുന്ന പാവം പ്രവാസിക്ക് വല്ലതും സംഭവിച്ചാല്‍ തിരിഞ്ഞു നോക്കാന്‍ പോലും നമ്മുടെ കേന്ദ്ര സംസ്ഥാന സര്‍ക്കാരുകള്‍ തയ്യാറാകാത്തത് തികച്ചും നന്ദികേടാണ്.

ഒരു കുടുംബത്തിന്റെ നെടുംതൂണ് അന്യദേശത്ത് മരണപ്പെടുമ്പോള്‍ അവരുടെ കണ്ണീരൊപ്പാനും കുടുംബങ്ങളെയും ബന്ടുമിത്രാതികളെയും ആശ്വസിപ്പിക്കാനും അവസരത്തിനൊത്തുണര്‍ന്നു രംഗത്ത് വരാറുള്ളത് പ്രവാസത്തിന്റെ വേദനയറിഞ്ഞ ഗള്‍ഫിലെ ഉദാരമതികളായ ബിസിനസ്കാരും സാമൂഹ്യ പ്രവര്‍ത്തകരും മത സാംസ്കാരിക കൂട്ടായ്മകളും മാത്രമാണ്.

അതുകൊണ്ട് അപകട, ദുരന്തങ്ങള്‍ മൂലം മരണപ്പെടുകയോ നഷ്ടങ്ങള്‍ സംഭവിക്കുകയോ ചെയ്‌താല്‍ നാട്ടിലെപ്പോലെ പ്രവാസികളുടെ കുടുംബത്തിനു ദുരിതാശ്വാസവും, ആശ്രിതര്‍ക്ക് ജോലി തുടങ്ങിയ ആനുകൂല്യങ്ങളും ലഭ്യമാക്കാനുള്ള പദ്ധതി ആവിഷ്കരിച്ചു നടപ്പാക്കാന്‍ രംഗത്ത് വരേണ്ട സമയം അതിക്രമിച്ചിരിക്കുന്നു.

(Gulf Madhyamam 5 July 2011)

പ്രവാസി പ്രശ്നങ്ങള്‍ പരിഹരിക്കാന്‍..

2011-07-06T22:07:00.007+03:00

കഴിഞ്ഞ ആറുമാസത്തിനുള്ളില്‍ നമ്മുടെ പ്രധാനമന്ത്രി ഡോക്ടര്‍. മന്‍മോഹന്‍ സിംഗ് മുതല്‍ വിദേശ, പ്രവാസി കാര്യസഹമന്ത്രിമാര്‍, എംപിമാര്‍, എം.എല്‍,എമാര്‍ തുടങ്ങിയവരും ഏറ്റവും ഒടുവില്‍ പ്രവാസികളുടെ കാര്യങ്ങള്‍ മാത്രം അന്വേഷിക്കാനും കണ്ടെത്താനും കേരള മുഖ്യമന്ത്രി അയച്ച നോര്‍കയുടെ സെക്രട്ടറി ടി.കെ. മനോജ്‌ കുമാറും സൌദിഅറേബ്യയിലെ വിവിധ ഭാഗങ്ങള്‍ സന്ദര്‍ശിച്ചു മടങ്ങി. ഇവ കൂടാതെ വര്ഷം തോറും ലക്ഷങ്ങള്‍ ചെലവഴിച്ചു നടത്താറുള്ള പ്രവാസി ഭാരതീയ മാമാങ്കങ്ങളില്‍ ചാന്‍സ്‌ ഒപ്പിച്ചെടുത്തും ഗള്‍ഫ്‌ പ്രവാസി സംഘടന പ്രതിനിധികള്‍ തങ്ങളുടെ പരാതികളുമായി സാന്നിധ്യം അറിയിക്കാറുണ്ട്.

എന്നാല്‍ പ്രവാസികളുടെ പ്രശ്നങ്ങളും പരിദേവനങ്ങളും അവരിലേറെ പ്രയാസത്തോടെ നേരില്‍ കണ്ടും കേട്ടും നൂറു കണക്കിന് പരാതികളും അപേക്ഷകളുമായി തിരിച്ചുപോയാല്‍ പിന്നെ അവയെ കുറിച്ച് അനുകൂലമോ പ്രതികൂലമോ ആയ യാതൊരു വിവരവും പിന്നീട് അറിയാറില്ല എന്നതാണ് സത്യം. അഥവാ നേതാക്കള്‍ വരുമ്പോള്‍ വഴിപാടുപോലെ കുറെ പരാതികള്‍ വാങ്ങിയും ലേബര്‍ കേമ്പും മറ്റും സന്ദര്‍ശിച്ചും വിദേശസന്ദര്‍ശന പരിപാടി ഗംഭീരമാക്കുക ഗള്‍ഫ്‌ തുടങ്ങിയത് മുതലുള്ള നാട്ടുനടപ്പാണ്.

പ്രവാസികള്‍ വളരെ പ്രതീക്ഷയോടെയും ഉത്സാഹത്തോടെയും സമര്‍പ്പിക്കുന്ന അപേക്ഷകളെ കുറിച്ച് അതെ ആവേശത്തോടെ ഫോളോഅപ്പ് നടത്താനും ആവശ്യങ്ങള്‍ നിറവേറ്റികിട്ടുന്നത് വരെ ആവശ്യമായ നടപടികളുമായി ജാഗ്രതയോടെ മുന്നോട്ടു പോകാനും തയ്യാറായാല്‍ മാത്രമേ പ്രവാസികളുടെ പ്രശ്നങ്ങള്‍ പരിഹരിക്കപ്പെടാന്‍ സാധ്യതയുള്ളവെന്നാണ് സമീപകാല സംഭവങ്ങളില്‍ നിന്നും മനസ്സിലാകുന്നത്.

പുതിയ സര്‍ക്കാരിന്റെ മുഴുവന്‍ ഉത്തരവുകളും വെബ്സൈറ്റ് വഴി പ്രസിദ്ധീകരിക്കുമെന്നുള്ള സ്വാഗതാര്‍ഹമായ തീരുമാനം പോലെ ഗവര്‍മെന്റിന്റെ വിവിധ വകുപ്പുകളില്‍ ലഭിക്കുന്ന പരാതികള്‍ക്ക് റഫറന്‍സ് നമ്പരും മറ്റും നല്‍കി ഫോളോ അപ്പ് ചെയ്യാനുള്ള സൗകര്യം കൂടി ഏര്‍പ്പെടുത്താന്‍ ബന്ടപ്പെട്ടവര്‍ ശ്രദ്ധിച്ചാല്‍ നന്നായിരുന്നു.

(G. Madhyamam 10 June 2011)

‘നോര്‍ക്ക’ മേധാവിക്ക്‌ വിനയപൂര്‍വ്വം

2011-06-05T09:45:00.004+03:00

ഗള്‍ഫ്‌ പ്രവാസത്തിന്റെ അര നൂറ്റാണ്ട് പിന്നിട്ടപ്പോഴും 20 ലക്ഷത്തോളം വരുന്ന പ്രവാസികളുടെ അടിസ്ഥാന പ്രശ്നങ്ങള്‍ ഇന്നും പരിഹരിക്കപ്പെടാതെ തുടരുകയാണ്.

വിശുദ്ധ ഹറമിനടുത്ത നഗരമെന്ന നിലയിലും ലക്ഷക്കണക്കിന് പ്രവാസി മലയാളികള്‍ താമസിക്കുന്ന പ്രദേശമെന്ന നിലക്കും കേരളത്തില്‍നിന്നുള്ള എല്ലാ രാഷ്ട്രീയ സംഘടനകളുടെ നേതാക്കളും പ്രമുഖരും ജിദ്ദാ സന്ദര്‍ശനം നടത്തുക പതിവാണ്. കൂടാതെ ഇന്ത്യാ–സൗദി ഗവര്‍മെന്റുകളുടെയോ അവക്ക് കീഴിലുള്ള വിവിധ വകുപ്പുകളുടെയോ പ്രതിനിധികളായും ക്ഷണിതാക്കളായും ഇവിടം സന്ദര്‍ശിക്കുന്ന ഉന്നത ഉദ്യോഗസ്ഥരും പുതിയ പുതിയ പ്രഖ്യാപനങ്ങളും വാഗ്ദാനങ്ങളും നല്‍കി ആതിഥേയരെയും ശ്രോതാക്കളെയും കോള്‍മയിര്‍കൊള്ളിച്ചു പത്ര പ്രസ്താവനകള്‍ നടത്തി കാര്യങ്ങള്‍ സാധിച്ചു തിരിച്ചു പോകുകയാണ് പതിവ്. നേതാക്കന്‍മാര്‍ വരുമ്പോഴേക്കും വിമാനത്താവളത്തില്‍ പോയി സ്വീകരിച്ചാനയിച്ചും തോളിലേറ്റിയും കൊണ്ട് നടക്കുന്ന പ്രവാസികള്‍ സമര്‍പ്പിച്ച പരാതികള്‍ക്ക് കയ്യും കണക്കുമില്ല.

നീണ്ട 28വര്‍ഷത്തെ ഇടവേളക്കു ശേഷം 2010 Feb 27, 28 തിയ്യതികളില്‍ സൗദി സന്ദര്‍ശിച്ച പ്രധാന മന്ത്രി ഡോക്ടര്‍. മന്‍മോഹന്‍ സിങ്ങിന്‍റെ ഏറെ പ്രതീക്ഷയോടെ കാത്തിരുന്ന സഊദി സന്ദര്‍ശനത്തിനു ശേഷവും സാധാരണക്കാരായ പ്രവാസികള്‍ക്ക് പ്രതീക്ഷക്ക്‌ വക നല്‍കുന്ന കാര്യങ്ങള്‍ ഒന്നുംതന്നെ ഉണ്ടായില്ല.

ലക്ഷങ്ങള്‍ ചെലവഴിച്ചു നടത്താറുള്ള പ്രവാസി ഭാരതീയ സമ്മേളനങ്ങളില്‍ പോലും ഗള്‍ഫിലെ പ്രവാസികളുടെ പ്രാധിനിധ്യവും പ്രശ്നങ്ങളും കണ്ടില്ലെന്നു നടിക്കുമ്പോള്‍ പ്രത്യേകം ക്ഷണിക്കപ്പെടുന്ന പടിഞ്ഞാറന്‍ രാഷ്ട്രങ്ങളിലെ പ്രവാസി മുതലാളിമാരുടെ സ്വകാര്യസ്വത്തും നിക്ഷേപങ്ങളും സംരക്ഷിക്കുന്നതിനെ കുറിച്ചാണ് പ്രധാനമായും ചര്‍ച്ചകള്‍ നടക്കാറുള്ളതെന്നതിന്റെ അവസാനത്തെ ഉദാഹരണമാണ് കഴിഞ്ഞ ജനുവരി ആദ്യവാരം ഡല്‍ഹില്‍ നടന്ന എട്ടാം പ്രവാസി ഭാരത സമ്മേളന മാമാങ്കം..

സര്‍ക്കാര്‍, ബാങ്ക് തുടങ്ങിയ നാട്ടിലെ വിവിധ സ്ഥാപനങ്ങളില്‍ വിവിധ ആവശ്യങ്ങള്‍ക്ക് തിരിച്ചറിയല്‍ കാര്‍ഡ്‌ നിര്‍ബന്ധമാക്കുമ്പോള്‍ പ്രവാസിയായതിന്റെ കാരണത്താല്‍ തിരിച്ചറിയല്‍ കാര്‍ഡോ സ്വന്തം പേരില്‍ ഒരു റേഷന്‍ കാര്‍ഡു പോലും അനുവദിച്ചു കിട്ടാത്ത അവസ്ഥയാണ് ഇന്നുള്ളത്. (വിദേശത്തു മറ്റൊരാളുടെ സ്പോണ്സര്‍ഷിപ്പില്‍ കഴിയുന്ന പ്രവാസി സ്വന്തം നാട്ടിലെത്തിയാല്‍ ഭാര്യയുടെ സ്പോണ്സര്‍ഷിപ്പിലാണെന്ന് പ്രവാസിയുടെ റേഷന്‍കാര്‍ഡ്‌ നോക്കിയാല്‍ മനസ്സിലാകും!!.)

ഏറെ കാലത്തെ മുറവിളിക്ക് ശേഷം പ്രവാസി വോട്ടവകാശം അനുവദിച്ചു കിട്ടിയെങ്കിലും വോട്ടര്‍പട്ടികയില്‍ പേര്‍ ചേര്‍ക്കാനുള്ള നിബന്ധനകള്‍ സൌദിയില്‍ ജോലി ചെയ്യുന്ന പ്രവാസിയെ സംബന്ധിടത്തോളം ഏറെ ദുഷ്കരമാണ്.

ഇന്ത്യന്‍ വിദേശകാര്യ വകുപ്പും കേന്ദ്രവ്യോമയാന കാര്യാലയവും മനസ്സുവെച്ചാല്‍ പരിഹരിക്കപ്പെടാവുന്ന സൗദി ഗവര്‍മെന്റിന്‍റെ അനുമതി ആവശ്യമില്ലാത്ത, ഭരണപക്ഷത്തിനും പ്രതിപക്ഷത്തിനും ഒരു പക്ഷവും ഇല്ലാത്തവര്‍ക്കും എതിര്‍പ്പില്ലാത്ത ഇന്റര്‍നാഷണല്‍ ഇന്ത്യന്‍ സ്കൂള്‍ ഫീസ്‌ വര്‍ധന കുറക്കല്‍, എയര്‍ ഇന്ത്യ യാത്രക്കാര്‍ക്ക് അടുത്ത കാലം വരെ അനുവദിച്ചിരുന്ന പത്തു ലിറ്റര്‍ സംസം വെള്ളം സൗജന്യമായി കൊണ്ടുപോകാനുള്ള ആനുകൂല്യം പുനസ്ഥാപ്പിക്കാന്‍ തുടങ്ങിയ കാര്യങ്ങള്‍പോലും ബന്ധപ്പെട്ടവര്‍ ഗൗരവമായി എടുത്തതായി കാണുന്നില്ല എന്നതാണ് യാഥാര്‍ത്ഥ്യം. അങ്ങയുടെ സന്ദര്‍ശനവും പതിവ് 'കലാപരിപാടി' ആവാതിരിക്കട്ടെ എന്ന പ്രാര്‍ഥനയോടെ. (Gulf Madhyamam 06 June 2011)

ഗദ്ദാമ: എന്ത് കൊണ്ട് വിമര്‍ശിക്കപ്പെടുന്നു

2011-05-30T22:48:00.002+03:00

ഒരു പൊതു സമൂഹത്തില്‍ സാധാരണ നടക്കാറുള്ള ഒറ്റപ്പെട്ടസംഭവങ്ങള്‍ പര്‍വ്വതീകരിച്ചും സാമാന്യവല്ക്കരിച്ചും സിനിമ, നോവല്‍തുടങ്ങിയ കലാസൃഷ്ടികള്‍ ഒരു പുതിയ സംഭവമല്ല. എന്നാല്‍ ഒരു കലാസൃഷ്ടിയുടെ പ്രമേയം കൊണ്ട്എന്തെകിലും തരത്തിലുള്ള പരിവര്‍ത്തനമാണ് ഉദ്ദേശ്യമെങ്കില്‍അത് ലക്ഷ്യമാക്കുന്നവരില്‍പ്പെട്ട ഒരു ശതമാനമെങ്കിലും അത് കാണുകയോ വായിക്കുകയോചെയ്തു വിഷയത്തെ കുറിച്ച് മനസ്സിലാക്കേക്കെണ്ടതില്ലേ? ഇവിടെയാണ്കമലിന്റെ ഗദ്ദാമ വ്യത്യസ്തമാകുന്നത്.

ഇന്തോനേഷ്യ, ഫിലിപ്പൈന്‍സ്, ശ്രീലങ്ക,എത്യോപ്പിയ, നേപ്പാള്‍,ചൈന, ഇന്ത്യ തുടങ്ങിയ അനേകം രാഷ്‌ട്രങ്ങളില്‍ നിന്നായി ഗള്‍ഫുനാടുകളില്‍ ജോലിചെയ്യുന്ന വിവിധ പ്രായക്കാരായ ഗദ്ദാമ (വേലക്കാരി)കളുടെ മാത്രംഎണ്ണം ലക്ഷങ്ങളുടെ പരിധിയില്‍ ഒതുങ്ങാത്തതാണ്. (ഈ കുറിപ്പുക്കാരന്റെ സ്പോന്സറുടെവീട്ടിലെ ഇന്തോനേഷ്യന്‍ ഗദ്ദാമയുടെ പ്രായം 59)

കേരളത്തിലെ മത വിദ്യാഭ്യാസ സാമൂഹ്യ സാംസ്കാരിക രാഷ്ട്രീയമേഘലകളില്‍ ഇന്ന് കാണുന്ന പുരോഗതിയും നിര്‍ദ്ധനരായ യുവതികളുടെ വിവാഹം, ആതുരസേവനംതുടങ്ങിയ നിരവധി ആവശ്യങ്ങള്‍ക്കായി കേരളത്തിലേക്ക് എത്തിക്കൊണ്ടിരിക്കുന്നകോടിക്കണക്കിനു രൂപയുടെ സഹായ നിധികളുടെയും ഉറവിടം ഈ ഗദ്ദാമകള്‍ ജോലി ചെയ്യുന്നഅറബികളുടെ കീശയില്‍നിന്നാണെന്ന് ഓര്‍ക്കണം. അതേപോലെ ഈ ഗദ്ദാമകളുടെ നാടുകളിലും കുടുംബങ്ങളിലുംജീവിതം കരുപിടിപ്പിക്കുന്നതും ഗള്‍ഫ്‌ നാടുകളില്‍ ജോലി തേടിയെത്തുന്ന ഇവരുടെ കഠിനപ്രത്നം കൊണ്ട് മാത്രമാണ്.

ഗള്‍ഫ് നാടുകളിലെ ചില അറബി വീടുകളില്‍ കമല്‍ അവതരിപ്പിച്ചരീതിയില്‍ കാര്യങ്ങള്‍ നടക്കുന്നുണ്ടെങ്കില്‍ ആയിരക്കണക്കിന് വീടുകളിലെ ഗദ്ദാമകള്‍അനുഭവിക്കുന്ന സുഖങ്ങളെ കുറിച്ചോ അവര്‍ നേടിയെടുത്ത പുരോഗതിയെ കുറിച്ചോവിവരിക്കുന്ന ഒരു സംഭാഷണം പോലും ഉള്‍പ്പെടുത്താന്‍ സംവിധായകന്‍ സമയംകണ്ടെത്തിയില്ല.

ഒരു പക്ഷെ സ്വദേശികളെക്കാള്‍ വിദേശികള്‍ കൂടുതലുള്ള ഗള്‍ഫ്‌രാഷ്ട്രങ്ങളെപ്പോലെ സ്വതന്ത്രരായി സഞ്ചരിക്കാനും ജോലി ചെയ്യാനും സൌകര്യമുള്ളരാഷ്ട്രങ്ങള്‍ തന്നെ കുറവായിരിക്കും. കഴിഞ്ഞ 2006 ഡിസംബറില്‍ സൌദിയിലെ ഹായില്‍ നഗരത്തിലേക്കുള്ള യാത്രക്കിടെ നിരോധിത മേഖലയില്‍ പ്രവേശിച്ചകാരണത്താല്‍അന്വേഷണത്തിനായി പോലീസ് കസ്റ്റഡിയിലായപ്പോഴേക്കും ജോജോ ജോസഫ്‌ എന്ന മലയാളി തന്നെആറുമണിക്കൂറിനുള്ളില്‍ വധശിക്ഷ നടപ്പാക്കും അതിനാല്‍ എത്രയും വേഗം രക്ഷിക്കാനുള്ളനടപടികള്‍ എടുക്കണമെന്ന് വീട്ടിലേക്കു ഫോണ്‍ വിളിച്ചു പറഞ്ഞപ്പോഴേക്കും താല്‍പ്പരകക്ഷികളായമീഡിയക്കാരും മറ്റും സര്‍വ്വ മുന്‍ധാരണകളും ഭാവനകളും കൂട്ടിക്കലര്‍ത്തി സൌദിയിലെനിയമങ്ങളെ തെറ്റിദ്ധരിപ്പിച്ചും പരിഹസിച്ചും ലക്ഷക്കണക്കിന്ഇന്ത്യക്കാര്‍ ജോലി ചെയ്യുന്ന ഒരു രാഷ്ട്രത്തെ അപമാനിച്ചപ്പോള്‍ സൌദിയില്‍മരണപ്പെടുന്ന അമുസ്ലികളുടെ മൃതശരീരം മരുഭൂമിയില്‍ കൊണ്ടുപോയി പരുന്തുകള്‍ക്ക്ഭക്ഷണമാക്കാറാണ് പതിവെന്നു മാലോകരെ അറിയിച്ചത് ജന്മഭൂമിയിലെ മുസ്ലിം പേരുള്ള കോളമിസ്റ്റായിരുന്നു.

കമലിനെ പോലുള്ള സംവിധായകന്മാര്‍ക്കും എഴുത്തുകാര്‍ക്കുംഅറബികളെ കുറിച്ചും അവരുടെ നാടുകളെ കുറിച്ചുമുള്ള യഥാര്‍ത്ഥ ചിത്രം പറഞ്ഞു കൊടുക്കാന്‍ കിട്ടിയ അവസരം ഉപയോഗപ്പെടുത്തുന്നതിന് പകരം ഗദ്ദാമക്ക് മസാല ചേര്‍ക്കാന്‍ കൂട്ടുനിന്നമലയാളി സാഹിത്യകാരന്‍റെ മഹത്തായ സേവനം പ്രവാസിസമൂഹത്തിനു തന്നെ നാണക്കേടാണ്.

മലയാളത്തിലുള്ള ഈ സിനിമ കണ്ടു ആശ്വസിക്കാന്‍ പീഡിതരായഗദ്ദാമകള്‍ക്കോ തങ്ങളുടെ സ്വഭാവരീതിയില്‍ മാറ്റം വരുത്താന്‍ അവരെ പീഡിപ്പിക്കുന്നഅറബികള്‍ക്കോ ഒരു ശതമാനം പോലും സാധ്യതയില്ലാതാകുമ്പോള്‍ പ്രവാസി ഇന്ത്യക്കാര്‍ക്ക്ഗള്‍ഫ്‌ രാജ്യങ്ങളില്‍ മാന്യമായ സ്ഥാനമാനങ്ങളും ഉന്നതമായ ജോലിയും നല്‍കി ആദരിക്കുന്നഅറബികളെ അപമാനിക്കുന്ന തരത്തില്‍ കേരളത്തില്‍ ഇത്തരം സിനിമകള്‍ നിര്‍മ്മിച്ചുകച്ചവടം നടത്തുന്നവരും ഗള്‍ഫ്‌ നാടുകളില്‍ വിവിധ തരം കുറ്റകൃത്യങ്ങള്‍ ഏര്‍പ്പെട്ടുമൊത്തം പ്രവാസികള്‍ക്ക് തന്നെ പാരപണിത് കാശുണ്ടാക്കുന്നവരും തമ്മിലെന്ത് വിത്യാസം.

പ്രവാസികളല്ലാത്തവര്‍ക്കു അന്യമായ ഗള്‍ഫ് ജീവിതത്തെ മറ്റൊരു രാജ്യത്ത് പരിചയപ്പെടുത്തുമ്പോള്‍വളരെ അപൂര്‍വമായി നടക്കുന്ന സംഭവങ്ങള്‍ മാത്രം ഉള്‍പ്പെടുത്തി സിനിമയെടുക്കുക വഴി മഹത്തായ ഒരുകലയോട് തന്നെ നിര്‍മ്മാതാക്കള്‍അനീതി ചെയ്തിരിക്കുകയാണ്. ഇതുപോലുള്ള കലാസൃഷ്ടികളെ അംഗീകരിക്കാനും ആസ്വദിക്കാനുംതരം താണ്‌പോയോ മലയാളികളുടെ ആസ്വാദന നിലവാരം.

(Gulf Thejas 15 May 2011)

നേതാക്കള്‍ വന്നു പോയി; പ്രശ്നങ്ങള്‍ അപ്പടി

2011-05-09T11:38:00.009+03:00

സൗദി ഗവര്‍മെന്റിന്‍റെ അനുമതി ആവശ്യമില്ലാത്ത, ഭരണ പക്ഷത്തിനും പ്രതിപക്ഷത്തിനുംഒരുപക്ഷവും ഇല്ലാത്തവര്‍ക്കും എതിര്‍പ്പില്ലാത്ത ഇന്റര്‍നാഷണല്‍ സ്കൂള്‍ ഫീസ്‌വര്‍ദ്ധനവ് പ്രശ്നം രമ്യമായി പരിഹരിക്കാനും എയര്‍ ഇന്ത്യ യാത്രക്കാര്‍ക്ക് സംസം സൗജന്യം പുനസ്ഥാപ്പിക്കാനും ആത്മാര്‍ത്ഥമായി ശ്രമിക്കാത്തവര്‍, സങ്കീര്‍ണ്ണമായ ഹുറൂബ് പ്രശ്നം പരിഹരിക്കപ്പെട്ടരീതിയില്‍ അനുമോദനങ്ങളും പ്രതികരണങ്ങളും തുടര്‍ന്നുകൊണ്ടേയിരിക്കുന്നു.

കേരള നിയമസഭയിലേക്കുള്ള തെരഞ്ഞെടുപ്പ് കഴിഞ്ഞ് ഫല പ്രഖ്യാപനത്തിനുള്ള ഒരു മാസത്തെ നീണ്ട കാത്തിരിപ്പ്‌തെരഞ്ഞെടുപ്പ് മഹോത്സവത്തിന്റെ മൂഡ്‌ തെന്നെ കളഞ്ഞിരിക്കുകയാണ്. ഈ ഒഴിവുവേളയിലാണ് കേന്ദ്ര വിദേശകാര്യ മന്ത്രി മുതല്‍ അടുത്ത നിയമസഭയില്‍ മന്ത്രിക്കസേരയും എംഎല്‍എ സ്ഥാനവും പ്രതീക്ഷിച്ചു നാളുകള്‍ എണ്ണിത്തീര്‍ക്കുന്നവരുടെ നീണ്ടനിര വിശുദ്ധ ഭൂമിയിലേക്ക്‌ ഒഴുകിക്കൊണ്ടിരിക്കുന്നത്. നാട്ടില്‍ നിന്നും എത്തുന്ന നേതാക്കളെ സ്വീകരിക്കുന്നതിലും തിരിച്ചു പോകുന്നവരെ യാത്രയയക്കുന്നതിലും മുന്നില്‍നില്‍ക്കുന്ന നേതാക്കള്‍ക്ക് എയര്‍പ്പോര്‍ട്ടില്‍ തന്നെ രാപ്പാര്‍ക്കേണ്ട ഗതിയാണ് പലപ്പോഴും.

സോഷ്യല്‍ നെറ്റ്വര്‍ക്ക് ഗ്രൂപ്പുകളും ടെലിഫോണ്‍സൗകര്യവും സുതാര്യമാകുകയും മലയാള പത്രങ്ങളും ചാനലുകളും സാര്‍വത്രികമാകുകയും ചെയ്തതോടെ നാട്ടിലെ വിശേഷങ്ങള്‍ ചൂടോടെ അറിയുന്ന പ്രവാസികളുടെ മുന്നില്‍ രാഷ്ട്രീയ നേതാക്കന്മാര്‍ക്ക് പോലും വിഷയ ദാരിദ്ര്യം വലിയൊരു പ്രശ്നം തന്നെയാണെന്നു ഇവരുടെ പ്രസംഗം തന്നെ സാക്ഷി.

പിന്നെ പാര്‍ട്ടി പ്രവര്‍ത്തകരെ ആവേശം കൊള്ളിക്കാന്‍ എതിര്‍കക്ഷികളുടെ കുറ്റവും കുറവും പറഞ്ഞും തെരഞ്ഞെടുപ്പ് പ്രകടന പത്രിക മോഡലില്‍ പ്രവാസികളുടെ പ്രതീക്ഷക്ക് വക നല്‍കുന്ന രീതിയില്‍ പ്രസ്താവനകള്‍ നടത്തിയും സ്ഥലം വിടുകയാണ് ജിദ്ദയില്‍ അടുത്ത ദിവസങ്ങളില്‍ സന്ദര്‍ശനം നടത്തിയ മിക്ക നേതാക്കളും ചെയ്തത്.

ഒരു രാഷ്ട്രത്തിന്റെ ആഭ്യന്തര സാമൂഹ്യ കാര്യങ്ങളുമായി ബന്ധപ്പെട്ട ഹുറൂബ് പ്രശ്നം പരിപൂര്‍ണ്ണമായി പരിഹരിക്കാന്‍ ഇരു രാഷ്ട്രങ്ങളിലെയും നയതന്ത്ര കാര്യാലയങ്ങളും ബന്ധപ്പെട്ട ഒട്ടേറെ വകുപ്പുകളും ഒരേപോലെ ഉത്സാഹത്തോടെ ഉണര്‍ന്നു പ്രവര്‍ത്തിച്ചാലേ സാധ്യമാകൂ എന്ന യാഥാര്‍ത്യം പലതവണ വ്യക്തമാക്കിയതാണ്. എന്നിട്ടും നേതാക്കന്മാരുടെ പ്രസ്താവനകളും പത്ര റിപ്പോര്‍ട്ടുകളും കണ്ടു ഭാഗ്യം തെളിഞ്ഞ പ്രതീക്ഷയോടെ ഓടിയെത്തുന്ന ഹുറൂബ്കാരോട് ഇത്തരം വാര്‍ത്തകള്‍ കേട്ട് കോണ്‍സുലേറ്റിലേക്ക് ഓടി വരേണ്ടതില്ല എന്ന് വരെ വെല്‍ഫെയര്‍ മേധാവിക്ക് പ്രസ്താവനയിറക്കേണ്ടി വന്നത് എത്രമാത്രം ലജ്ജാകരമാണ്.

ഇന്ത്യന്‍ വിദേശകാര്യ വകുപ്പും കേന്ദ്രവ്യോമയാന കാര്യാലയവും മനസ്സുവെച്ചാല്‍ പരിഹരിക്കപ്പെടാവുന്ന സ്കൂള്‍ ഫീസ് വര്‍ധനവും എയര്‍ ഇന്ത്യ യാത്രക്കാര്‍ക്ക് സംസം വെള്ളം സൌജന്യമായി കൊണ്ടുപോകാനുള്ള ആനുകൂല്യം പുനസ്ഥാപ്പിക്കാനും ഇനിയും ആരെയാണ് നാം കാത്തിരിക്കുന്നത്?

(Gulf Madhyamam 9 May 11 & M. News 10 May 11)

ജനാധിപത്യരാഷ്ട്രത്തിലെ കാടന്‍ നിയമങ്ങള്‍

2011-04-20T11:01:00.005+03:00

ഛത്തിസ്ഗഢ് സര്‍ക്കാറിന്റെ സര്‍വ കുതന്ത്രങ്ങളെയും അതിജീവിച്ച ഡോക്ടര്‍ ബിനായക്‌സെന്‍ നീണ്ട കാലത്തെ കാരാഗൃഹ വാസത്തിനു ശേഷം കഴിഞ്ഞ ഏപ്രില്‍ 18നു ജയില്‍ മോചിതനായി.ഛത്തിസ്ഗഢിലെ പാവങ്ങള്‍ക്ക് സ്വാന്ത്വനമേകിയിരുന്ന 61കാരനായ ഈ മനുഷ്യാവകാശ പ്രവര്‍ത്തകനെ രാജ്യദ്രോഹകുറ്റംചുമത്തി ജയിലിലടക്കാന്‍ കാരണമായത് നക്‌സലുകളെ സഖാക്കളെന്ന് വിളിച്ചതും നക്‌സല്‍ ആദര്‍ശം വിളിച്ചോതുന്ന പ്രസിദ്ധീകരണങ്ങള്‍കൈവശം വെച്ചതുമൊക്കെയായിരുന്നത്രേ!.

ഏതെങ്കിലും രീതിയില്‍ “തീവ്രവാദ”ചിന്തയുമായിബന്ധപ്പെടുന്നത് കൊണ്ടല്ല നമ്മുടെ രാജ്യത്ത്‌ ഒരാള്‍ രാജ്യദ്രോഹിയായി മുദ്രകുകുത്തപ്പെടുന്നത്എന്ന് തെളിയിക്കുന്ന

സമാനമായ ഒട്ടേറെ സംഭവങ്ങള്‍ നമ്മുടെ കേരളത്തിലും നടന്നിട്ടുണ്ട്. നിരോധിക്കപ്പെടുകപോലും ചെയ്യാത്ത പുസ്തകങ്ങളും സിഡികളും കൈവശം വെച്ചവരെയും അത് വായനക്കുവെച്ച പൊതുവായനശാലകളെപ്പോലും സംശയത്തിന്റെ നിഴലില്‍ അകപ്പെടുത്തി തീവ്രവാദത്തിനുതെളിവുണ്ടാക്കിയതും നാം മറന്നിട്ടില്ല. നിരവധി മുസ്ലിം യുവാക്കള്‍ അതിന്റെ പേരില്‍ഇന്നും കോടതിയും കേസുമായി നാളുകള്‍ തള്ളിനീക്കുന്നു. നമ്മുടെ മീഡിയ ഇടയ്ക്കിടയ്ക്ക്ആഘോഷിച്ചുകൊണ്ടിരിക്കുന്ന പല രാജ്യദ്രോഹ കേസ്സുകളും പുതിയ വിധിയനുസരിച്ച് എത്രത്തോളംനിലനില്‍ക്കുന്നതാണെന്നു ഒരു വേള ചിന്തിക്കുന്നത് നന്നായിരിക്കും.

ഒരു വിഭാഗത്തോട് അനുഭാവം പുലര്‍ത്തുന്നതും അവരുടെ കൃതികളും ലഘുലേഖകളും കൈവശം വെക്കുന്നതുമൊക്കെരാജ്യദ്രോഹമായി കാണുന്നത് അപഹാസ്യമാണെന്ന് നിരീക്ഷിച്ച സുപ്രീം കോടതിയുടെ അഭിപ്രായം, ബാലിശമായ 'തെളിവുകള്‍' ആധാരമാക്കി നിരപരാധികളെപിടികൂടി കുറ്റപത്രം പോലും നല്‍കാതെ പീഡിപ്പിച്ചുവരുന്നകീഴ്‌വഴക്കത്തിനെതിരെയുള്ള ശക്തമായ താക്കീതും കൂടിയാണ്.

എല്ലാ തരത്തിലുള്ള ലഘുലേഖകളും വിതരണം ചെയ്യപ്പെടും. അതെല്ലാം നമ്മുടെ കൈകളിലുമെത്തും.ഇതിലും വലിയ അപകടകരമായ സാഹിത്യങ്ങള്‍ തന്റെ വീട്ടിലുണ്ടെന്നും മഹാത്മാഗാന്ധിയുടെ ജീവചരിത്രംആരുടെയെങ്കിലും വീട്ടിലുണ്ടെന്ന് കരുതി അയാള്‍ ഗാന്ധിയനായി തീരുമോ എന്നും സെന്നിന്‍റെജാമ്യഹരജിയില്‍ വിധി പറഞ്ഞ കോടതി ബെന്ചിന്‍റെയും പ്രശസ്ത അഭിഭാഷകന്‍ രാംജത്മലാനിയുടെയുംപരാമര്‍ശങ്ങള്‍ തീവ്രവാദത്തിന്റെ പേരില്‍ കാടിളക്കുന്നവരുടെ കണ്ണുതുറപ്പിക്കുന്ന നിരീക്ഷണങ്ങളാണ്.

ഭരണകൂടത്തിന്‍റെ അനീതിക്കെതിരെ ശബ്ദിക്കേണ്ടത് ഓരോ പൌരന്റെയും ബാധ്യതയാണെന്നുംനിയമ നീതിന്യായ സംവിധാനങ്ങള്‍ ഒരു പൌരന്‍റെ സുരക്ഷ ഉറപ്പു നല്‍കുന്നവയായിരിക്കണമെന്നുമാണ്രാഷ്ട്രപിതാവ്‌ നമ്മെ പഠിപ്പിച്ചിട്ടുള്ളത്.

സാമ്രാജ്യത്വ ഭരണകൂടം കോളനി നിവാസികളെ അടിച്ചൊതുക്കാനായി ഒന്നര നൂറ്റാണ്ട് മുമ്പ്നടപ്പിലാക്കിയ സ്വേച്ഛാധിപത്യ നിയമം സ്വതന്ത്ര ജനാധിപത്യരാഷ്ട്രത്തിനു ചേര്‍ന്ന വിധംകാലോചിതമായ പരിഷ്‌കരിക്കാനും പുനഃക്രമീകരിക്കാനും ഈ വിധി നിമിത്തമായെങ്കില്‍ എന്ന ശുഭപ്രതീക്ഷയിലാണ്മനുഷ്യ സ്നേഹികള്‍.

(Malayalam News 20 April 2011)

നമ്മെ നയിക്കേണ്ടത് ക്രിമിനലുകളോ?!

2011-04-07T21:45:00.007+03:00

മീനച്ചൂടിനെ പാടെ മറന്നു കൊണ്ട് പതിനാലാം നിയമസഭയിലേക്കുള്ള തങ്ങളുടെ പ്രതിനിധിയെ വിജയിപ്പിച്ചെടുക്കാനുള്ള അവസാനഘട്ട പരിശ്രമത്തിലാണ് കേരളത്തിലെ വിവിധ രാഷ്ട്രീയ പാര്‍ട്ടികളും പ്രവര്‍ത്തകരും. .

കൊലപാതകം, മാനഭംഗം, കൊള്ള തുടങ്ങിയ ഗുരുതര കുറ്റകൃത്യങ്ങള്‍ ആരോപിക്കപ്പെടുന്നവര്‍ തെരഞ്ഞെടുപ്പില്‍ മത്സരിക്കുന്നത് വിലക്കണമെന്നും രാഷ്ട്രീയത്തില്‍ ക്രിമിനലുകള്‍ വര്‍ധിച്ചുവരുന്നത് പരിശോധിക്കണമെന്നും കേന്ദ്ര സര്‍ക്കാറിനോട് മുഖ്യതെരഞ്ഞെടുപ്പ് കമ്മീഷണര്‍ എസ്.വൈ ഖുറൈശി ആവശ്യപ്പെട്ടത് കുറച്ചു മുമ്പാണ്. കാരണം നമ്മുടെ ലോകസഭയിലെ 543 അംഗങ്ങളില്‍ അതിഗൌരവതരമായ ക്രിമിനല്‍ കേസ്സുകളില്‍പ്പെട്ട 37 എം.പിമാരടക്കം 160 ഓളം മെമ്പര്‍മാര്‍ ക്രിമിനലുകളാണത്രേ!. രാജ്യസഭയിലും ക്രിമിനലുകളുടെയും കോടീശ്വരന്മാരുടെയും എണ്ണം ഞെട്ടിപ്പിക്കുന്നതാണ്.

സാക്ഷരതയിലും സംസ്കാരതിലുമൊക്കെ മുന്നിട്ടു നില്‍ക്കുന്നവരെന്നു ഊറ്റം കൊള്ളുന്ന കേരളത്തില്‍ ഈ നിയമസഭ തെരഞ്ഞെടുപ്പില്‍ മത്സരിക്കാനായി ആഴ്ചകള്‍ നീണ്ട ചര്‍ച്ചകള്‍ക്കും തര്‍ക്കവിതര്‍ക്കങ്ങള്‍ക്കും ശേഷം സീറ്റ് തരപ്പെട്ട് നമ്മുടെ വിലയേറിയ വോട്ടിനായി യാചിച്ചു വരുന്നവരില്‍ 15% കോടീശ്വരന്മാരും 43% ക്രിമിനലുകളുമാണെന്ന് നാഷണല്‍ ഇലക്ഷന്‍ വാച്ച് നടത്തിയ സര്‍വെയ്യില്‍ വ്യക്തമാക്കുന്നു.

പണത്തിന്റെ കൊഴുപ്പ് കൊണ്ട് സീറ്റും വോട്ടും നേടി ജയിച്ചു വരുന്നവരും കൊള്ള, കൊല, ലൈംഗിക അപവാദം, അഴിമതി തുടങ്ങിയ ഭീകരമായ കുറ്റകൃത്യങ്ങളില്‍ ഏര്‍പ്പെട്ടവരും നടത്തുന്ന മാഫിയ–ഗുണ്ടായിസ ഭരണം നമ്മുടെ സ്വൈര്യജീവിതത്തിനു പോലും ഭീഷണിയായിരിക്കും.

മൂന്നര കോടിയോളം വരുന്ന കേരള ജനതയെ സേവിക്കാനും നാടിനെ പുരോഗതിയിലേക്ക് നയിക്കാനും നിസ്വാര്‍ത്ഥരും സേവന തല്‍പ്പരരുമായ 140 പ്രവര്‍ത്തകരെയോ അല്ലെങ്കില്‍ സ്വതന്ത്രരായ സാമൂഹ്യ സാംസ്കാരിക രംഗത്തെ പ്രമുഖരെയോ മല്‍സരിപ്പിക്കാന്‍ എട്ടും പത്തും പാര്‍ട്ടികളടങ്ങിയ മുന്നണികള്‍ക്ക് എന്ത് കൊണ്ട് സാധിക്കുന്നില്ല.

മനുഷ്യ ജീവനു തന്നെ ഭീഷണിയായ രാഷ്ട്രീയത്തിന്റെ ക്രിമിനല്‍വല്‍ക്കരണവും ക്രിമിനലുകളുടെ രാഷ്ട്രീയവല്‍ക്കരണവും പ്രോത്സാഹിപ്പിക്കുന്ന മുന്നണികളുടെ വികൃതമായ ക്രിമിനല്‍ മുഖങ്ങള്‍ മറച്ചു വെക്കാനാണ് ഓരോ തെരെഞ്ഞെടുപ്പുകളിലും ചര്ച്ച ചെയ്യപ്പെടെണ്ട അടിസ്ഥാന വിഷയങ്ങള്‍ മാറ്റി വെച്ച് വര്‍ഗീയത കളിക്കാനും അപ്രധാനവും നിസ്സാരവുമായ കാര്യങ്ങള്‍ വലിയ വിഷയങ്ങളാക്കി കൊണ്ടാടപ്പെടുന്നതിലെ രഹസ്യവുമെന്ന് നാം തിരിച്ചറിയണം.

(Madhyamam 15 April, Malayalam News 09 April 2011, G.Madhyamam 08 April 2011)

പരിധി വിടുന്ന തെരഞ്ഞെടുപ്പ്‌ മഹോല്‍സവം

2011-03-30T09:52:00.004+03:00

നിയമസഭ തെരഞ്ഞെടുപ്പെന്ന “മഹോത്സവത്തിന്റെ” പ്രഖ്യാപനം വന്നതോടെ പതിവിനു വിപരീതമായ “കലാപരിപാടികളു”ടെ വാര്‍ത്തകളാണ് പല പാര്‍ട്ടികളില്‍ നിന്നും പുറത്തു വന്നു കൊണ്ടിരിക്കുന്നത്. ആകെയുള്ള 140 സീറ്റ് 1400 ആയാലും തികയാത്ത വിധം ഓരോ മുന്നണിയിലെയും ഭൈമീകാമുകന്മാരാണ് ഒരു സീറ്റ് തരപ്പെടുത്താന്‍ പെടാപാടുപ്പെട്ടിരുന്നത്.

ഒരു സീറ്റ് തരപ്പെടുത്താന്‍; കിട്ടിയ സീറ്റില്‍ വിജയിക്കാന്‍ എതിരാളികളെ കുറിച്ച് എന്ത് നെറികേടുകളും വിളിച്ചു പറയാനും അധര്‍മ്മങ്ങള്‍ ചെയ്യാനും ചെറുപ്പം മുതലേ ശീലിച്ചും പഠിപ്പിച്ചും വന്ന ആശയങ്ങളും ആദര്‍ശങ്ങളും പാടെ മറന്നുകൊട്നുള്ള കളിയില്‍ സമൂഹത്തിന് മാതൃകയാവേണ്ടവര്‍ വരെ മുന്നിലുണ്ട്.

ഇനി വാര്‍ഡു മുതല്‍ അഖിലേന്ത്യ വരെയുള്ള നേതാക്കന്മാരുടെ കാലു പിടിച്ചും വെട്ടിനിരത്തിയും ഒരു സീറ്റ് ഒപ്പിച്ചെടുത്താല്‍ തന്നെ മല്‍സരിക്കാന്‍ അവസരം കിട്ടിയ മണ്ഡലത്തിലെ മാനസപുത്രനല്ലെങ്കില്‍ “ഇറക്കുമതി ചെരക്ക്” “മുടക്കാചെരക്ക്” തുടങ്ങിയ പരിഹാസ പ്രയോഗങ്ങളും അവഹേളനങ്ങളും സംശുദ്ധ വ്യക്തിത്വത്തിന്റെ ഉടമകള്‍ക്ക് പോലും സ്വന്തം പാര്‍ട്ടി അനുയായികളില്‍ നിന്നുവരെ നേരിടേണ്ടി വരുന്നു.

ജീവിതം മുഴുവന്‍ പാര്‍ട്ടിക്കായി വിയര്‍പ്പൊഴിക്കി അനുസരണയുള്ള പ്രവര്‍ത്തകരായി കഴിയുന്നവരെ പാടെ മറന്നു, തെരഞ്ഞെടുപ്പില്‍ ഒരു സീറ്റോ പാര്‍ട്ടിയില്‍ ഒരു സ്ഥാനമോ കിട്ടാന്‍ താമസം വരുമ്പോഴേക്കും, അല്ലങ്കില്‍ മോഹിച്ചത് ലഭിക്കാതെ വരുമ്പോള്‍ ജീവന് തുല്യം സ്നേഹിച്ച പാര്‍ട്ടിയെയും താന്‍ പഠിച്ച സംസ്കാരത്തെയും നിസ്സങ്കോചം വലിച്ചെറിഞ്ഞു മറുകണ്ടം ചാടുന്നവര്‍ ഒരു ഭാഗത്ത്‌. അത്തരക്കാര്‍ക്ക് ഉറച്ച സീറ്റുകളും പാര്‍ട്ടി ഘടനയില്‍ ഉന്നത സ്ഥാനങ്ങളും നല്‍കി പാട്ടിലാക്കാന്‍ മുന്നണികളും പാര്‍ട്ടികളും മറുഭാഗത്ത്‌ വലയുമായി കാത്തിരിക്കുന്നു.

ഒരു രൂപയ്ക്കു അരി, ലക്ഷങ്ങള്‍ക്ക് ജോലി, സംവരണം, ക്ഷേമനിധി, വ്യവസായം, വികസനം തുടങ്ങിയ വിടുവായിത്വങ്ങളുമായി പുറത്തിറക്കുന്ന തെരഞ്ഞെടുപ്പ് പ്രകടനപത്രികാ പ്രഹസനങ്ങളുമായി വോട്ടര്‍മാരെ വിഡ്ഢികളാക്കി മത്സരിച്ചു മുന്നേറുകയാണ് മുന്നണികളെല്ലാം.

സാക്ഷരതയിലും സംസ്കാരതിലുമൊക്കെ മുന്നിട്ടു നില്‍ക്കുന്നവരെന്നു ഊറ്റം കൊള്ളുന്ന കേരളത്തില്‍, മാഫിയവല്ക്കരിക്കപ്പെട്ട, സീറ്റ് വിഭജനത്തില്‍ പോലും വഞ്ചനയും സ്വജനപക്ഷപാതവും മുഖമുദ്രയായി മാറിയ പ്രമുഖ രാഷ്ട്രീയ പാര്‍ട്ടികള്‍ക്കും അതിന്റെ നേതാക്കള്‍ക്കും എങ്ങിനെയാണ് ഒരു അഴിമതിരഹിത സംശുദ്ധ ഭരണം കാഴ്ച്ചവെക്കാനാവുക.

അതുകൊണ്ടായിരിക്കണം പ്രസിദ്ധ ഹാസ്യനടന്‍ മാമുക്കോയ ആസന്നമായ നിയമസഭ തെരഞ്ഞെടുപ്പില്‍ വോട്ടു ചെയ്യുന്നതീനെ കുറിച്ച് മലയാളത്തിലെ ഒരു പ്രമുഖ ചാനലിനോട് ഇങ്ങിനെ പ്രതികരിച്ചത്. "ഒന്നിനും കൊള്ളാത്ത ഒരു ചെറ്റയെയും ലോകമാന്യനാക്കാന്‍ ഞാന്‍ തയ്യാറല്ല". (Malayalam News 30/3/2011)

രാഷ്ട്രീയ സദാചാരത്തിന്റെ മഹിത മാതൃകകള്‍!

2011-03-26T10:45:00.006+03:00

"ഒന്നിനും കൊള്ളാത്ത ഒരു ചെറ്റയെയും ലോകമാന്യനാക്കാന്‍ ഞാന്‍ തയ്യാറല്ല" ആസന്നമായ നിയമസഭ തെരഞ്ഞെടുപ്പില്‍ വോട്ടു ചെയ്യുന്നതീനെ കുറിച്ച് മലയാളത്തിലെ ഒരു പ്രമുഖ ചാനലിനോട് പ്രസിദ്ധ ഹാസ്യ നടന്‍ മാമുക്കോയയുടെ പ്രതികരണമാണ് മുകളിലുദ്ധരിച്ചത്.

കേരള നിയമസഭയിലേക്കുള്ള തീരഞ്ഞെടുപ്പ് പ്രഖ്യാപനം വന്നതോടെ പതിവിനു വിപരീതമായ “കലാപരിപാടികളാണ്” പല പാര്‍ട്ടികളില്‍ നിന്നും ഓരോ മണിക്കൂറിലും പുറത്തു വന്നു കൊണ്ടിരിക്കുന്നത്. ആകെയുള്ള 140 സീറ്റ് 1400 ആയാലും തികയാത്ത വിധം ഭൈമീകാമുകന്മാരുണ്ട് ഓരോ മുന്നണിയിലും.

ഒരു ജില്ലയുടെ തന്നെ നിറം മാറ്റാന്‍ കോണ്‍ട്രാക്റ്റ് എടുത്തവര്‍ തനിക്ക് കിട്ടേണ്ടത് ലഭിക്കാതെ വന്നപ്പോള്‍ എതിര്‍ മുന്നണിയില്‍ ചേര്‍ന്ന് പുതിയ കരാര്‍ ഏറ്റെടുത്തു രംഗത്ത് വരുന്ന കാഴ്ചയാണ് കാണാന്‍ കഴിഞ്ഞത്.

രാവിലെ അനിഷേധ്യരും നെടുന്തൂണുകളുമായി പാവപ്പെട്ട പാര്‍ട്ടി പ്രവര്‍ത്തകരുടെ തോളിലേറി നടന്ന കേഡര്‍ പാര്‍ട്ടികളുടെ തീപ്പൊരികള്‍ മുതല്‍ ചെറുപ്പം മുതലെ സംഘടനയിലെ കുഞ്ഞാടായി നടന്നവരും വൈകുന്നേരമാകുമ്പോഴേക്കും എതിര്‍ ചേരിയിലെ റാണിമാരായീ മാറുന്നു.

രാഷ്ട്രീയ ഗുരുക്കന്മാരുടെ കണ്ണുരുട്ടല്‍ പേടിച്ച ചില വനിതാ നേതാക്കന്‍മാര്‍ക്ക് ഇതെല്ലാം കണ്ടും കേട്ടും സഹിച്ചിരിക്കാനാണ് വിധി.

ജീവിതം മുഴുവന്‍ പാര്‍ട്ടിക്കായി വിയര്‍പ്പൊഴിക്കി അനുസരണയുള്ള പ്രവര്‍ത്തകരായി കഴിയുന്നവരെ പാടെ മറന്നു, തെരഞ്ഞെടുപ്പില്‍ ഒരു സീറ്റോ പാര്‍ട്ടിയില്‍ ഒരു സ്ഥാനമോ കിട്ടാന്‍ താമസം വരുമ്പോഴേക്കും ജീവന് തുല്യം സ്നേഹിച്ച പാര്‍ട്ടിയെയും താന്‍ പഠിച്ച സംസ്കാരത്തെയും നിസ്സങ്കോചം വലിച്ചെറിഞ്ഞു മറുകണ്ടം ചാടുന്നവരും അത്തരക്കാരെ സീറ്റുകളും പാര്‍ട്ടി ഘടനയില്‍ ഉന്നത സ്ഥാനങ്ങള്‍ നല്‍കി പാട്ടിലാക്കാന്‍ മത്സരിക്കുന്ന പാര്‍ട്ടികളുടെയും മുന്നണികളുടെയും രാഷ്ട്രീയ സദാചാരം നമ്മെ തെല്ലൊന്നു അലോസരപ്പെടുത്തിയിരുന്നെങ്കില്‍!! ഒരു രൂപയ്ക്കു അരിയും ലക്ഷങ്ങള്‍ക്ക് ജോലിയും തുടങ്ങിയ ഇത്തരക്കാരുടെ വിടുവായിത്വങ്ങളില്‍ വിശ്വസിച്ചു സിന്ദാബാദ് വിളിച്ചു അലയുന്നവരുടെ ബുദ്ധി അപാരം തന്നെ. (Gulf Madhyamam 26- March 2011)

പേര് ചേര്‍ക്കാനും പണം വേണം!!

2011-03-09T13:23:00.002+03:00

കൊല്ലം തോറും ആര്‍ഭാട പൂര്‍വ്വം കൊണ്ടാടാറുള്ള പ്രവാസി ദിവസിലും മന്ത്രിമാരുടെയും നേതാക്കളുടെയും ഇടക്കിടക്കുള്ള പ്രസ്താവനകള്‍ക്കും അറുതി വരുത്തിക്കൊണ്ട് ലക്ഷക്കണക്കായ പ്രവാസികള്‍ക്ക് വോട്ടര്‍ പട്ടികയില്‍ തങ്ങളുടെ പേര് നിലനിര്‍ത്താനും തെരെഞ്ഞെടുപ്പുകാലത്ത് നാട്ടിലുള്ളവര്‍ക്ക് വോട്ടു ചെയ്യാനുമുള്ള അവകാശം കനിഞ്ഞു കിട്ടിയത് ഈ അടുത്ത കാലത്താണ്.

വോട്ടര്‍ പട്ടികയില്‍ പേര് ചേര്‍ക്കാന്‍ അറ്റസ്റ്റേഷന്‍ ഇനത്തില്‍ 48 റിയാലാണ് സൗദിയിലെ ഇന്ത്യന്‍ വിദേശകാര്യ മന്ത്രാലയം ഈടാക്കുന്നത്. ഇന്ത്യന്‍ പൗരന് തന്നെ മൗലികാവകാശമായ വോട്ടവകാശം നിര്‍വഹിക്കാന്‍ വോട്ടര്‍പ്പട്ടികയില്‍ പേര് ചേര്‍ക്കാനും കാശു മുടക്കണമെന്നത് തികച്ചും പ്രവാസികളെ അപമാനിക്കുന്നതിനു തുല്യമാണ്. പ്രസ്തുത വിഷയത്തില്‍ വകുപ്പ് മന്ത്രിമാര്‍ പതിവുപോലെ പ്രസ്താവനകളുമായി രംഗത്തുടെന്കിലും തിരഞ്ഞെടുപ്പു കമ്മീഷന്‍ വ്യത്യസ്തമായ രീതിയിലാണ് പ്രതികരിക്കുന്നത്.

പല ഗള്‍ഫ്‌ രാജ്യങ്ങളിലെയും നിയമമനുസരിച്ച് പ്രവാസിയുടെ പാസ്പ്പോര്‍ട്ട് കൈവശം വെക്കാന്‍ നിര്‍ബന്ധിതനായ തൊഴിലുടമ തന്റെ തൊഴിലാളിക്ക് അത്യാവശ്യഘട്ടത്തില്‍ പാസ്പ്പോര്‍ട്ട് നല്‍കാന്‍ തയ്യാറായാല്‍ പോലും ദൂര ദിക്കിലുള്ള ഒരു പ്രവാസിക്ക് അറ്റസ്റ്റേഷന്‍, യാത്ര ചെലവു എന്നിവയ്ക്ക് പുറമേ ഒരു ദിവസത്തെ തൊഴിലവധികൂടി കിട്ടിയാലേ പ്രവാസി വോട്ടവകാശം എന്ന കൊട്ടിഘോഷിക്കപ്പെട്ട മഹത്തായ ആനുകൂല്യം നേടിയെടുക്കാന്‍ നിലവിലെ നിയമമനുസരിച്ച് സാധിക്കുകയുള്ളൂ. പ്രവാസിയെ പിഴിഞ്ഞ് പരിചയമുള്ളവരായതിനാലായിരിക്കും ഇന്ത്യന്‍ വിദേശകാര്യ മന്ത്രാലയങ്ങള്‍ അറ്റസ്റ്റേഷന് പണമീടാക്കുന്നത്.

വോട്ടര്‍ പട്ടികയില്‍ പേര് ചേര്‍ക്കാന്‍ ഇത്രത്തോളം കടമ്പകള്‍ തരണം ചെയ്യണമെങ്കില്‍ പിന്നെ ഗള്‍ഫിലിരുന്നു വോട്ടു ചെയ്യാനുള്ള സാങ്കേതികത്വം എത്രത്തോളമായിരിക്കും. ഗള്‍ഫിലെ രണ്ടു പ്രമുഖ പ്രവാസി രാഷ്ട്രീയ സംഘടനകളുടെ നേതാക്കന്മാര്‍ കേന്ദ്ര മന്ത്രിസഭയില്‍ പ്രവാസി, വിദേശകാര്യ വകുപ്പുകള്‍ കൈകാര്യം ചെയ്യുന്ന ഈ അവസരത്തില്‍ പ്രത്യേകിച്ചും.

നാട്ടില്‍ വോട്ടര്‍ പട്ടികയില്‍ പേര് ചേര്‍ക്കാന്‍ തെരെഞ്ഞെടുപ്പ് കമ്മിഷന്‍ ഇപ്പോള്‍ നടപ്പില്‍വരുത്തിയ രീതിപോലെ എംബസിയിലും കോണ്‍സുലേറ്റിലും ഒരു ഉദ്യോഗസ്ഥന്‍റെ മുമ്പില്‍ ആവശ്യമായ രേഖകളുമായി ഹാജരായി സാക്ഷൃപ്പെടുത്തുന്ന രീതിയിലേക്കെങ്കിലും നിയമം സുതാര്യമാക്കാന്‍ ബന്ധപ്പെട്ടവര്‍ കരുണകാണിക്കണം. കേന്ദ്ര-സംസ്ഥാന സര്‍ക്കാരുകളും ബന്ധപ്പെട്ട വകുപ്പുകാരും അവഗണയോടെ കാണുന്ന പ്രവാസിയുടെ വോട്ടിനു ഏതായാലും “നല്ല വിലയുണ്ട്‌.” (Mathrubhumi 11-3-11 Malayalam News 9-3- 11 & G. Madhyamam 8-3-11, )

“സമാധാന വാദികളുടെ” കപടമുഖം

2011-03-06T10:07:00.003+03:00

ഒട്ടേറെ രാഷ്ട്രീയ കൊലപാതകങ്ങള്‍ക്കും ആക്രമണ പ്രത്യാക്രമണങ്ങള്‍ക്കും സാക്ഷൃം വഹിച്ച കേരളത്തില്‍ തന്നെ ആദ്യ സംഭവമായിരുന്നു കോഴിക്കോട് ജില്ലയിലെ നരിക്കാട്ടേരിയില്‍ ബോംബു നിര്‍മാണത്തിനിടയില്‍ അഞ്ചു മുസ്ലിം യുവാക്കളുടെ അതിദാരുണമായ മരണത്തിലും മൂന്നുപേര്‍ക്ക്‌ ഗുരുതരമായ പരുക്കേല്‍ക്കുകയും ചെയ്ത ബോംബു സ്ഫോടനം. കേരളത്തിലെ മുഴുവന്‍ സമാധാന കാംക്ഷികളുടെയും കണ്ണു തുറപ്പിക്കേണ്ട ഈ വിഷയത്തില്‍ സമാധാന ദൂതുമായി പ്രസ്താവനകളും പ്രധിഷേധങ്ങളുമായി രംഗത്ത് വരാറുള്ള പതിവ് സംഘടനകളെപ്പോലും ഇത്തവണ കണ്ടതെ ഇല്ല.

കേരളത്തിന്റെ വടക്കന്‍ മേഖലയില്‍ കൊല്ലങ്ങളായി ഇത്തരം സ്ഫോടനങ്ങളും കൊലകളും മറ്റു ആക്രമണങ്ങളും നടത്തുന്നത് തീവ്രവാദത്തിനെതിരെ ശക്തമായി പോരാടുന്ന രണ്ടു പ്രമുഖ സംഘടനകളാണ് എന്നതാണ്‌ ഏറ്റവും വലിയ തമാശ. ഒന്ന് കണ്ണുരുട്ടുമ്പോഴേക്കും അതില്‍ തീവ്രവാദം കണ്ടു കാടിളക്കുന്നവരുടെ മുഖംമൂടിയാണ് ഇവിടെ അഴിഞ്ഞു വീണു കൊണ്ടിരിക്കുന്നത്.

തീവ്രവാദത്തിനെതിരെ, സമാധാനത്തിന്റെ വെള്ളരിപ്രാവുകളായി മേനി പറഞ്ഞു നടക്കുന്നവര്‍ക്ക് ജനങളുടെ ജീവനും സ്വത്തിനും ഭീഷണിയായി തീര്‍ന്ന ബോംബു സംസ്കാരത്തിനും കൂട്ടക്കൊലകള്‍ക്കും ശാശ്വത പരിഹാരം കാണാന്‍ സ്വന്തം അണികളെപ്പോലും നിയന്ത്രിക്കാന്‍ സാധിക്കാത്തത് എന്തുകൊണ്ട്.? (Malayalam News 05 March 2011)

പൊട്ടിത്തെറിക്കുന്ന “മതേതര” ബോംബുകള്‍

2011-03-02T11:54:00.008+03:00

കോഴിക്കോട് ജില്ലയിലെ നരിക്കാട്ടേരിയില്‍ ബോംബു നിര്‍മാണത്തിനിടയില്‍ അഞ്ചു മുസ്ലിം യുവാക്കളുടെ അതിദാരുണമായ മരണത്തിലും മൂന്നുപേര്‍ക്ക്‌ ഗുരുതരമായ പരുക്കേല്‍ക്കുകയും ചെയ്ത സംഭവം അപലനീയവും അതിലേറെ ഖേദകരവുമാണ്. കേരളത്തില്‍ തന്നെ ആദ്യ സംഭവമായ അതും അഞ്ചു മുസ്ലിം യുവാക്കള്‍ ഒന്നിച്ചു കൊല്ലപ്പെട്ടിട്ടും അവരുടെ രാഷ്ട്രീയ ബന്ധം അറിയാവുന്നത് കൊണ്ടായിരിക്കണം മതേതരത്വവും സമാധാനവും പാടിപ്പറഞ്ഞും, തീവ്രവാദത്തിനെതിരെ സന്ധിയില്ലാ സമരം പ്രഖ്യാപിച്ചും രംഗം കൊഴുപ്പിക്കാറുള്ള പ്രമുഖ മത സംഘടനകളൊക്കെ അര്‍ത്ഥ ഗര്‍ഭമായ മൌനത്തിലാണ്.

കേരളത്തിലെ മുസ്ലിം സമൂഹം ഏതൊക്കെ സന്ദര്‍ഭങ്ങളില്‍ വിവേകം വെടിഞ്ഞ് അതി വൈകാരികതയുടെയും വര്‍ഗീയ മനോഭാവത്തിന്റെയും പാതയിലേക്ക് നീങ്ങിയോ അപ്പോഴെല്ലാം അതിനെ നിയന്ത്രിക്കുകയും നിര്‍മ്മാണാത്മകമായ ദിശകളിലേക്ക് തിരിച്ചുവിടുകയും ചെയ്യുന്നവരാണെന്ന് വീരവാദം മുഴക്കുകയും കേരളത്തിലെ ഇന്ന് കാണുന്ന സമാധാന അന്തരീക്ഷം തങ്ങളുടെ മാത്രം കഴിവുകൊണ്ടാണെന്നു മേനി പറയുന്നവര്‍ എന്തിനാണ് ബോംബ്‌ ഉണ്ടാക്കുന്നത്‌ എന്ന് മനസ്സിലാകുന്നില്ല.

മതതീവ്രവാദത്തിനും വര്‍ഗീയതക്കുമെതിരെ പോരാടുന്ന പല സംഘടനകളുടെയും കഥയും ഇത് തന്നെയാണ്. അവരുടെ പാര്‍ട്ടി ഗ്രാമങ്ങളില്‍ നടമാടുന്ന ആക്രമണങ്ങള്‍ക്ക് കയ്യും കണക്കുമില്ല. പിഞ്ചുകുഞ്ഞുങ്ങളുടെ മുന്നിലിട്ടും നടുറോഡിലിട്ടും പച്ച മനുഷ്യരെ പരസ്യമായി വെട്ടിക്കൊല്ലാന്‍ മടിയില്ലാത്തവരാണവര്‍. പോലീസ് സ്റ്റേഷനില്‍ വെച്ചും ബോംബുണ്ടാക്കും എന്ന് പ്രഖ്യാപിച്ച നേതാവാണ് ഇന്ന് കേരളത്തിന്റെ ആഭ്യന്ത്ര വകുപ്പ് കൈകാര്യം ചെയ്യുന്നത്. സ്വന്തം മകന്റെ കൈപ്പത്തി തകര്‍ന്നതും ബോംബു സ്ഫോടനത്തിലൂടെയാണ്!

വര്‍ഗീയ, മതതീവ്രവാദം തടയാനെന്ന പേരില്‍ ഭരണ സ്വാധീനം ഉപയോഗിച്ച് മുസ്ലിം വീടുകളിലും സ്ഥാപനങ്ങളിലും റൈഡ് നടത്തിയും അറസ്റ്റു ചെയ്തും ഭീകരാന്തരീക്ഷം സൃഷിക്കുന്നവരുടെ അണികള്‍ ബോംബ് നിര്‍മ്മാണത്തിലും അവ ആസൂത്രിതമായി പൊട്ടിക്കുന്നതിലും വ്യാപ്രതരായി കഴിയുന്നു. പല നാള്‍ കള്ളന്‍ ഒരു നാള്‍ പിടിക്കപ്പെടും എന്ന ചൊല്ല് പോലെ വര്‍ഗീയ മത തീവ്രവാദത്തിനെതിരില്‍ നല്ലപിള്ള ചമയുന്നവരുടെ മുഖംമൂടികളാണ് അനുദിനം അഴിഞ്ഞുവീണുകൊണ്ടിരിക്കുന്നത്.

ഇന്ത്യയിലെ സവര്‍ണ-ഫാഷിസ്റ്റു-മീഡിയകള്‍ പുറത്തുവിടുന്ന തീവ്രവാദ കള്ളക്കഥകളില്‍ ആവേശം പൂണ്ടു തീവ്രവാദത്തിന്റെ അടിവേര് കണ്ടെത്താന്‍ സി. ബി. ഐ യില്‍ വരെ ചേരാന്‍ തയ്യാറായ നേതാവിന്റെ അനുയായികള്‍ ബോംബു കമ്പനിയില്‍ വെച്ച് അതിദാരുണമായി കൊല്ലപ്പെടുന്നുവെങ്കില്‍ മറ്റുള്ളവരെ തീവ്രവാദികളായി ചിത്രീകരിച്ചു നടത്തുന്ന വാചോടാപങ്ങളില്‍ നിന്ന് ഇനിയെങ്കിലും പിന്മാറുന്നതല്ലേ നല്ലത്.

സ്വന്തം സമുദായത്തിലെ ചെറുപ്പക്കാരെയും മഅദനിയെപ്പോലുള്ള ഒരു മുസ്ലിം പണ്ഡിതനെയും തീവ്രവാദ മുദ്രകുത്തി അന്യായമായി ജയിലിലടക്കുമ്പോള്‍ ഉള്ളുകൊണ്ട് ചിരിക്കുകയും നിയമത്തിന്റെ വഴിപറഞ്ഞു തിരിഞ്ഞു നോക്കുക പോലും ചെയ്യാത്തവര്‍ക്ക് ഇതൊക്കെ ഒരു ഗുണപാഠമാകേണ്ടതുണ്ട്.

(Prabodhanam 19 March 11 & Gulf Madhyamam 2 March 2011)

തഹരീര്‍ സ്ക്വയര്‍ - വിമോചനത്തിന്റെ പുതിയ പ്രതീകം

2011-02-21T11:09:00.007+03:00

“മിസിരികള്‍”- ഈജിപ്തില്‍ നിന്നുമുള്ള തങ്ങളുടെ സഹപ്രവര്‍ത്തകരെ കുറിച്ച് പ്രവാസി മലയാളികളില്‍ ഭൂരിഭാഗത്തിനും തികച്ചും വിഭിന്നമായ അഭിപ്രായമാണ് പൊതുവേ കേള്‍ക്കാറുള്ളത്. അഭിനവ ഫറോവമാരെപ്പോലെ അഹങ്കാരികളും ഇതര അറബ് നാടുകളില്‍നിന്നുള്ളവരെ അപേക്ഷിച്ചു വ്യത്യസ്തമായ സംസാര ശൈലിയും ജീവിത രീതികളും കാരണം പലപ്പോഴും പരിഹാസ്യ കഥാപാത്രങ്ങളായും മിസിരികളെ ഉദാഹരിക്കുന്നതും സര്‍വ്വസാധാരണം.

എന്നാല്‍ മുപ്പതു വര്‍ഷത്തോളം തങ്ങളെ അടക്കി ഭരിച്ച എകാധിപതിയും സാമ്രാജ്യത്വ – സിയോണിസ്റ്റ് ലോബികളുടെ ഉത്തമ സുഹ്രത്തുമായ തങ്ങളുടെ പ്രസിഡന്റിനെ സ്ഥാനഭ്രഷ്ടനാക്കാന്‍ ഈ മിസിരികള്‍ക്ക് വേണ്ടി വന്നത് കേവലം പതിനെട്ടു ദിവസങ്ങള്‍ മാത്രം.

ഹുസ്നി മുബാറക്കിനെതിരെ കൈറോയിലെ തഹരീര്‍ സ്ക്വയറില്‍ ഒത്തുകൂടിയ മില്യന്‍ കണക്കിന് ജനസമൂഹത്തെ പ്രകോപിതരാക്കാനും ലക്‌ഷ്യം തെറ്റിക്കാനും സര്‍വ്വവിധ കുതന്ത്രങ്ങളും പയറ്റിയ അധികാരി വര്‍ഗ്ഗത്തിന് നിരാശയായിരുന്നു ഫലം.

വ്യക്തമായ ഒരു “ഐക്യമുന്നണിയുടെ” ബാനറുപോലുമില്ലാതെ നടന്ന ഈ മുന്നേറ്റത്തില്‍ പങ്കെടുത്തവര്‍ കാണിച്ച ക്ഷമയും ആത്മസംയമനവും കാണുമ്പോള്‍ മിസിരികളെ കുറിച്ചുള്ള നമ്മുടെ സകല മുന്‍ധാരണകളും തിരുത്താന്‍ നാം നിര്‍ബന്ധിതരാകുന്നില്ലേ?

നമ്മുടെ നാട്ടില്‍ നൂറുകണക്കിന് ആളുകള്‍ പങ്കെടുക്കുന്ന പൊതു സമ്മേളനങ്ങള്‍, ധര്‍ണ ബന്ദ്, ഹര്‍ത്താല്‍ തുടങ്ങി ഏതെങ്കിലും ഈര്‍ക്കില്‍ പാര്‍ട്ടികളില്‍പ്പെട്ട ചോട്ടാ നേതാവിന്‍റെ മൃതദേഹം വഹിച്ചുകൊണ്ടുള്ള വിലാപയാത്രകള്‍ വരെ ആക്രമണത്തിലും പൊതു മുതല്‍ നശിപ്പിക്കുന്നതിലും പര്യവസാനിക്കുന്നത് പതിവ് കലാപരിപാടികളാണ്.

മുസ്ലിം ലോകത്തെ സ്വാഗതാര്‍ഹമായ പല ചലനങ്ങളും “ഇസ്ലാം ഫോബിയ” “താലിബാനിസം” തുടങ്ങിയ സംജ്ഞകളിട്ട് പരിഹസിക്കാറുള്ളവര്‍ യാതൊരു തരത്തിലുള്ള പാരിസ്ഥിതിക പ്രശ്നങ്ങളോ പ്രസ്താവ്യമായ രക്തച്ചൊരിച്ചിലുകളോ ഉണ്ടാക്കാതെ ഈജിപ്തിലെ ആബാലവൃദ്ധം ജനങ്ങള്‍ “വിമോചന ചത്വരത്തില്‍” സ്വാതന്ത്ര്യത്തിനു വേണ്ടി നടത്തിയ സാമൂഹ്യ വിപ്ലവത്തെ തഹ്രീരിസം എന്ന പേരിലെങ്കിലും പ്രതീകവല്ക്കരിക്കാന്‍ തയ്യാറാകുമോ?. (Gulf Madhyamam 21 Feb 2011)

എല്ലാം നല്ലതിന് വേണ്ടിയാവട്ടെ!

2011-02-09T22:39:00.002+03:00

ഉന്നത ബിരുദമുണ്ടായിട്ടും ജോലി ലഭിക്കാത്തതിനാല്‍ ഉന്തുവണ്ടിയില്‍ പഴവും പച്ചക്കറികളും വിറ്റ് ജീവിച്ചുവരുകയായിരുന്നു ബൂഅസീസി എന്ന ഇരുപത്താറുകാരനെ ലൈസന്‍സില്ലാതെ കച്ചവടം ചെയ്‌തെന്നാരോപിച്ച് സാധനങ്ങള്‍ കണ്ടുകെട്ടിയ മനോവിഷമത്താല്‍ ദേഹത്ത് തീകൊളുത്തി ആത്മാഹുതിക്ക് ശ്രമിച്ചതാണു തുനീഷ്യയില്‍ നിന്നും തുടങ്ങി ഈജിപ്ത്, ജോര്‍ദാന്‍,, യമന്‍ തുടങ്ങിയ രാജ്യങ്ങളിലെ ഏകാധിപതികളുടെ ഉറക്കം കെടുത്തുന്ന ജനകീയ പ്രക്ഷോപങ്ങള്‍ക്ക് നിമിത്തമായത്.

നമ്മുടെ നാട്ടിലും ഇടക്കിടക്ക്‌ സംഭവിച്ചുകൊട്നിരിക്കുന്ന രക്തസാക്ഷിത്വങ്ങളും, അക്രമ സംഭവങ്ങളും ഉര്‍വശീശാപം ഉപകാരമായി എന്ന ചൊല്ലിനെ അന്വര്‍ത്ഥമാക്കുന്ന രീതിയില്‍ നാടിനും നാട്ടുകാര്‍ക്കും ഉപകാരപ്രദമായി മാറുന്നതിന്റെ ഉദാഹരണങ്ങള്‍ നിരവധിയാണ്.

കോഴിക്കോട്ടെ ഒരു പ്രസിദ്ധ ഹോട്ടലിലെ ജീവനക്കാരനെ ഒളിക്യാമറ സംഭവത്തില്‍ പിടക്കപ്പെട്ടതോടെ നഗരത്തില്‍ സ്ത്രീകള്‍ നേരിട്ടിരുന്ന പ്രശ്നങ്ങളിലേക്ക് ബന്ടപ്പെട്ടവരുടെ ശ്രദ്ധ തിരിയാനും മൊബൈല്‍ ക്യാമറഭീഷണിയെ ജാഗ്രതയോടെ കാണാനും നിമിത്തമായി.

ഗോവിന്ദ സ്വാമിയെന്ന വികലാംഗനായ ക്രിമിനലിന്റെ ആക്രമണത്തിനും മാനഭംഗത്തിനും ഇരയായ ഷൊര്‍ണ്ണൂരിലെ ഒരു നിര്‍ധന കുടുംബത്തിന്റെ ഏക ആശ്രമായിരുന്ന സൌമ്യ ഇഞ്ചിന്ജായി മരണത്തിന് കീഴടങ്ങേണ്ടി വന്നപ്പോഴാണ് കാലങ്ങളായി തീവണ്ടി യാത്രക്കിടയില്‍ സ്ത്രീകള്‍ നേരിടുന്ന പീഡനങ്ങളും പ്രയാസങ്ങളും ഉത്തരവാദപ്പെട്ടവരുടെ ശ്രദ്ധയില്‍പ്പെടാനും പരിഹാരമുണ്ടാകാനും വഴിയൊരുങ്ങിയത് .

മത രാഷ്ട്രീയ രംഗത്തെ മുഖ്യധാര സംഘടനകള്‍ പോലും പുറം തിരിഞ്ഞു നില്‍ക്കുകയും ആരോരും സഹായിക്കാനില്ലാതെ അനന്തമായ ജയില്‍വാസം അനുഭവിച്ച് ജീവിതം തള്ളിനീക്കുകയായിരുന്ന നിരപരാധികളായ ഒരു പറ്റം മുസ്ലിം ചെറുപ്പക്കാര്‍ക്ക് പ്രതീക്ഷയുടെ നേരിയ പ്രകാശം കിട്ടാന്‍ ഇടയായതും രാജ്യത്തെ നടുക്കിയ നിരവധി സ്ഫോടനക്കേസുകള്‍ മറ്റൊരു വഴിത്തിരിവിലേക്ക് എത്തിപ്പെടാനും നിമിത്തമായത് കര്‍ക്കരെയുടെ രക്തസാക്ഷിത്വവും കലീം – അസീമാനന്ദ സഹതടവറവാസവുമാണ്.

ശബരിമല തീര്‍ഥാടനത്തിന്റെ ഭാഗമായി സ്വാമിമാര്‍ ആകാംക്ഷയോടെ കാണാന്‍ കാത്തിരിക്കാറുണ്ടായിരുന്ന ദിവ്യജ്യോതി കൃതിമമായി കത്തിക്കുന്ന തീയാണെന്ന് ബന്ധപ്പെട്ടവര്‍ക്ക് തുറന്നു പറയേണ്ടിവന്നത് നൂറില്‍ പരം വിശ്വാസികള്‍ക്ക് തിക്കിലും തിരക്കിലുംപെട്ട് ജീവന്‍ ബലി നല്‍കേണ്ടിവന്നതിനു ശേഷമാണ്.

നിസ്സാര കാരണങ്ങള്‍ പറഞ്ഞു ലോണ്‍ അപേക്ഷകള്‍ നിരസിച്ചു പാവപ്പെട്ട കുട്ടികളുടെ പഠനത്തിനു തടസ്സം സൃഷ്ടിച്ചിരുന്ന ബാങ്കുകളുടെ കണ്ണുതുറപ്പിക്കാന്‍ പല വിദ്യാര്‍ത്ഥികള്‍ക്കും ആത്മഹത്യ തന്നെ ചെയ്യേണ്ടി വന്നു.

ദിനം പ്രതി നാം കേട്ട് ഞെട്ടിക്കൊണ്ണ്ടിരിക്കുന്ന ലക്ഷം കോടികളുടെ അഴിമതികള്‍ക്കും ശവക്കല്ലറയിലുള്ളവരെ പോലും വെറുതെ വിടാത്ത കാമഭ്രാന്തിനും അറുതി വരാന്‍ സമൂഹം എന്തൊക്കെ ത്യാഗങ്ങളാണ് പേറേണ്ടിവരിക?

“നാം അനുഭവിക്കുന്ന ഓരോ പ്രയാസങ്ങളും ഒരു നല്ല നാളെയുടെ പേറ്റുനോവാവട്ടെ” കഴിഞ്ഞ മാസം നമ്മോട്‌ വിട പറഞ്ഞ പ്രസിദ്ധ പണ്ഡിതന്‍ ജമാല്‍ മലപ്പുറത്തിന്റെ പതിവ് പ്രാര്‍ത്ഥനയാണ് ഇതെഴുതുമ്പോള്‍ ഓര്മ്മയില്‍ വരുന്നത്. പ്രാര്‍ഥിക്കാം എല്ലാം നല്ലതിന് വേണ്ടിയാവട്ടെ. (Gulf Madhyamam 09 Feb 2011)

നിരപരാധികള്‍ ഈ “തീവ്രവാദികള്‍”

2011-01-25T14:09:00.007+03:00

“ജയിലില്‍ കിടന്നു മരിക്കുകയാണെങ്കില്‍ എന്റെ അവയവങ്ങള്‍ വിറ്റ പണം സ്ഫോടനക്കേസ്സിലെ പ്രതികള്‍ക്ക് നല്‍കണം. ജീവനോടെ പുറത്തിറങ്ങുകയാണെങ്കില്‍ വ്യാജ കുറ്റം ചുമത്തപ്പെട്ട് ഈ കേസ്സില്‍ കുടുങ്ങിയവര്‍ക്കും അവരുടെ കുടുംബത്തിനുമുള്ള സേവനത്തിനായി ഞാനെന്‍റെ ജീവിതം നീക്കി വെക്കും.”

കഴിഞ്ഞ കുറെ വര്‍ഷങ്ങളായി ഇന്ത്യയിലെ വിവിധ ഭാഗങ്ങളില്‍ നടന്ന സ്ഫോടനങ്ങളുടെ പ്രധാന സൂത്രധാരന്മാരില്‍പ്പെട്ട വനവാസി കല്യാണ്‍ ആശ്രമിന്റെ നേതാവ് നബാ കുമാര്‍ സര്‍ക്കാര്‍ എന്ന സ്വാമി അസീമാനന്ദയുടെ മൊഴികളാണിത്.

ഹിന്ദുത്വ തീവ്രവാദികള്‍ക്ക് ജയിലിലായാലും അവരെ പരിചരിക്കാനും സംരക്ഷിക്കാനും പ്രത്യേകമായ സൌകര്യങ്ങള്‍ ഏര്‍പ്പെടുത്തിയതിന്റെ ഭാഗമാണ് ദൈവത്തിന്‍റെ ഇടപെടലെന്നോണം അസീമാനന്ദ സ്വാമി നടത്തിയ സ്ഫോടനത്തിന്റെ പ്രതിയായി ആന്ധ്ര പോലീസിന്റെ പിടിയില്‍പ്പെട്ടു ചഞ്ചല്‍ഗുഡ ജയിലില്‍ എത്തിയ അബ്ദുല്‍ കലീമുമായി സഹവസിക്കാന്‍ ഇടവന്നതും ഇന്ത്യയിലെ മുസ്ലിം പീഡിത ജനതയ്ക്ക് പ്രത്യാശയും സമാധാനവും നല്‍കാനും നിമിത്തമായത്.

രഹസ്യാന്വേഷണവിഭാഗങ്ങളിലും പോലീസിലും “സേവനം” ചെയ്യുന്ന സംഘപരിവാര പ്രതിനിധികളുടെയും സവര്‍ണ്ണ മീഡിയ സിണ്ടിക്കേറ്റുകളുടെയും ഗൂഡതന്ത്രങ്ങളിലൂടെ രാജ്യത്തിന്റെ വിവിധ ഭാഗങ്ങളിലെ ആരാധനാലയങ്ങളിലും ആഘോഷദിനങ്ങളിലും സ്ഫോടനങ്ങള്‍ നടത്തി കള്ളത്താടിയും വ്യാജ മുസ്ലിം തിരിച്ചറിയല്‍ കാര്‍ഡുകളും ചില അറബി ഉറുദു ലിഖിതങ്ങളും സംഭവ സ്ഥലത്ത് ഉപേക്ഷിച്ചു ദേശഭക്തരായി വാണിരുന്ന അഭിനവ സ്വാമിമാരും സ്വാമിനിമാരും പിടിക്കപ്പെട്ടതോടെ രാജ്യത്തു ഇപ്പോള്‍ സ്‌ഫോടനങ്ങള്‍ തന്നെ നടക്കാതായിട്ടുണ്ട്.

ഇത്തരം സ്ഫോടനങ്ങള്‍ നടന്ന ഉടനെ തന്നെ മുന്‍കൂട്ടി നിശ്ചയിച്ച പ്രകാരം മിഡിയകളും പോലീസ്- രഹസ്യാന്വേഷണവിഭാഗങ്ങളിലെ പരിവാര്‍ പ്രേമികളും, സ്‌ഫോടനങ്ങളുടെ ഉത്തരവാദിത്വം സിമിയുടെയും ഹുജിയുടെയും പേരില്‍ ചാര്‍ത്തി തോന്നിയ പോലെ മുസ്ലിം യുവാക്കളെ പിടിച്ചു കൊണ്ടുപോയി പ്രതികളാക്കുന്ന രീതിയാണ് ഇക്കാലമത്രയും തുടര്‍ന്നുപോന്നിരുന്നത്. കാരണം പരിവാര്‍ സ്പോണ്‍സേര്‍ടു സ്‌ഫോടനങ്ങളുടെ അന്വേഷണങ്ങള്‍ പ്രധാനമന്ത്രിയുടെ ഓഫീസില്‍ നിന്ന് വരെ നിയന്ത്രിച്ചിരുന്നത് മുഖ്യ രാജ്യസുരക്ഷ ഉപദേഷ്ടാക്കളായിരുന്നുപോലും!!.

ഹിന്ദുത്വ ഫാഷിസ്റ്റ്‌ ഗ്രൂപ്പുകളും അവരുടെ ഇഷ്ട മീഡിയകളും പ്രചരിപ്പിക്കുന്നതൊക്കെയും വേദവാക്യം പോലെ വിശ്വസിക്കുകയും അവരെ സുഖിപ്പിക്കാനായി നിരപരാധികളായ മുസ്ലിം യുവാക്കളെയും സംഘടനകളെയും തീവ്രവാദികളാക്കിയും കള്ളപ്രചാരണങ്ങള്‍ അതേപടി ഏറ്റുപിടിച്ച് ചര്‍ച്ചകളും ഫീച്ചറുകളുമായി ഭീകരാന്തരീക്ഷം സൃഷ്ടിച്ചിരുന്ന മീഡിയകളും മുസ്ലിം തീവ്രവാദത്തിനെതിരെ സമാധാനത്തിന്റെ ബ്രാന്‍ഡ്‌ അംബാസിഡര്‍മാരായി പ്രഖ്യാപനങ്ങളും കാമ്പയിനുകളുമായി രംഗത്ത് വന്നിരുന്നവരും ഇപ്പോള്‍ മൌനവ്രതത്തിലാണ്.

കേരളം തീവ്രവാദികളുടെ കേന്ദ്രമായിട്ടുണ്ടെന്നും അതിനെതിരെ പ്രചാരണങ്ങളും പ്രതിരോധനിരയും സംഘടിപ്പിക്കുന്ന ഹിന്ദു ഐക്യ വേദിയുടെ സംസ്ഥാന നേതാവിനെ കൊലക്കേസ് പ്രതിയായി ജീവപര്യന്തം തടവിനു ശിക്ഷിക്കപ്പെട്ടതടക്കം രാജ്യമൊട്ടുക്കും കാവി ഭീകരതയുടെ വ്യക്തമായ തെളിവുകള്‍ കേന്ദ്ര ആഭ്യന്തര മന്ത്രി മുതല്‍ ഉന്നത കോണ്ഗ്രസ് നേതാക്കള്‍ക്ക് വരെ തുറന്നു പറയേണ്ടി വന്നിരിക്കയാണിന്നു.

എല്‍.എല്‍ബിക്ക് പഠിക്കുന്നതോടൊപ്പം മൊബൈല്‍ കച്ചവടം നടത്തി കുടുംബം പോറ്റുകയായിരുന്ന കലീമുമാരെപ്പോലുള്ള നിരപരാധികളും നിഷ്കളങ്കരുമായ ആയിരത്തില്‍പ്പരം മുസ്ലിം യുവാക്കള്‍ ഇന്ത്യയിലെ വിവിധ ജയിലുകളില്‍ കുറ്റപത്രം പോലും നല്‍കാതെ കടുത്ത പീഡനങ്ങള്‍ ഏറ്റുവാങ്ങി ദിനരാത്രങ്ങള്‍ തള്ളി നീക്കുകയാണിന്നും. ബോംബെയിലെ ജയിലില്‍ പീഡനം കാരണം മരണപ്പെട്ട കാജാ യുനുസിനെപ്പോലെയുള്ള യുവ എഞ്ചിനീയര്‍മാരും വ്യാജ ഏറ്റുമുട്ടല്‍ കൊലപാതകങ്ങളാല്‍ മരണപ്പെട്ടവരും നിരവധി. ഒരു കേസ്സില്‍ പ്രതിയാക്കി ജയിലില്‍ കഴിയുന്നവരെപ്പോലും ശേഷം നടന്ന ഇതര സ്ഫോടന കേസ്സുകളിലെയും പ്രതികളാക്കി ഒരു നിലക്കും പുറത്തു വരാന്‍ പറ്റാത്ത രീതിയും തുടര്‍ക്കഥയാണ്.

രാജ്യത്തിന്‍റെ വിവിധ ഭാഗങ്ങളില്‍ നടന്ന സ്ഫോടന പരമ്പരകളുടെ യഥാര്‍ത്ഥ പ്രതികള്‍ ഹിന്ദുത്വ തീവ്രവാദികളാണെന്നതിനു വ്യക്തമായ തെളിവുകള്‍ ലഭിച്ച സ്ഥിതിക്ക് അബ്ദുല്‍ കലീമിനെപ്പോലെ പീഡനങ്ങള്‍ സഹിച്ചു ജയിലില്‍ കിടക്കുന്ന നിരപരാധികളായവര്‍ക്ക് വേണ്ടി തന്‍റെ ശിഷ്ടകാലം ഉഴിഞ്ഞു വെക്കുമെന്നു പ്രഖ്യാപിച്ച അസീമാനന്ദയെപ്പോലെ, ഡോക്ടര്‍ ഹനീഫിനോട് മാപ്പ് ചോദിക്കുകയും നഷ്ടപരിഹാരം നല്‍കുകയും ചെയ്ത ആസ്ട്രേലിയന്‍ സര്‍ക്കാരിനെപ്പോലെ കേന്ദ്ര സര്‍ക്കാരും ദേശസ്നേഹികളും തീവ്രവാദ വേട്ടയില്‍ കുടുങ്ങി ജീവിതം ഹോമിക്കപ്പെട്ട നിരപരാധികളോട് മാപ്പ് ചോദിക്കാനും നഷ്ടപരിഹാരം നല്‍കാനും തയ്യാറാവണം. (GULF MADHYAMAM 24 JAN 2011)

വില്ലനായി മാറുന്ന ഇലക്ട്രോണിക് ഉപഹാരങ്ങള്‍

2011-01-05T12:00:00.001+03:00

ഒരു കാലത്ത്‌ പ്രവാസികള്‍ തന്റെ നാട്ടിലുള്ള ബന്ധുമിത്രാതികള്‍ക്കും കൂട്ടുകാര്‍ക്കുമൊക്കെ ഉപഹാരമായി നല്‍കിയിരുന്നത് വാച്ചും വാക്കുമാനും റേഡിയോവുമൊക്കെ ആയിരുന്നെങ്കില്‍ ഇന്ന് ഡിവിഡി പ്ലേയറും ആധുനിക സൌകര്യങ്ങളെല്ലാം ഉള്ള ലാപ്ടോപ്പും മൊബൈല്‍ ഫോണുകളുമാണ് ഭാര്യക്കും സ്കൂളുകളില്‍ പഠിക്കുന്ന ചെറിയ കുട്ടികള്‍ക്കുപോലും എത്തിച്ചു കൊടുക്കുന്നത്.

ആധുനിക മനുഷ്യന്റെ നിത്യോപയോഗഉപകരണമായി മാറിയ മൊബൈല്‍ ഫോണിന്‍റെയും മറ്റും സാങ്കേതികവിദ്യ അനുദിനം പുരോഗമിക്കും തോറും അതുമൂലമുണ്ടാകുന്ന ദുരന്തങ്ങളുടെ എണ്ണവും ആരോഗ്യ പ്രശ്നങ്ങളും നാള്‍ക്കുനാള്‍ വര്‍ദ്ധിച്ചുകൊണ്ടിരിക്കുന്നു.

കേമറ, ബ്ലുടൂത്ത്, വൈഫി, ജി.പീ.ആര്‍.എസ്. തുടങ്ങിയ ആധുനിക സൌകര്യങ്ങളുള്ള ഇത്തരം ഉപകരണങ്ങളുടെ സാങ്കേതിക മികവ് കൂടും തോറും പരിധിവിട്ടുള്ള ഇന്റര്‍നെറ്റ്‌ ഉപയോഗവും, അശ്ലീലതയുടെ അതിര്‍വരമ്പുകള്‍ ലംഘിക്കുന്ന ക്ലിപ്പിങ്ങുകള്‍, ഫോട്ടോകള്‍ തുടങ്ങിയവ പരസ്പരം കൈമാറുന്നതിനു നിഷ്പ്രയാസം സാധിക്കുന്നു

അതിനാല്‍ നാം വലിയ വിലകൊടുത്ത് നമ്മുടെ കുട്ടികള്‍ക്കും ഭാര്യമാര്‍ക്കും നല്‍കുന്ന വിലപ്പെട്ട സമ്മാനങ്ങള്‍ വലിയൊരു ദുരന്തമായി മാറാതിരിക്കാന്‍ അത്തരം ഇലക്ട്രോണിക് ഉപകരണങ്ങള്‍ എങ്ങിനെ ഉപയോഗിക്കണമെന്നും എന്തിനു വേണ്ടി ഉപയോഗിക്കണമെന്നും ഉപയോഗിക്കുന്നവര്‍ ശ്രദ്ധിക്കേണ്ട മുന്‍കരുതലുകളെ കുറിച്ചും അവബോധം ഉണ്ടാക്കുകയും ചെയ്‌താല്‍ തന്നെ ഇന്ന് ഒരു സാമൂഹ്യ വിപത്തായി മാറിക്കൊണ്ടിരിക്കുന്ന ഇത്തരം ദുരന്തങ്ങള്‍ക്ക് കടിഞ്ഞാണിടാന്‍ ഒരു പരിധിവരെ സാധിക്കും. (Gulf Madhyamam 05 Jan 11)

മൊബൈല്‍ ദുരന്തങ്ങള്‍ക്ക് കടിഞ്ഞാണിടാന്‍

2010-12-21T13:47:00.002+03:00

സമൂഹത്തിലെ സകല മേഖലകളിലുള്ളവരുടെയും ദൈനംദിന ജീവിതത്തിലെ നിത്യോപയോഗ വസ്തുവായി മൊബൈല്‍ഫോണ്‍ മാറി കഴിഞ്ഞു. എന്നാല്‍ ഒരുപാട് ദോഷങ്ങളും അതിലേറെ ഗുണങ്ങളുമുള്ള ഈ ഉപകരണത്തിലെ ക്യാമറയും, സംഗീതവും മറ്റുംകാരണം മൊബൈല്‍ഫോണ്‍ കൂടെ കൊണ്ട്നടക്കുന്നത് പോലും നിരോധിക്കുന്ന സ്ഥലങ്ങള്‍ കൂടി കൂടി വരുന്നു. മരണം, അത്യാഹിതം തുടങ്ങിയ ശോകമൂകമായ അന്തരീക്ഷത്തിലും, പ്രാര്‍ത്ഥന വേളകള്‍, വിവിധ മീറ്റിംഗുകള്‍ തുടങ്ങിയ അവസരങ്ങളില്‍ മൊബൈലുകളില്‍ നിന്നും ഒഴുകിയെത്തുന്ന വ്യത്യസ്ത സംഗീതങ്ങളും അപശബ്ദങ്ങളും അലോസരമുണ്ടാകുന്നതും പതിവാണ്. മൊബൈല്‍ സാങ്കേതിക വിദ്യയുടെ പുരോഗതിയും ഉപയോക്താക്കളുടെ വര്‍ദ്ധനവിനുമനുസരിച്ചു മൊബൈല്‍ ദുരുപയോഗം വഴി സംഭവിച്ചുകൊണ്ടിരിക്കുന്ന ദുരന്തങ്ങളുടെ എണ്ണവും അനുദിനം കൂടികൊണ്ടിരിക്കുന്നു.

കേമറ, ബ്ലുടൂത്ത്, വൈഫി, ജി.പീ.ആര്‍.എസ്. തുടങ്ങിയ ആധുനിക സൌകര്യങ്ങളുള്ള മൊബൈലുകള്‍ കൊണ്ടാണ് അശ്ലീലതയുടെ അതിര്‍വരമ്പുകള്‍ ലംഘിക്കുന്ന ക്ലിപ്പിങ്ങുകള്‍, ഫോട്ടോകള്‍ തുടങ്ങിയവ പരസ്പരം കൈമാറുന്നതിനും മൊബൈല്‍ വഴിയുള്ള ഇന്റര്‍നെറ്റ്‌ ഉപയോഗവും സാധ്യമാകുന്നത്. വളരെ കാര്യക്ഷമമായി ഉപയോഗിക്കുന്നവരുടെ മൊബൈല്‍ ഫോണ്‍ സാങ്കേതിക തകരാറുകള്‍ മൂലം റിപ്പയറിങ്ങിനോ മറ്റോ കൊടുക്കുമ്പോള്‍ ഫോട്ടോകള്‍, പാസ്‌വേഡ് അടക്കമുള്ള ഡാറ്റകള്‍ എന്നിവ താല്‍ക്കാലികമായി നീക്കം ചെയ്‌താല്‍ പോലും നാമറിയാതെ അത് വീണ്ടും പുറത്തെടുക്കാന്‍ മൊബൈല്‍ ടെക്നീഷ്യന്‍മാര്‍ക്ക് നിഷ്പ്രയാസം സാധിക്കുമെങ്കില്‍ കളവുപോകുകയോ മറന്നു വെച്ചോ മൊബൈല്‍ ഫോണ്‍ നഷ്ടപ്പെട്ടാല്‍ ഉണ്ടായേക്കാവുന്ന പ്രയാസങ്ങള്‍ അവിചന്തനീയമായിരിക്കും.

സ്കൂള്‍, കോളെജ് വിദ്യാര്‍ത്ഥികള്‍, ദൂരയാത്ര ചെയ്യുന്നവര്‍, വീട്ടമ്മമാര്‍ തുടങ്ങിവരുടെ മൊബൈല്‍ ഫോണ്‍ ഉപയോഗം ഇനി പൂര്‍ണമായി നിയന്ത്രണ വിധേയമാക്കാന്‍ സാധിക്കുമെന്ന് തോന്നുന്നില്ല. അതിനാല്‍ അത്യാധുനിക സൗകര്യങ്ങളുള്ള മൊബൈലുകള്‍ക്ക് പൂര്‍ണമായി നിയന്ത്രണമേര്‍പ്പെടുത്തുകയും പകരം ആശയവിനിമയത്തിന് മാത്രം സൌകര്യമുള്ള മൊബൈലുകള്‍ സാര്‍വത്രികമാക്കുകയും മൊബൈല്‍ ഉപയോഗിക്കുന്നവര്‍ ശ്രദ്ധിക്കേണ്ട മുന്‍കരുതലുകളെ കുറിച്ച് അവബോധം ഉണ്ടാക്കുകയും ചെയ്‌താല്‍ തന്നെ ഇന്ന് ഒരു സാമൂഹ്യ വിപത്തായി മാറിക്കൊണ്ടിരിക്കുന്ന മൊബൈല്‍ ദുരന്തങ്ങള്‍ക്ക് കടിഞ്ഞാണിടാന്‍ ഒരു പരിധിവരെ സാധിക്കും.(Malayalam News 13 Dec 2010, Kerala Kaumudi 01 -01-11)

പ്രഖ്യാപനങ്ങളില്‍ ഒതുങ്ങുന്ന ഉന്നതതല സന്ദര്‍ശനങ്ങള്‍

2010-12-21T13:42:00.000+03:00

സഊദി ഗവര്‍മെന്റ് പ്രഖ്യാപിച്ച പൊതുമാപ്പിന്റെ ആനുകൂല്യം, സ്പോണ്സര്‍ഷിപ്പ്, തൊഴില്‍ നിയമങ്ങള്‍, ഹുറൂബ് തുടങ്ങിയ നിരവധി പ്രശ്നങ്ങളാല്‍ നാട്ടിലെത്താന്‍ കഴിയാതെ നരകയാതന അനുഭവിക്കുന്നവര്‍ക്ക് കൂടി ഉപകാരപ്രദമാകണമെങ്കില്‍ ഉന്നതതലത്തിലുള്ള രാഷ്ട്രീയ സമ്മര്‍ദം കൂടി ആവശ്യമാണെന്ന് സൂചിപ്പിക്കുന്ന റിപ്പോര്‍ട്ട്‌ വായിച്ചു.

സഊദി സര്‍ക്കാരിന്റെ പൊതുമാപ്പ് പ്രഖ്യാപനം, പ്രവാസി മന്ത്രിയുടെ സഊദി സന്ദര്‍ശനവേളയിലായതിനാല്‍ സ്വീകരണ പരിപാടികള്‍ ആഘോഷമാക്കി മാറ്റാന്‍ സംഘാടകര്‍ക്ക് സാധിച്ചു. സഊദിയിലെ വവിധ പ്രവിശ്യകളിലെ ചെറുതും വലുതുമായ സംഘടനകളും കൂട്ടായ്മകളും ഒറ്റക്കൊറ്റക്കായി നല്‍കിയ നിവേദനങ്ങള്‍ വാങ്ങി മന്ത്രിയുടെ കൈകുഴഞ്ഞതായി മന്ത്രി തെന്ന സൂചിപ്പിച്ചിരുന്നു. എന്നാല്‍ ഇത്തരം നിവേദനങ്ങള്‍ എന്ത് ചെയ്യണമെന്നു കുറച്ചു മുമ്പ് തന്റെ ദുബായ് സന്ദര്‍ശനവേളയില്‍ മന്ത്രി തന്നെ നമ്മുക്ക് കാണിച്ചു തന്നിട്ടുമുണ്ട്.

ഭരണത്തിലിരിക്കുന്ന മന്ത്രിമാരും ബന്ധപ്പെട്ട നേതാക്കളും വിദേശ സന്ദര്‍ശനത്തിനായി എത്തുമ്പോള്‍ പുതിയ പുതിയ പ്രഖ്യാപനങ്ങളും വാഗ്ദാനങ്ങളും നല്‍കി ആതിഥേയരെയും ശ്രോതാക്കളെയും കോള്‍മയിര്‍കൊള്ളിക്കുമ്പോള്‍ പ്രതിപക്ഷത്തിരിക്കുന്നവരുടെ സ്വീകരണ പരിപാടികളില്‍ ഭരണക്കാരുടെ ഉദാസീനതയും അവഗണനയും വിശദീകരിച്ചും ആവശ്യമായ ഉപദേശങ്ങളും നിര്‍ദേശങ്ങളും നല്‍കിയും ശ്രോതാക്കളെ വികാരഭരിതമാക്കുന്നതും ഇവിടത്തെ പതിവ് കാഴ്ചകളിലൊന്നു മാത്രം.

പ്രവാസി വോട്ടവകാശ പ്രഖ്യാപനങ്ങള്‍ നിരവധി തവണ ആഘോഷിക്കേണ്ടിവന്നതില്‍ നിന്ന് പാഠമുള്‍ക്കൊണ്ട് പ്രഖ്യാപനങ്ങളും അവകാശവാദങ്ങളും മാറ്റിവെച്ചു തികച്ചും മാനുഷികമായ ഈ വിഷയത്തിന്‍റെ ഗൌരവം മനസ്സിലാക്കി രംഗത്തിറങ്ങാന്‍ മത, രാഷ്ട്രീയ, സാംസ്കാരിക സംഘടനകളും മീഡിയയും ഒറ്റക്കെട്ടായി രംഗത്തിറങ്ങേണ്ടതു അനിവാര്യമായിരിക്കുന്നു.

(Gulf Madhyamam 20 Dec 2010)

ആസൂത്രിതം ഈ ഗൂഡാലോചനകള്‍

2010-12-07T12:40:00.002+03:00

ഏതെങ്കിലും രീതിയില്‍ “തീവ്രവാദ” ചിന്തയുമായി ബന്ധപ്പെടുന്നത് കൊണ്ടല്ല നമ്മുടെ രാജ്യത്ത്‌ ഒരാള്‍ തീവ്രവാദിയായി മുദ്രകുകുത്തപ്പെടുന്നത് എന്നത് മനസ്സിലാക്കാന്‍

തെഹല്‍ക ലേഖികയായ ഷാഹിനയുടെ അനുഭവം ഒരു നിമിത്തമായിരിക്കയാണ്.

പിറന്ന മണ്ണില്‍ സ്വന്തം മാതൃഭാഷയില്‍ ആശയ വിനിമയം നടത്തിയാല്‍ വരെ തീവ്രവാദിയായി മുദ്രകുത്തി പീഡിപ്പിക്കുന്ന സംഭവങ്ങളും പുതിയതല്ല. നൂറുല്‍ഹുദ എന്ന വയോധികനായ ദയൂബന്ത് പണ്ഡിതന് തന്റെ വിദേശ യാത്രക്കിടെ ഭീകരമുദ്ര ചാര്‍ത്തി ജയിലില്‍ പോകേണ്ടി വന്നത് സഹയാത്രക്കാരിയുടെ സംശയം കാരണമായിരുന്നു. വര്‍ഷങ്ങള്‍ക്കു മുമ്പ് നെഹ്‌റു ട്രോഫി കാണാന്‍ ആലപ്പുഴയില്‍ വന്ന ബോംബെയില്‍ നിന്നുള്ള രണ്ടു ടൂറിസ്റ്റ്‌കള്‍ ഹിന്ദിയില്‍ ആലപ്പുഴയുടെ മാപ്പ് അന്വേഷിക്കുന്നത് കണ്ട ഓട്ടോറിക്ഷ ഡ്രൈവര്‍ പോലീസില്‍ വിവരം അറിയിച്ചതോടെ രണ്ടു ഭീകരര്‍ പിടിക്കപ്പെട്ട ഫ്ലാഷ് ന്യൂസ്‌ ആണ് കേള്‍ക്കാന്‍ കഴിഞ്ഞത്. ബോംബെ എയര്‍പോര്‍ട്ടില്‍ കാമുകിയെ കാണാന്‍ വേഷം കെട്ടി വന്ന കാമുകനെ പിടിച്ച പാടെ ബോംബെ കലാപത്തിന്റെ മുഖ്യ സൂത്രധാരന്‍ പിടിക്കപ്പെട്ട പ്രഖ്യാപനം ബന്ടപ്പെട്ടവര്‍ക്ക് ഉടനെ മാറ്റിപ്പറയേണ്ടിവന്നു.

ഇസ്രത്ത്‌ ജഹാന്‍ എന്ന കോളെജ് വിദ്യാര്‍ത്ഥിനീയെയും, ബട്ള ഹൌസില്‍ രണ്ടു മുസ്ലിം വിദ്യാര്‍ഥികളെയും നിഷ്ടൂരം വെടിവെച്ചു കൊന്നതും കേവലം സംശയത്തിന്‍റെ പേരില്‍ മാത്രം. തീവ്രവാദിയായി മുദ്രകുത്തി ജയിലില്‍ പോയവര്‍ക്ക് വേണ്ടി കേസ്സ് വാദിച്ചതിന്റെ പേരില്‍ ജീവന്‍ നഷ്ടപ്പെട്ടവരും പേടിച്ചു പിന്മാറിയവരും നിരവധി.

പാനായിക്കുളത്തു “സ്വാതന്ത്ര്യ സമരത്തില്‍ മുസ്ലിംകളുടെ പങ്കു” എന്ന വിഷയം ചര്‍ച്ച ചെയ്തു നടത്തിയ സെമിനാറില്‍ പങ്കെടുത്തവര്‍ ഇന്ന് കേരളത്തിലെ കൊടുംഭീകരരായി മുദ്രകുത്തിക്കഴിഞ്ഞു. തിരുവന്തപുരത്തെ മുഹ്സിന്‍, അക്ബര്‍ രാജ്, വയനാട്ടിലെ കബീര്‍, ചാവക്കാട്ടെ കളിത്തോക്ക്‌ കച്ചവടക്കാരന്‍ തുടങ്ങിയവരെ മീഡിയ ആഘോഷിച്ചതും നാം മറന്നു കാണില്ല.

എന്നാല്‍ വ്യാജ ബോംബു ഭീഷണി മുഴക്കിയും ലെറ്റര്‍ ബോംബു അയച്ചും കിംഗ്‌ ഫിഷര്‍ വിമാനത്തില്‍ ബോംബു വെച്ചവരും, ആയിരംനാക്കുമായി വര്‍ഗീയ ഭീകര വിഷയങ്ങള്‍ മാത്രം പ്രസംഗിക്കുകയും എഴുതുകയും അനുയായികളെ അതിനുവേണ്ടി പരിശീലിപ്പിക്കുകയും ചെയ്യുന്നവര്‍ നമ്മുക്കിടയില്‍ സസുഖം “സാംസ്കാരിക പ്രവര്‍ത്തകരായി” വിലസുന്നു.

മീഡിയ രംഗത്ത് പ്രസിദ്ധമായ തെഹല്‍ക പോലുള്ള സ്ഥാപനത്തിലെ റിപ്പോര്‍ട്ടറാണെങ്കിലും ഷാഹിനാക്ക് സ്വന്തം തൊഴില്‍ മണ്ഡലത്തില്‍ നിന്നും കാര്യമായ പിന്തുണ കിട്ടുമെന്ന് പ്രതീക്ഷിക്കുന്നത് വിഡ്ഢിത്വമാണ്. കാരണം ഒരാളെ തീവ്രവാദിയാക്കുന്നതിലും നിരപരാധിയാക്കുന്നതിലും മീഡിയകള്‍ക്ക് കാര്യമായ പങ്കുണ്ട്. ഗവര്‍മെന്റ് രഹസ്യാനേഷണ വിഭാഗങ്ങളിലും മറ്റും ജോലിചെയ്യുന്നവരും വിരമിച്ചവരുമായ സംഘപരിവാര്‍ പ്രതിബന്ധതയുള്ളവരും അവരോട് ആഭിമുഖ്യമുള്ള മീഡിയകളും ചേര്‍ന്നുള്ള സിണ്ടിക്കേറ്റാണ് ഇതിന്റെ പിന്നില്‍ പ്രവര്‍ത്തിക്കുന്നത്. അതുകൊണ്ടാണ് ചില കേസ്സുകളില്‍ പിടിക്കപ്പെടുന്നവര്‍ മാനസിക വൈകല്യമുള്ളവരാണെന്നു പോലീസ് ഓഫീസര്‍മാര്‍ തന്നെ പ്രഖ്യാപനം നടത്തി രക്ഷപ്പെടുത്തുമ്പോള്‍ മറ്റു ചിലരുടെ പ്രസ്ഥാന, കുടുംബ വിവരങ്ങള്‍ അടക്കമുള്ള ഫീച്ചറുകളും ക്ലിപ്പിങ്ങസുകളും വിവിധ ചാനലുകളിലും വാരികകളിലും ടോപ്‌ സ്റ്റോറിയായി കാണാന്‍ സാധിക്കുന്നത്.

താന്‍ പ്രവര്‍ത്തിക്കുന്ന സംഘടനയുടെ നേതാവില്‍ നിന്നോ, ജോലിചെയ്യുന്ന വകുപ്പില്‍ നിന്നോ പ്രമോഷനും മറ്റു ആനുകൂല്യങ്ങളും നേടിയെടുക്കാന്‍, അല്ലെങ്കില്‍ മീഡിയകളില്‍ നിറഞ്ഞു നില്‍ക്കാന്‍ വേണ്ടി ഒരു കൂട്ടര്‍ നിരപരാധികളെ പിടിച്ചു തീവ്രവാദിയാക്കുമ്പോള്‍ മറ്റൊരു വിഭാഗം തങ്ങളുടെ പത്ര/വാരിക വാറോലകള്‍ക്ക് മാര്‍ക്കറ്റ് കിട്ടാന്‍ ചെയ്യുന്ന തറവേലകളാണിതൊക്കെ..

സാഹിനയുടെ സങ്കടങ്ങള്‍ പങ്കുവെക്കുന്നവരും അവര്‍ക്ക് വേണ്ടി ഐക്യദാര്‍ഡ്യം പ്രഖ്യാപിക്കുന്നവരും അറിയാന്‍: സമാനമായ രീതിയില്‍ സംശയ രോഗത്തിന്റെ ഇരകളായി ജയിലും കോടതിയും കയറിഇറങ്ങി ദുരിതങ്ങള്‍ അനുഭവിച്ചുകൊണ്ടിരിക്കുന്നവരെ സഹായിക്കാനും ഇത്തരം അനീതിയും പീഡനങ്ങളും അവസാനിപ്പിക്കാന്‍ മുന്നിട്ടിറങ്ങുന്നവരെ സര്‍വ്വാത്മനാ പിന്തുണക്കാനും തയ്യാറാകുമോ എന്ന നൈതിക പ്രശ്നത്തോട് നിങ്ങളുടെ നിലപാടെന്ത്‌?.

(Malayalam News 07 Dec 2010)

വേണം ഇവര്‍ക്കുമൊരു പെരുമാറ്റ ചട്ടം

2010-12-07T12:11:00.000+03:00

വിശുദ്ധ ഹറമിനടുത്ത നഗരമെന്ന നിലയിലും ലക്ഷക്കണക്കിന് പ്രവാസി മലയാളികള്‍ താമസിക്കുന്ന പ്രദേശമെന്ന നിലക്കും കേരളത്തില്‍നിന്നുള്ള വിവിധ മത രാഷ്ട്രീയ സംഘടനകളുടെ നേതാക്കളും കലാ സാംസ്കാരിക സാഹിത്യ മേഖലകളിലെ പ്രമുഖരും ജിദ്ദാ സന്ദര്‍ശനം നടത്തുക പതിവാണ്.

ഇന്ത്യാ – സൗദി ഗവര്‍മെന്റുകളുടെയോ അവക്ക് കീഴിലുള്ള വിവിധ വകുപ്പുകളുടെയോ പ്രതിനിധികളായും ക്ഷണിതാക്കളായും ചിലര്‍ ഇവിടെ എത്തുമ്പോള്‍ പ്രവാസി കൂട്ടായ്മകളുടെ സ്പോണ്‍സര്‍ഷിപ്പിലും ഹജ്ജ്‌ - ഉംറ ലകഷ്യമാക്കി സ്വന്തം ചെലവിലും ഗ്രൂപ്പുകളുടെ ലീഡര്‍മാരായും ഇവിടെ എത്തുന്നവരും കുറവല്ല. ഇങ്ങിനെ വിവിധ രീതിയില്‍ ഇവിടെ എത്തുന്നവര്‍ തങ്ങളുടെ പ്രധാന ലക്‌ഷ്യം പൂര്‍ത്തീകരിച്ചു കഴിഞ്ഞാല്‍ പിന്നെ നാട്ടില്‍ തങ്ങള്‍ പ്രതിനിധാനം ചെയ്യുന്ന സംഘടനകളുടെ പ്രവര്‍ത്തനങ്ങള്‍, പിറന്ന നാട്ടിലെ സാമൂഹ്യ വിഷയങ്ങള്‍ തുടങ്ങിയവ വിശദീകരിക്കുന്നതിനായി പൊതു പരിപാടികള്‍, സ്വീകരണ യോഗങ്ങള്‍, മീഡിയ ഇന്റര്‍വ്യൂ തുടങ്ങിയവ ഉപയോഗപ്പെടുത്തുന്നത് സ്വാഗതാര്‍ഹമാണ്.

എന്നാല്‍, പരിശുദ്ധ ഹജ്ജ്‌, ഉംറ തുടങ്ങിയ പുണ്യ കര്‍മ്മങ്ങള്‍ നിര്‍വ്വഹിച്ചു കഴിഞ്ഞു ജീവിത വിശുദ്ധി നേടി (ഐടി ഭാഷയില്‍ പറഞ്ഞാല്‍- “മനസ്സിനെ ഫോര്‍മാറ്റ്” ചെയ്തവര്‍) തങ്ങള്‍ നേടിയെടുത്ത ആത്മവിശുദ്ധി പുണ്യഭൂമിയോട് യാത്രപറയും മുമ്പേ നഷ്ടപ്പെടുത്താന്‍ ഉത്സാഹം കാണിക്കുന്നത് ഖേദകരം തന്നെ. എതിര്‍ സംഘടനകളുടെ കുറ്റവും കുറവും പറഞ്ഞു പരിഹസിക്കാനും അവരുടെ നേതാക്കളെ കുറിച്ച് ഒളിയമ്പുകള്‍ എറിയാനും അനര്‍ഹമായത് അനുചിതമായി നേടിയെടുക്കാനും വരെ കിട്ടിയ അവസരം ഉപയോഗപ്പെടുത്തുന്നത് തങ്ങള്‍ ചെയ്ത പുണ്യകര്‍മ്മങ്ങള്‍ നിഷ്ഫലമാക്കാനും നിമിത്തമാകുകയും സമൂഹത്തിലുള്ള ആദരവും ബഹുമാനവും നഷ്ടപ്പെടുത്താനും കാരണമാകുന്നു.

അതിനാല്‍ ജീവിതത്തിലെ അന്ത്യാഭിലാഷം നിറവേറ്റാന്‍ ഭീമമായ സംഖ്യയും യാത്രാ പ്രയാസങ്ങളും സഹിച്ചു പുണ്യകര്‍മ്മങ്ങള്‍ നിര്‍വഹിച്ചവരും അവര്‍ക്ക് സ്വീകരണ വേദികള്‍ ഒരുക്കുന്നവരും ഇത്തരം പൊതുപരിപാടികള്‍ക്ക് ഒരു മാതൃകാപെരുമാറ്റ ചട്ടത്തെക്കുറിച്ച് ഗൌരവമായി ചിന്തിക്കേണ്ടിയിരിക്കുന്നുവെന്നാണ് കാലങ്ങളായി ജിദ്ദയിലും മറ്റും നടന്നു കൊണ്ടിരിക്കുന്ന വിവിധ പരിപാടികളില്‍ നിന്നും മനസ്സിലാകുന്നത്. (Gulf Madhyamam - 06 Dec. 2010)

A Letter to Indian Hajj Mission

2010-11-27T11:23:00.001+03:00

The service rendered by Jeddah based Indian Hajj Welfare Forum in Mina for the last 10 years is appreciable indeed!

An umbrella organization of around 20 Kerala based socio cultural associations, this Indian expatriates forum represents volunteers from all walks of social life -starting from poor laborers, wealthy business men and professionals- who are dedicated to the solitary objective of serving the guests of Allah by extending a helping hand to fulfill their rituals with ease and comfort. Serving every needy pilgrim regardless of their nationality, has been an undying passion to these volunteers who willingly sacrifice their holiday comforts every year while seeking nothing other than reward from the Almighty.

It is worth mentioning that they are maintaining this laborious task in the midst of many difficulties This kind of service becomes an ideal model to emulate not only for Indians representing other states, but the entire expatriate community staying in Jeddah as well. Despite the goodwill from top officials of the Indian Consulate, it is regrettable that the support from Indian Hajj Mission has been lukewarm . While Saudi NGOs like WAMY is keen to provide identity cards and other necessities like uniforms etc, Indian Hajj mission has not at all been bothered to help them with such facilities.

The volunteers being recruited by Indian Hajj mission every year end up helpless and incompetent usually because of their inexperience and lack of language skills.

In view of the above, It would be a great help if our Hajj mission and Consulate authorities reconsider their position vis-a-vis Haj welfare forum and recognize the kind of selfless service being rendered by their compatriots. Just a helping hand by providing jackets, identity cards and other facilities for hajj volunteers in the coming years would make a big difference! (Saudi Gazette 26 Nov. 2010)

(http://www.saudigazette.com.sa/index.cfm?method=home.regcon&contentID=2010112688058

മിനയുടെ മനസ്സറിഞ്ഞ ഹജ്ജ്‌ വളണ്ടിയര്‍മാര്‍

2010-11-27T10:52:00.004+03:00

ലോകത്തിന്റെ നാനാ ഭാഗങ്ങളില്‍നിന്നും അല്ലാഹുവിന്റെ അതിഥികളായി എത്തുന്ന ഹാജിമാരെ സേവിക്കാന്‍ വേണ്ടി, കഴിഞ്ഞ പത്തു വര്‍ഷമായി ഹജ്ജ്‌ കാലത്തും മറ്റും രംഗത്തിറങ്ങുന്ന ജിദ്ദയിലെ മലയാളി സമൂഹത്തിന്റെ സേവനം പ്രശംസനീയമാണ്.

ഗള്‍ഫിലും നാട്ടിലും കുടുംബവുമൊത്തുള്ള പെരുന്നാള്‍ ആഘോഷം മാറ്റിവെച്ചും, ഒരാഴ്ചത്തെ ഹജ്ജ് അവധി ഉപയോഗപ്പെടുത്തികൊണ്ടും സേവന സന്നദ്ധരായി മിനയില്‍ എത്തുന്നവരില്‍ വ്യത്യസ്ത പ്രായക്കാരും വിവിധ തസ്തികകളില്‍ ജോലി ചെയ്യുന്നവരും സ്വന്തമായി ബിസിനസ്സ് നടത്തുന്നവരുമൊക്കെയുണ്ട്. അല്ലാഹുവിന്റെ അതിഥികളെ പരിചരിക്കുകയും സഹായിക്കുകയും ചെയ്യുമ്പോള്‍ ലഭിക്കുന്ന ആത്മനിര്‍വൃതിയും അവരുടെ ആത്മാര്‍ഥമായ പ്രാര്‍ഥനയും അതുവഴി കിട്ടുന്ന പുണ്യവും ഉദ്ദേശിച്ചാണ് ഹജ്ജ് വളണ്ടിയര്‍മാര്‍ സേവന രംഗത്തിറങ്ങുന്നത്.

സ്വദേശികളെക്കാള്‍ വിദേശികളുള്ള ഈ രാജ്യത്ത് സേവന സന്നദ്ധരായി രംഗത്ത് വരുന്ന കേരളീയ സമൂഹം ഇന്ത്യയിലെ വിവിധ സംസ്ഥാനങ്ങള്‍ക്ക് മാത്രമല്ല ഇതര രാഷ്ട്രക്കാര്‍ക്ക് തന്നെ മാതൃകയായാണ്.

ഊണും ഉറക്കവുമൊഴിച്ചു രാപകല്‍ ഭേദമന്യേ പ്രാദേശിക ഹജ്ജ്‌ വളണ്ടിയര്‍മാര്‍ കൂട്ടം തെറ്റിയ ഹാജിമാരെ തമ്പുകളിലെത്തിച്ചും വഴി പറഞ്ഞു കൊടുത്തും ഹജ്ജിന്റെ വിവിധ കര്‍മ്മങ്ങള്‍ നിര്‍വ്വഹിക്കാന്‍ സഹായിച്ചും, രോഗികളായവരെ ആശുപത്രികളിലെത്തിച്ചും വ്യാപ്രതരാകുമ്പോള്‍ നാട്ടില്‍ നിന്നും വന്ന ഹജ്ജ്‌ വളന്റിയര്മാര്‍ക്ക് അറബി സംസാര ഭാഷ പരിജ്ഞാനമില്ലാത്തതിനാല്‍ തമ്പുകളിലേക്ക് പ്രവേശിക്കാന്‍ വരെ സാധിക്കാറില്ല. കുറച്ചു മുമ്പ് മിനയിലെ ഇന്ത്യന്‍ ഹജ്ജ്‌ മിഷന്‍റെ നമസ്കാര ഹാളില്‍ പനിപിടിച്ചു പരവശനായ ഒരു ഹജ്ജ്‌ വളന്റിയര്‍ക്കു ജിദ്ദ ഹജ്ജ്‌ വെല്‍ഫയര്‍ ഫോറം വിതരണം ചെയ്തിരുന്ന ഭക്ഷണപ്പാക്കറ്റ്‌ എത്തിച്ചു കൊടുത്തപ്പോള്‍ അദ്ധേഹത്തിന്റെ സന്തോഷം പറഞ്ഞറിയിക്കാന്‍ പറ്റാത്തതായിരുന്നു.

മിനയില്‍ തങ്ങളുടെ യുനിഫോമും തിരിച്ചറിയല്‍ കാര്‍ഡും ധരിക്കാതെ മുങ്ങി നടക്കുന്ന വളണ്ടിയര്‍മാരും ധാരാളം. ഇവരൊക്കെയാണ് നൂറുകണക്കിന് ഹാജിമാര്‍ക്ക് വളണ്ടിയര്‍മാരായി നാട്ടില്‍ നിന്നും വരുന്നത്.

എന്നാല്‍ "വമി" (WAMY)പോലുള്ള അന്താരാഷ്ട്ര സേവന സംഘടനകള്‍ അവരുടെ നിശ്ചിത ക്വാട്ടക്കനുസരിച്ച് മലയാളി കൂട്ടായ്മകള്‍ക്ക്‌ വരെ തിരിച്ചറിയല്‍ കാര്‍ഡുകളും യുനിഫോമുകളും മറ്റു സഹായങ്ങളും നല്‍കി പ്രോല്‍സാഹിപ്പിക്കുകയും സഹായിക്കുകയും ചെയ്യുമ്പോള്‍ ഇത്തരം കൂട്ടായ്മകളുടെ പ്രധാന ഭാരവാഹികള്‍ക്ക് പോലും ഒരു തിരിച്ചറിയല്‍ കാര്‍ഡോ വളണ്ടിയര്‍മാര്‍ക്ക് സൌജന്യമായി ജാക്കറ്റോ നല്‍കാന്‍ പോലും ഇന്ത്യന്‍ ഹജ്ജ് മിഷന്‍ തയ്യാറാകാറില്ല എന്നത് ഏറെ ഖേദകരം തന്നെ. പക്ഷെ കാര്‍ഗിലില്‍ മരിച്ച സൈനികരുടെ ശവപ്പെട്ടിയില്‍ വരെ അഴിമതി നടത്താന്‍ മടിക്കാത്തവര്‍ പ്രതിഫലേച്ഛ കൂടാതെ സേവനം ചെയ്യുന്ന ആയിരക്കണക്കിന് ഹജ്ജ് വളണ്ടിയര്‍മാരുടെ പേരില്‍ എത്ര തുകയാണ് വീതം വെച്ചെടുക്കുന്നതെന്നും ആലോചിച്ചു പോകുകയാണ്.
(G.Madhyamam 21 Nov. 2010)

മീഡിയ മാനിയ നേതാക്കന്മാരോട്

2010-11-27T10:44:00.001+03:00

ജിദ്ദയിലെ വിവിധ മലയാളി സംഘടനകളുടെ ആഭിമുഖ്യത്തില്‍, മത്സര ബുദ്ധിയോടെയും ആവേശ ത്തോടെയും അല്ലാഹുവിന്റെ അതിഥികള്‍ക്ക് സേവനം നല്‍കാന്‍ തയ്യാറായി രംഗത്തിറങ്ങുന്ന ജിദ്ദയിലെ മലയാളി സമൂഹത്തിന്റെ സേവനം പ്രശംസനീയവും ഇന്ത്യയിലെ വിവിധ സംസ്ഥാനങ്ങള്‍ക്ക് മാത്രമല്ല ഇതര രാഷ്ട്രക്കാര്‍ക്ക് തന്നെ മാതൃകയുമാണ്.

ഹജ്ജ് വെല്‍ഫയര്‍ ഫോറം പോലുള്ള കൂട്ടായ്മകള്‍, ചില സംഘടനകള്‍ക്കും വ്യക്തികള്‍ക്കും കോണ്‍സുലേറ്റിലും മറ്റും ആളാകാനും മീഡിയകളില്‍ നിറഞ്ഞു

നില്‍ക്കാനും വേണ്ടി മാത്രം ഉപയോഗപ്പെടുത്തുന്നവരും കുറവല്ല. ഫോറത്തിന്റെ ഭാരവാഹിയാകാന്‍ ആവേശം കാണിക്കുന്നവരും സ്ഥാനങ്ങള്‍ ചോദിച്ചു വാങ്ങുന്നവരും ഒരിക്കല്‍ പോലും ഫീല്‍ഡില്‍ ഇറങ്ങാനോ വളണ്ടിയര്‍ ക്യാമ്പ്‌ സന്ദര്ശിക്കാനോ തയ്യാറാകാറില്ല എന്നത് ഒരു സ്ഥിരം പരിപാടിയായി മാറിക്കഴിഞ്ഞിരിക്കുന്നു.

ഇത്തരം “മീഡിയ മാനിയ നേതാക്കന്മാരെ” മുന്‍കൂട്ടി മനസ്സിലാക്കി, ആത്മാര്‍ഥമായി സേവന രംഗത്തിറങ്ങുന്നവരെ മാത്രമേ സര്‍വിസ് സംഘടനകളുടെ തലപ്പത്തിരുത്തുകയുള്ളുവെന്നു സംഘടനകളും പ്രവര്‍ത്തകരും നിബന്ധനവെക്കുന്നത് വരെ ഇത്തരം “കലാപരിപാടികള്‍” അനുസ്യുതം തുടര്‍ന്നുകൊണ്ടേയിരിക്കും.

ദൈവപ്രീതി മാത്രം കാം ക്ഷിച്ച് സേവനത്തിനു ഇറങ്ങുന്നവരുടെയും സാമ്പത്തിക സഹായം നല്‍കി സഹായിക്കുന്നവരുടെയും ആത്മവീര്യം കെടുത്തുന്ന ഇത്തരം പ്രവര്‍ത്തനങ്ങളില്‍ നിന്നും ഇത്തരം നേതാക്കള്‍ വിട്ടുനിന്നിരുന്നുവെങ്കില്‍.

(G. Madhyamam 23 Nov. 2010)

വോട്ട്‌ കളയാന്‍ മത്സരിക്കുന്നവരോട്

2010-10-21T11:07:00.003+03:00

വോട്ടര്‍ പട്ടികയില്‍ പേരുള്ള ഒരു പെണ്‍കുട്ടിയുടെ കല്യാണം കഴിഞ്ഞ ഉടനെ അയല്‍വാസികള്‍ പോയത് ആ കുട്ടിയുടെ പേര് വോട്ടര്‍ പട്ടികയില്‍ നിന്നും നീക്കം ചെയ്യാനായിരുന്നു.

ഇടയ്ക്കിടയ്ക്ക് ജോലി തേടി ഇതര പ്രദേശങ്ങളില്‍ പോകാറുള്ള ഒരു കൂലി തൊഴിലാളിക്ക് തന്റെ വോട്ട്‌ പുനസ്ഥാപിച്ചു കിട്ടാന്‍ പല പ്രാവശ്യം ജോലി സ്ഥലത്ത് നിന്നും തിരിച്ചു വരേണ്ടി വരുന്നു.

കുടുംബം പോറ്റാന്‍ ഗള്‍ഫ്‌ നാടുകളിലും മറ്റും പോയി കഷ്ടപ്പെടുന്ന പ്രവാസികളെ തെരഞ്ഞു പിടിച്ചു വോട്ടര്‍ ലിസ്റ്റില്‍ നിന്നും പേര് നീക്കം ചെയ്താണ് അതുവരെ കൂടെ നടന്ന തന്റെ ഉറ്റ സുഹ്രത്തുക്കളും നാട്ടുകാരും പ്രവാസിയോടുള്ള കൂറ് കാണിക്കുന്നത്.

കക്ഷി രാഷ്ട്രീയ വൈര്യത്തിന്റെ മറവില്‍ നിഷ്പ്രയാസം നീക്കം ചെയ്യുന്ന പേരുകള്‍ രാഷ്ട്രീയ സമവാക്യങ്ങള്‍ മാറി മറിഞ്ഞു വരുമ്പോള്‍ പുനസ്ഥാപിച്ചു കിട്ടാന്‍ സാധിക്കാതെ തങ്ങള്‍ക്ക്‌ തന്നെ പാരയായി മാറിയ സംഭവങ്ങളും ധാരാളം.

അതിനാല്‍ പ്രവാസി വോട്ടവകാശത്തിനു വേണ്ടി നിവേദനങ്ങളും പ്രസ്താവനകളുമായി മീഡിയകളിലും മറ്റും നിറഞ്ഞു നില്‍ക്കുന്ന പ്രവാസി നേതാക്കന്മാര്‍, നാട്ടിലെ സ്വന്തം നേതാക്കളും അനുയായികളും മല്‍സരബുദ്ധിയോടെ നിര്‍ബാധം നടത്തിക്കൊണ്ടിരിക്കുന്ന ഇത്തരം നീചപ്രവര്‍ത്തനങ്ങളില്‍ നിന്നും മാറിനില്‍ക്കാന്‍ നിര്‍ദേശിക്കുന്നതോടൊപ്പം കഴിയുന്നത്ര പ്രവാസികളെ വോട്ടര്‍ പട്ടികയില്‍ നിലനിര്‍ത്താനും പുതുതായി ചേര്‍ക്കാനുമുള്ള നിയമങ്ങള്‍ സുധാര്യമാക്കാന്‍ ശ്രമങ്ങള്‍ നടത്തിയിരുന്നെങ്കില്‍.